Burmese - Chapter 83 - Al-Mutaffifin

၁။ လိမ်လည်ကောက်ကျစ်သူတို့သည် ပျက်စီးရာသာတည်း။

၂။ သူတို့သည် သူတပါးထံမှ ချိန်တွယ်သောအခါ မှန်ကန်ပြည့်စုံစွာချိန်တွယ်တိုင်းထွာယူကြ၏။

၃။ သို့သော် သူတပါးအား အတိုင်းအထွာအချိန်အတွယ်အားဖြင့် ပေးရသောအခါ မတရားလျှော့ပေါ့တိုင်းထွာချိန်တွယ်ပေးကြ၏။

၄၊၅။ အလွန်ကြီးကျယ်ကြောက်မက်ဖွယ်ကောင်းသောနေ့တော်ကြီး၌ မိမိတို့သည် ပြန်ရှင်ရမည်ကို ထိုသူယုတ်မာတို့ မတွေးတောမဆင်ခြင်ကြသလော။

၄၊၅။ အလွန်ကြီးကျယ်ကြောက်မက်ဖွယ်ကောင်းသောနေ့တော်ကြီး၌ မိမိတို့သည် ပြန်ရှင်ရမည်ကို ထိုသူယုတ်မာတို့ မတွေးတောမဆင်ခြင်ကြသလော။

၆။ ထိုနေ့တော်ကြီး၌ လူသားအားလုံးတို့သည် အနန္တစကြာဝဠာတို့၏ အရှင်သခင်မျက်မှောက်တော်သို့ ဝင်၍ အစစ်ခံရန် စီတန်းကြရလတံ့။

၇။ စင်စစ်အားဖြင့် ထိုသူယုတ်မာတို့တွေးတောထင်မြင်သည့်အတိုင်း မဟုတ်ချေ၊ ဆိုးသွမ်းယုတ်မာသောသူတို့ ကျူးလွန်ခဲ့သမျှသောအကုသိုလ်မကောင်းမှုစာရင်းကို (စစ်ဂျင်)စာအုပ်ကြီးတွင် မှတ်သားထား၏။

၈။ (စစ်ဂျင်)သည် အဘယ်အရာဖြစ်သည်ကို သင့်အား အဘယ်သူရှင်းလင်းပြောပြမည်နည်း။

၉။ (စစ်ဂျင်)သည် အကုသိုလ်မကောင်းမှုများကို အပြည့်အစုံရေးထားသည့်မှတ်ပုံတင်စာအုပ်ကြီးဖြစ်၏။

၁၀။ ထိုနေ့တော်ကြီး၌ ငြင်းပယ်သူတို့သည် ပျက်စီးရာသာတည်း။

၁၁။ အမှန်တရားစီရင်တော်မူသောနေ့တော်ကြီးကို မယုံကြည်ငြင်းပယ်ကြ၏။

၁၂။ အမှန်မှာ တရားတော်ကို ကျူးလွန်သူမှတပါး အဘယ်သူမျှ ယင်းသို့ငြင်းပယ်သည်မဟုတ်ချေ။

၁၃။ သင်သည် ငါ၏ပညတ်တော်များကို သူ့အား ဖတ်ပြဟောပြောသောအခါ ထိုသူမိုက်က "ရှေးလူဟောင်းတို့၏ဒဏ္ဍာရီပုံပြင်ဝတ္ထုများသာတည်း"ဟု ဆို၏။

၁၄။ ပုံပြင်ဝတ္ထုများမဟုတ်ချေ၊ သို့သော် ထိုသူမိုက်တို့၏ စိတ်နှလုံးတို့၌ သူတို့ကျူးလွန်မိခဲ့သောဒုစရိုက်အပြစ်သံချေး တက်နေ၏။

၁၅။ ဧကန်အမှန် ထိုနေ့တော်ကြီး၌ ထိသု ူမိုက်တို့သည် မိမိအရှင်သခင်၏ ကောင်းကြီးမင်္ဂလာတော်မှ ကာဆီးထားခြင်း ခံကြရလိမ့်မည်။

