Back to Languages
Chichewa - Chapter 37 - As-Saffat
Translation by Khaled Ibrahim Betala — Permalink
Verse 1 — Surah As-Saffat 37:1
“Ndikulumbira (angelo) amene amandanda m’mizere yondondozana, (popembedza ndi kugonjera Mbuye wawo)
Verse 2 — Surah As-Saffat 37:2
“Ndi omwe amaletsa zoipa
Verse 3 — Surah As-Saffat 37:3
“Ndi omwe amalalika ulaliki (wa Allah ndi kumtamanda mochulukira)
Verse 4 — Surah As-Saffat 37:4
“Ndithu Mulungu wanu ndi mmodzi basi
Verse 5 — Surah As-Saffat 37:5
“Mbuye wathambo ndi nthaka, ndi zapakati pake; ndiponso Mbuye wa kuvuma konse
Verse 6 — Surah As-Saffat 37:6
“Ndithu tidalikongoletsa thambo lapafupi (ndi inu) ndi chokongoletsa cha nyenyezi (zowala)
Verse 7 — Surah As-Saffat 37:7
“Ndi kuti lisungidwe ku satana aliyense wogalukira (lamulo la Allah)
Verse 8 — Surah As-Saffat 37:8
“Kuti asamvere (zomwe zikunenedwa ndi) gulu lolemekezeka (la angelo). Ndipo akugendedwa (ndi kupirikitsidwa) mbali zonse
Verse 9 — Surah As-Saffat 37:9
“Kuthamangitsidwa mwamphamvu; ndipo chilango chonkerankera patsogolo chili pa iwo
Verse 10 — Surah As-Saffat 37:10
“Kupatula amene wazembetsa mawu (akumwamba), ndipo chikumtsatira iye chenje cha moto chowala kwambiri
Verse 11 — Surah As-Saffat 37:11
“Tawafunsa (otsutsa zouka ku imfa): “Kodi iwo ngovuta kuwalenga kuposa zimene tidalenga, (monga: thambo, nthaka, nyenyezi ndi zina zotere)?” Ndithu Ife tidawalenga kuchokera ku dongo lonyata
Verse 12 — Surah As-Saffat 37:12
“Koma iwe (Mneneri) ukudabwa (za kutsutsa kwawo kuuka ku imfa pomwe zisonyezo zilipo zambirimbiri), ndipo akukuchitira chipongwe (kudabwa kwako)
Verse 13 — Surah As-Saffat 37:13
“Ndipo akalalikiridwa, salalikirika
Verse 14 — Surah As-Saffat 37:14
“Ndipo akachiona chisonyezo (chosonyeza kukhoza kwa Allah,) amachichitira chipongwe
Verse 15 — Surah As-Saffat 37:15
“Ndipo osakhulupirira amanena: “Palibe chilipo apa, koma ndi matsenga woonekera poyera.”
Verse 16 — Surah As-Saffat 37:16
““Kodi tikadzafa ndi kusanduka fumbi ndi mafupa, tidzatulutsidwanso (kuchokera m’manda tili amoyo)?”
Verse 17 — Surah As-Saffat 37:17
““Pamodzi ndi makolo athu akale?”
Verse 18 — Surah As-Saffat 37:18
“Nena (iwe Mneneri): “Inde (mudzaukitsidwa inu pamodzi ndi makolo anu) uku inu muli onyozeka.”
Verse 19 — Surah As-Saffat 37:19
“Ndithu (kuukako) ndimkuwe umodzi adzangodzidzimuka ali moyo, akuyang’ana
Verse 20 — Surah As-Saffat 37:20
“Ndipo adzanena (okanawo): “Kalanga ife! Kuonongeka nkwathu! Ili nditsiku lija lamalipiro!”
Verse 21 — Surah As-Saffat 37:21
“(Adzawauza): “Ili nditsiku la chiweruziro lomwe mumalitsutsa lija.”
Verse 22 — Surah As-Saffat 37:22
“(Kudzanenedwa kwa angelo): “Asonkhanitseni amene adali osalungama pamodzi ndi akazi awo (okana Allah) ndi milungu yawo imene amaipembedza,”
Verse 23 — Surah As-Saffat 37:23
““Kusiya Allah, ndipo asonyezeni njira ya ku Jahannam.”
