Burmese - Chapter 81 - At-Takwir

၁။ တောက်ပထွန်းလင်းသောနေကို ဖျက်ဆီးရုပ်သိမ်းသောအခါ၌လည်းကောင်း။

၂။ ကြယ်နက္ခတ်တာရာအလုံးတို့ ကြွေကျသောအခါ၌လည်းကောင်း။

၃။ တောတောင်များကို ဖယ်ရှားသောအခါ၌လည်းကောင်း။

၄။ ကိုယ်ဝန်ရင့်သောကုလားအုတ်မများကို ပစ်ထားသောအခါ၌လည်းကောင်း။

၅။ လူနေထိုင်သည့်အရပ်ဒေသများတွင် တောတိရိစ္ဆာန်တို့ကို စုရုံးထားသောအခါ၌လည်းကောင်း။

၆။ သမုဒ္ဒရာပင်လယ်များဝေသောအခါ၌လည်းကောင်း။

၇။ အသက်ဝိညာဉ်များကို ပြန်၍ စုဆောင်းထားသောအခါ၌လည်းကောင်း။

၈၊၉။ အရှင်လတ်လတ်မြေမြှုပ်ထားသောသူငယ်မအား မိမိကို မည်သည့်အပြစ်ကြောင့် သတ်သနည်းဟု မေးမြန်းသောအခါ၌လည်းကောင်း။

၈၊၉။ အရှင်လတ်လတ်မြေမြှုပ်ထားသောသူငယ်မအား မိမိကို မည်သည့်အပြစ်ကြောင့် သတ်သနည်းဟု မေးမြန်းသောအခါ၌လည်းကောင်း။

၁၀။ လူသားအပေါင်းတို့၏ အကျင့်အကြံများကို မှတ်သားထားသည့်စာရင်စာအုပ်ကို ဖွင့်ပြထားသောအခါ၌လည်းကောင်း။

၁၁။ အထက်မိုးကောင်းကင်ကို အစိတ်စိတ်အမွှာမွှာဆုတ်ဖြဲထားသောအခါ၌လည်းကောင်း။

၁၂။ ငရဲမီးလျှံကို ထစေသောအခါ၌လည်းကောင်း။

၁၃။ နိဗ္ဗာန်ဥယျာဉ်တော်ကို မျက်ဝါးထင်ထင်မြင်ရသောအခါ၌လည်းကောင်း။

၁၄။ ထိုအခါအသက်ဝိညာဉ်တိုင်းသည် မိမိတင်ကြိုပို့ထားနှင့်သောအပြုအကျင့်များကို မြင်ရလတံ့။

၁၅၊၁၆၊၁၇၊၁၈။ အို-လူသားအပေါင်းတို့၊ ဂြိုဟ်၊ ထွက်ဝင်သောကြယ်နက္ခတ်တာရာအလုံးကိုသော်လည်းကောင်း၊ ကွယ်ပျောက်သွားသည့်ညဉ့်ကိုသော်လည်းကောင်း၊ ညအမိုက်အမှောင်ကို ဖယ်ရှားသည့်မိုးသောက်အာရုဏ်ကိုသော် လည်းကောင်း၊ ငါသက်သေထူတော်မူ၏။

၁၅၊၁၆၊၁၇၊၁၈။ အို-လူသားအပေါင်းတို့၊ ဂြိုဟ်၊ ထွက်ဝင်သောကြယ်နက္ခတ်တာရာအလုံးကိုသော်လည်းကောင်း၊ ကွယ်ပျောက်သွားသည့်ညဉ့်ကိုသော်လည်းကောင်း၊ ညအမိုက်အမှောင်ကို ဖယ်ရှားသည့်မိုးသောက်အာရုဏ်ကိုသော် လည်းကောင်း၊ ငါသက်သေထူတော်မူ၏။

၁၅၊၁၆၊၁၇၊၁၈။ အို-လူသားအပေါင်းတို့၊ ဂြိုဟ်၊ ထွက်ဝင်သောကြယ်နက္ခတ်တာရာအလုံးကိုသော်လည်းကောင်း၊ ကွယ်ပျောက်သွားသည့်ညဉ့်ကိုသော်လည်းကောင်း၊ ညအမိုက်အမှောင်ကို ဖယ်ရှားသည့်မိုးသောက်အာရုဏ်ကိုသော် လည်းကောင်း၊ ငါသက်သေထူတော်မူ၏။

၁၅၊၁၆၊၁၇၊၁၈။ အို-လူသားအပေါင်းတို့၊ ဂြိုဟ်၊ ထွက်ဝင်သောကြယ်နက္ခတ်တာရာအလုံးကိုသော်လည်းကောင်း၊ ကွယ်ပျောက်သွားသည့်ညဉ့်ကိုသော်လည်းကောင်း၊ ညအမိုက်အမှောင်ကို ဖယ်ရှားသည့်မိုးသောက်အာရုဏ်ကိုသော် လည်းကောင်း၊ ငါသက်သေထူတော်မူ၏။

၁၉။ သက်သေပြချက်မှာကား မုချဧကန်ဤကုရ်အာန်ကျမ်းမြတ်သည် ဂုဏ်အသရေရှိလှသောကောင်းကင်တမန်ဂျစ် ဗရာအီလ်ယူဆောင်လာသောကျမ်းမြတ်ဖြစ်၏။

၂၀။ ထိုကောင်းကင်တမန်သည် တန်ခိုးအာနုဘော်နှင့်ပြည့်စုံ၍ အတိုင်းထက်အလွန်မြင့်မြတ်သောရာဇပလ္လင်တော် အရှင်ရှေ့တော်ဝယ် ချီးမြှောက်ခြင်းခံရသူဖြစ်၏။

၂၁။ ထိုကောင်းကင်တမန်တော်သည် ကောင်းကင်ဘုံ၌ ဩဇာကြီးသောစိတ်ချယုံကြည်လောက်သောသူဖြစ်၏။

၂၂။ အို-ကြားနာရသူအပေါင်းတို့၊ သင်တို့၏ အပေါင်းအဖော်ရှင်မိုဟမ္မဒ်သည် ရူးသွပ်သူမဟုတ်ချေ။

၂၃။ တမန်တော်မိုဟမ္မဒ်သည် ထိုကောင်းကင်တမန်တော်ကို အလွန်မြင့်သာသောကောင်းကင်တိမ်ခြေ၌ မျက်ဝါးထင် ထင် မုချဧကန်မြင်ရ၏။

၂၄။ တမန်တော်မိုဟမ္မဒ်သည် မထင်မရှားလျှို့ဝှက်သောအကြောင်းအရာများကို သင်တို့အား စဉ်းလဲခြင်းကြောင့် ထိမ်ချန်ထားသူမဟုတ်ချေ။

၂၅။ ဤကုရ်အာန်ကျမ်းမြတ်သည် ခဲပေါက်ခံထိုက်သူ ရှိုင်တန်မာရ်နတ်၏ နှုတ်ထွက်စကားမဟုတ်ချေ။

၂၆။ သို့ပါလျက် သင်တို့သည် အဘယ်သို့သွားကြသနည်း။

၂၇။ အကယ်စင်စစ် ဤကျမ်းတော်သည် ဖန်ဆင်းထားတော်မူသောအရာအားလုံးအတွက် သတိပေးကျမ်းတော်မှ တပါး အခြားမည်သည်မျှမဟုတ်ချေ။

၂၈။ ဤကျမ်းတော်သည် သင်တို့အနက် လမ်းမှန်ကို လိုက်လိုသူတို့အဖို့အရာဖြစ်၏။