Burmese - Chapter 98 - Al-Bayyinah

၁။ ရှေးကျမ်းတော်ရသူများနှင့် ဆင်းတုဝါဒီတို့သည် မိမိတို့ထံသို့ ထင်ရှားသောသက်သေခံချက် ကျရောက်လာသည့် တိုင်အောင် မိမိတို့အယူဝါဒများကို စွန့်လွှတ်ကြမည်မဟုတ်ချေ။

၂။ ထိုထင်ရှားသောသက်သေခံချက်သည် သန့်ရှင်းစင်ကြယ်သောကျမ်းတော်မြတ်ကို ရွတ်ဖတ်သော အလ္လာဟ် အရှင်မြတ်အထံတော်မှ တမန်တော်ဖြစ်၏။

၄။ ရှေးကျမ်းတော်ရသူများသည် မိမိတို့ထံသို့ ထင်ရှားသောသက်သေခံချက်ကျရောက်လာပြီးမှသာ အချင်းချင်း ကွဲပြားခြားနားကြကုန်၏။

၅။ လူသားသည် ပင်ကိုယ်အားဖြင့် ဖြောင့်မတ်မှန်ကန်သောကြောင့် ဘာသာတရားကို အလ္လာဟ်အရှင်မြတ်အတွက် သန့်ရှင်းစွာထားပြီးလျှင် အရှင်မြတ်အား ခဝပ်ကိုးကွယ်ခြင်း၊ ဆွလားသ်ဝတ်ပြုခြင်း၊ ဇကားသ်ပေးခြင်းတို့မှတပါး သူတို့အား မည်သည်ကိုမှ ပညတ်တော်မမူချေ၊ ဤသည်သာလျှင် ဘာသာတရားအစစ်အမှန်ဖြစ်၏။

၆။ မှတ်သားကြလော့၊ ရှေးကျမ်းရသူများနှင့် ဆင်းတုဝါဒီများအနက် မိစ္ဆာဒိဋ္ဌိတို့သည် ငရဲမီးထဲတွင် နေကြရလတံ့၊ သူတို့သည် ဖန်ဆင်းတော်မူသောအရာတို့တွင် အယုတ်မာဆုံးဖြစ်ကြ၏။

၇။ သို့သော် ယုံကြည်လျက် သုစရိုက်ကောင်းမှုပွားများသူတို့မူကား ဝေနေယျသတ္တဝါအပေါင်းတို့တွင် အမွန်မြတ်ဆုံး ဖြစ်ကြကုန်၏။

၈။ သူတို့၏ ဆုသည် သူတို့၏ အရှင်သခင်၏ အထံတော်၌ရှိ၏၊ သူတို့သည် မြစ်အထွေထွေစီးဆင်းလျက်ရှိသော နိဗ္ဗာန်ဥယျာဉ်တော်များတွင် အစဉ်အမြဲခံစားစံစားကြကုန်လတံ့၊ အလ္လာဟ်အရှင်မြတ်သည် သူတို့ကို နှစ်သက်တော်မူသည်၊ သူတို့လည်း အရှင်မြတ်အား နှစ်သက်ကြ၏၊ ဤဆုလာဘ်တော်ကြီးသည် မိမိ၏ အရှင်သခင်အား ကြောက်ရွံ့ရိုကျိုးသူတို့အဖို့သာတည်း။