Verse 24 — Surah As-Saffat 37:24
““Koma aimikeni pano chifukwa iwo afunsidwa (za chikhulupiliro chawo ndi zochita zawo):”
Verse 25 — Surah As-Saffat 37:25
““Kodi nchifukwa ninji inu (opembedza mafano) simukupulumutsana (monga mumanenera pa dziko lapansi kuti mudzapulumutsana)?”
Verse 26 — Surah As-Saffat 37:26
“Koma iwo pa tsikulo adzagonjera ndi kudzipereka (ku lamulo la Allah)
Verse 27 — Surah As-Saffat 37:27
“Ndipo adzatembenukirana ndi kuyamba kufunsana (ndi kudzudzulana)
Verse 28 — Surah As-Saffat 37:28
“Ndipo (ofooka) adzanena (kwa odzikweza): “Inu mumatidzera kumbali komwe timakuganizira kuti nkwabwino (ndi kutichotsako kunka nafe ku njira yopotoka)
Verse 29 — Surah As-Saffat 37:29
“(Odzikweza) adzayankha: “Koma simudali okhulupirira.”
Verse 30 — Surah As-Saffat 37:30
““Ndipo tidalibe nyonga zokuponderezerani inu, koma mudali anthu opyola malire (ndi kutuluka ku choonadi cha Allah).”
Verse 31 — Surah As-Saffat 37:31
““Choncho mawu a Mbuye wathu (onena za chilango) atsimikizika pa ife; ndithu ife tichilawa (chilango).”
Verse 32 — Surah As-Saffat 37:32
““Tidakusokeretsani; nafenso tidali osokera. (Choncho musatidzudzule).”
Verse 33 — Surah As-Saffat 37:33
“Ndithu iwo akathandizana chilango tsiku limenelo (la chiweruziro)
Verse 34 — Surah As-Saffat 37:34
“Ndithu (chilango chonga chimenecho) ndimomwe timawachitira olakwira (Allah)
Verse 35 — Surah As-Saffat 37:35
“Ndithu iwo ankati akauzidwa kuti palibe wopembedzedwa mwa choonadi koma Allah ankadzitukumula
Verse 36 — Surah As-Saffat 37:36
“Ndipo ankanena: “Kodi ife tisiye kupembedza milungu yathu chifukwa cha zonena za mlakatuli, wopenga?”
Verse 37 — Surah As-Saffat 37:37
“Iyayi koma adawadzera ndi choonadi (Mthenga wawo Muhammad yemwe siwamisala kapena wolakatula zopeka) ndipo adawatsimikizira za atumiki
Verse 38 — Surah As-Saffat 37:38
“Ndithu inu (osakhulupirira) mudzalawa chilango chowawa
Verse 39 — Surah As-Saffat 37:39
“Ndipo simudzalipidwa kupatula zokhazo zimene mumachita
Verse 40 — Surah As-Saffat 37:40
“Kupatula akapolo a Allah oyeretsedwa
Verse 41 — Surah As-Saffat 37:41
“Kwa iwo kuli zopatsidwa zodziwika (ndi Mbuye wawo Allah)
Verse 42 — Surah As-Saffat 37:42
“Zipatso (zamtundu uliwonse); ndipo iwo adzalandira ulemu (waukulu)
Verse 43 — Surah As-Saffat 37:43
“M’minda ya mtendere
Verse 44 — Surah As-Saffat 37:44
“Adzakhala pa makama (a mtengo wapatali) uku akuyang’anizana
Verse 45 — Surah As-Saffat 37:45
“Uku zikuwazungulira zikho zodzazidwa ndi zakumwa zochokera m’kasupe woyenda nthawi zonse
Verse 46 — Surah As-Saffat 37:46
“Woyera, wokoma kwa akumwa (zakumwazo)
Verse 47 — Surah As-Saffat 37:47
“(M’zakumwazo) mulibe zopweteketsa mutu (kwa ozimwa) ndiponso iwo sadzaledzera nazo
Verse 48 — Surah As-Saffat 37:48
“Ndipo kwa iwo kudzakhala akazi oyang’ana iwo okha, ophanuka maso (okongola)
Verse 49 — Surah As-Saffat 37:49
“Onga ngati dzira (la nthiwatiwa) losungidwa (m’mapiko)
Verse 50 — Surah As-Saffat 37:50
“Ndipo adzayang’anizana ndi kuyamba kufunsana (pakati pawo)
Verse 51 — Surah As-Saffat 37:51
“Adzanena wonena mmodzi wa iwo: “Ine ndidali ndi mnzanga (wopembedza mafano amene amatsutsana nane za chipembedzo ndi zophunzitsa za Qur’an yolemekezeka).”