၁၆။ ထိုအခါသူတို့သည် ငရဲမီးထဲတွင် အမှန်လောင်ကျွမ်းရမည်သာတည်း။

၁၇။ တဖန်သူတို့အား နင်တို့ငြင်းပယ်လေ့ရှိသောငရဲသည် ဤအရာသာတည်းဟူ၍ ပြောဆိုလတံ့။

၁၈။ သို့သော် သူမွန်သူမြတ်တို့၏ စာရင်းသည် (အီလ္လီယင်)တွင် ရှိ၏။

၁၉။ ဤ(အီလ္လီယင်)သည် အဘယ်အရာဖြစ်သည်ကို သင့်အား အဘယ်သူရှင်းလင်းပြောပြမည်နည်း။

၂၀။ ထိုအရာသည် မှတ်ပုံတင်စာအုပ်ကြီးဖြစ်သည်။

၂၁။ ထိုစာအုပ်ကြီးရှိ မှတ်တမ်းများမှန်ကန်ကြောင်းကို မိမိအရှင်သခင်အား နီးကပ်စွာခစားရသောကောင်းကင်တမန် တော်များက သက်သေခံကြ၏။

၂၂။ အကယ်စင်စစ် သူတို့သည် သုခဘုံ၌ စံစားကြရ၏။

၂၃။ ထိုသူမြတ်တို့သည် မြင့်မြတ်ဂုဏ်ကျက်သရေရှိသောပလ္လင်ပေါ်တွင် ထိုင်လျက် ပတ်ဝန်းကျင်အရာခပ်သိမ်းကုန် တို့ကို ရှုစားကြလော့။

၂၅။ ထိုနိဗ္ဗာန်သားတို့အား သောက်ဖို့ရာ လုံခြံုစွာဆို့ပိတ်တံဆိပ်ခတ်နှိပ်ထားသည့် သန့်ပြန့်စင်ကြယ်သောအရက်ကို ပေးလတံ့။

၂၆။ ထိုတံဆိပ်မှာ ကတိုးတံဆိပ်ဖြစ်၏၊ သုခဘုံကို ရကြောင်း ကြိုးစားသူတို့သည် ထိုအရက်ကို ရအောင် အားထုတ်ကြကုန်လော့။

၂၇။ ထိုအရက်နှင့်ရောနှောသုံးဆောင်ရန် တတ်(စ်)နီး(မ်)ရေကို ပေးလတံ့။

၂၈။ ထိုတတ်(စ်)နီး(မ်)စမ်းရေကို အရှင်မြတ်အား နီးကပ်စွာခစားရသောသူတို့မှီဝဲကြ၏။

၂၉။ မှတ်သားကြလော့၊ ငရဲသားတို့သည် လောကဓာတ်တွင် ယုံကြည်သူတို့အား ပျက်ရယ်ပြုလေ့ရှိကြ၏။

၃၀။ ငရဲသားတို့သည် မိမိတို့ရှေ့၌ ထိုယုံကြည်သူတို့လျှောက်သွားသောအခါတိုင်း ပြောင်လှောင်လျက် အချင်းချင်းတစ်ဦးကို တစ်ဦးမျက်ရိပ်ပြကြ၏။

၃၁။ တဖန်သူတို့သည် မိမိတို့သားချင်းထံ ပြန်သောအခါ ပြက်ရယ်ပြောင်ချော်လျက် ပြန်ကြ၏။

၃၂။ တဖန် သူတို့သည် ယုံကြည်သူတို့ကို မြင်သောအခါတိုင်း သူတို့သည် "ကြည့်ကြလော့၊ ဤလူတို့သည်ဧကန်အမှန်လမ်းလွဲသွားသူများတည်း" ဟု ပြောဆိုကြ၏။

၃၃။ သို့သော် ထိုသူယုတ်မာတို့အား ယုံကြည်သူတို့ကို ထိန်းသိမ်းစောင့်ရှောက်သူအဖြစ်ဖြင့် စေလွှတ်ထားသည် မဟုတ်ချေ။

၃၄။ သို့သော် ယနေ့မူကား ယုံကြည်သူတို့သည် အယူမှားသူတို့အား လက်စားချေ၍ ပျက်ရယ်ပြုကြရ၏။

၃၅။ သူမွန်သူမြတ်တို့သည် မြင့်မြတ်၍ ဂုဏ်ကျက်သရေရှိသောပလ္လင်ပေါ်တွင် ထိုင်လျက် ပတ်ဝန်းကျင်အရာခပ်သိမ်းကုန်ကို ရှုစားကြလော့။

၃၆။ မိစ္ဆာဒိဋ္ဌိတို့အား လောကဓာတ်၌ ပြုကျင့်သမျှတို့ကို ပြန်ဆပ်ပြီမဟုတ်လား။