Verse 52 — Surah As-Saffat 37:52
“Yemwe amandiuza: “Kodi iwe ndiwe mmodzi wa ovomereza?”
Verse 53 — Surah As-Saffat 37:53
““Zakuti tikadzafa ndi kusanduka fumbi ndi mafupa, (tidzaukanso) ndi kulandira malipiro (pa zochita zathu)?”
Verse 54 — Surah As-Saffat 37:54
“(Wokhulupirira) adzanena (kwa anzake: “Inu anthu a kumtendere) kodi simungasuzumire (nane ku moto kuti timuone)?”
Verse 55 — Surah As-Saffat 37:55
“Choncho adzayang’ana ndipo adzamuona ali mkatikati mwa moto
Verse 56 — Surah As-Saffat 37:56
“Adzanena: “Ndikulumbilira Allah! Udatsala pang’ono kuti undiononge (ndikadakuvomera paja pa dziko lapansi).”
Verse 57 — Surah As-Saffat 37:57
““Ndipo pakadapanda chisomo cha Mbuye wanga, ndikadakhala mmodzi mwa opezeka ku Moto.”
Verse 58 — Surah As-Saffat 37:58
““Kodi zili choncho kuti sitidzafanso (tizingosangalala m’Munda wamtendere).”
Verse 59 — Surah As-Saffat 37:59
““Kupatula imfa yathu yoyamba ija, ndi kutinso ife sitilangidwa?”
Verse 60 — Surah As-Saffat 37:60
“Ndithu izi (zimene Allah waika m’Munda wamtendere) ndiko kupambana kwakukulu
Verse 61 — Surah As-Saffat 37:61
“(Pofuna kupeza) zonga zimenezi ogwira ntchito agwire
Verse 62 — Surah As-Saffat 37:62
“Kodi zimenezo ndilo phwando labwino kapena mtengo wa Zaqqum (wowawa kwambiri womwe anthu a ku Moto azikadya)
Verse 63 — Surah As-Saffat 37:63
“Ndithu Ife taupanga (mtengo umenewu) kukhala mayeso ndi chilango cha anthu ochimwa (podzichitira okha chinyengo ndi kupembedza mafano)
Verse 64 — Surah As-Saffat 37:64
“Umenewu ndimtengo omwe umatuluka pakatikati pa Jahannam (adaulenga kuchokera ku Moto)
Verse 65 — Surah As-Saffat 37:65
“Zipatso zake (nzoipa) ngati mitu ya asatana
Verse 66 — Surah As-Saffat 37:66
“Ndithu iwo akadya mtengowo ndi kudzaza mimba zawo ndi zipatso zake (pakuti sakapeza chakudya china kupatula zipatso za mtengowo)
Verse 67 — Surah As-Saffat 37:67
“Kenako, ndithu kuwawa kwa mtengowo kosakanikirana ndi madzi owira kuzakhala pa iwo
Verse 68 — Surah As-Saffat 37:68
“Kenako ndithu kobwerera kwawo ndi ku Jahannam
Verse 69 — Surah As-Saffat 37:69
“Ndithu iwo adapeza makolo awo ali osokera
Verse 70 — Surah As-Saffat 37:70
“Ndipo iwonso adatsata mapazi awo mothamanga
Verse 71 — Surah As-Saffat 37:71
“Ndipo, ndithu akale ambiri adasokera patsogolo pawo
Verse 72 — Surah As-Saffat 37:72
“Ndipo, ndithu tidatuma achenjezi kwa iwo
Verse 73 — Surah As-Saffat 37:73
“Tapenya momwe adalili mapeto a omwe adachenjezedwa
Verse 74 — Surah As-Saffat 37:74
“Kupatula akapolo a Allah, oyeretsedwa (iwo ndiwo anthu a ku Munda wamtendere)
Verse 75 — Surah As-Saffat 37:75
“Ndithu Nuh adatiitana, (ndipo tidamuyankha mayankho abwino), taonani kukhala bwino Ife Oyankha
Verse 76 — Surah As-Saffat 37:76
“Ndipo tidampulumutsa iye ndi anthu ake ku vuto lalikulu
Verse 77 — Surah As-Saffat 37:77
“Ndipo tidazichita zidzukulu zake kukhala zotsala (pa dziko, oipa ataonongeka)
Verse 78 — Surah As-Saffat 37:78
“Ndipo tidamsiira mbiri yabwino kwa mibadwo yodza pambuyo pake
Verse 79 — Surah As-Saffat 37:79
“Mtendere ukhale pa Nuh pa zolengedwa zonse
Verse 80 — Surah As-Saffat 37:80
“Ndithu umu ndimomwe Ife tilipirira ochita zabwino
Verse 81 — Surah As-Saffat 37:81
“Ndithu iye ndi mmodzi mwa akapolo Athu okhulupirira
Verse 82 — Surah As-Saffat 37:82
“Kenako tidawamiza enawo
Verse 83 — Surah As-Saffat 37:83
“Ndipo ndithu m’gulu lake (la Nuh) muli Ibrahim
Verse 84 — Surah As-Saffat 37:84
“Kumbuka pamene adadza kwa Mbuye wake ndi mtima wabwino (wogonjera malamulo)
Verse 85 — Surah As-Saffat 37:85
“Pomwe adanena kwa bambo wake ndi anthu ake: “Mukupembedza chiyani?”
Verse 86 — Surah As-Saffat 37:86
““Ha! Milungu yopeka kusiya Allah, ndi imene mukuifuna?”
Verse 87 — Surah As-Saffat 37:87
““Kodi maganizo anu ngotani pa Mbuye wa zolengedwa zonse?”
Verse 88 — Surah As-Saffat 37:88
“Ndipo adayang’ana nyenyezi mozama
Verse 89 — Surah As-Saffat 37:89
“Ndipo adanena: “Ine ndine wodwala!”
Verse 90 — Surah As-Saffat 37:90
“Choncho iwo adatembenuka ndi kumsiya
Verse 91 — Surah As-Saffat 37:91
“(Ibrahim) adapita mozemba ku mafano awo, ndipo adawauza (mwachipongwe:) “Bwanji simukudya (chakudya chomwe chaikidwa patsogolo panupo)?”
Verse 92 — Surah As-Saffat 37:92
““Bwanji simukuyankhula?”
Verse 93 — Surah As-Saffat 37:93
“Atatero adawatembenukira ndi kuwamenya (mwamphamvu) ndi dzanja lamanja
Verse 94 — Surah As-Saffat 37:94
“(Pamene adamva eni mafanowo) adadza kwa iye akuthamanga
Verse 95 — Surah As-Saffat 37:95
“Anati: “Kodi mukupembedza (miyala) imene mwasema?”
Verse 96 — Surah As-Saffat 37:96
““Chikhalirecho Allah ndiye adakulengani ndi zimene mukuchita!”
Verse 97 — Surah As-Saffat 37:97
“Iwo adati: “Mmangireni ng’anjo, ndipo mponyeni m’motowo.”
Verse 98 — Surah As-Saffat 37:98
“Adafuna kumchita chiwembu (kuti amuphe ndi moto), koma tidawachita kukhala onyozeka
Verse 99 — Surah As-Saffat 37:99
“Ndipo (Ibrahim) adati: “Ndithu ine ndikupita kwa Mbuye wanga, Iye andiongolera.”
Verse 100 — Surah As-Saffat 37:100
““E Mbuye wanga! Ndipatseni mwana yemwe adzakhale (mmodzi) mwa olungama!”
Verse 101 — Surah As-Saffat 37:101
“Ndipo tidamuuza nkhani yabwino ya mwana wofatsa, (mwanayo ndi Ismaila)
Verse 102 — Surah As-Saffat 37:102
“Ndipo (adabadwa ndi kuyamba kukula.) Pamene adakwana nsinkhu woyenda pamodzi ndi tate wake pochitachita za m’dziko (Ibrahim adayesedwa mayeso kupyolera m’maloto omwe adalota). Adati: “E mwana wanga! Ine kutulo ndikuona maloto (owona ochokera kwa Allah omwe akundilamula) kuti ndikuzinge (monga nsembe yopereka kwa Allah). Nanga ukuti bwanji?” (Mwana wabwino) adanena: “Bambo wanga! Kwaniritsani chimene mukulamulidwa. Ngati Allah afuna, mundipeza ndili mmodzi mwa opirira.”
Verse 103 — Surah As-Saffat 37:103
“Pamene adagonjera onse awiri (chofuna cha Allah), ndipo (Ibrahim) adam’goneka chakumphumi (ndipo adatsimikiza kumupha)
Verse 104 — Surah As-Saffat 37:104
“Ndipo tidamuitana: “E iwe Ibrahim!”
Verse 105 — Surah As-Saffat 37:105
““Ndithu wavomereza maloto! (Choncho usamuphe mwana wakoyo).” Umo ndi momwe timawalipirira ochita zabwino
Verse 106 — Surah As-Saffat 37:106
“Ndithu amenewa ndimayeso oonekera
Verse 107 — Surah As-Saffat 37:107
“Ndipo tidampulumutsa pompatsa nyama yayikulu (yoti apereke nsembe)
Verse 108 — Surah As-Saffat 37:108
“Ndipo tidamsiira (mbiri yabwino) kwa anthu ena (amene adadza pambuyo pake)
Verse 109 — Surah As-Saffat 37:109
“Mtendere ukhale pa Ibrahim
Verse 110 — Surah As-Saffat 37:110
“M’menemo ndi mornwe timawalipirira ochita zabwino
Verse 111 — Surah As-Saffat 37:111
“Ndithu iye adali mmodzi mwa akapolo Athu okhulupirira
Verse 112 — Surah As-Saffat 37:112
“Ndiponso tidamuuza nkhani yabwino (yoti akhala ndi mwana wotchedwa) Isihaqa; mneneri; wam’gulu la olungama
Verse 113 — Surah As-Saffat 37:113
“Ndipo tidamdalitsa iye ndi (mwana wake) Isihaqa; ndipo m’mbumba ya awiriwa mudapezeka abwino ndi odzichitira zoipa owonekera
Verse 114 — Surah As-Saffat 37:114
“Ndipo ndithu tidawachitira zabwino Mûsa ndi Haruna, (powapatsa uneneri ndi madalitso ambiri)
Verse 115 — Surah As-Saffat 37:115
“Ndipo tidawapulumutsa (awiriwa) ndi anthu awo ku vuto lalikulu
Verse 116 — Surah As-Saffat 37:116
“Ndipo tidawathangata (powagonjetsera adani awo), ndipo iwo adali opambana
Verse 117 — Surah As-Saffat 37:117
“Ndipo tidawapatsa (Mûsa ndi Haruna) buku losonyeza poyera (malamulo)
Verse 118 — Surah As-Saffat 37:118
“Ndipo tidawaongolera ku njira yolunjika
Verse 119 — Surah As-Saffat 37:119
“Ndiponso tidawasiira (mbiri yabwino) kwa anthu ena (amene adadza pambuyo pawo)
Verse 120 — Surah As-Saffat 37:120
“Mtendere ukhale pa Mûsa ndi Haruna
Verse 121 — Surah As-Saffat 37:121
“Ndithu umu ndi momwe Ife timawalipirira ochita zabwino
Verse 122 — Surah As-Saffat 37:122
“Ndithu awiriwa adali m’gulu la akapoio Athu okhulupirira
Verse 123 — Surah As-Saffat 37:123
“Ndipo ndithu Iliyasa ndi mmodzi wa atumiki
Verse 124 — Surah As-Saffat 37:124
“(Kumbuka) pamene adanena kwa anthu ake: “Bwanji simuopa (Allah)?”
Verse 125 — Surah As-Saffat 37:125
““Mukupembedza (fano lotchedwa) Ba’la ndi kusiya (kupembedza) Wabwino zedi mwa olenga onse.”
Verse 126 — Surah As-Saffat 37:126
““Allah, Mbuye wanu ndi Mbuye wa makolo anu akale?”
Verse 127 — Surah As-Saffat 37:127
“Koma adamtsutsa; ndithu iwo adzaonekera (ku Moto)
Verse 128 — Surah As-Saffat 37:128
“Kupatula akapolo a Allah amene ayeretsedwa (ndi Allah)
Verse 129 — Surah As-Saffat 37:129
“Ndipo tidamsiira (mbiri yabwino) kwa anthu ena (amene adadza pambuyo pake)
Verse 130 — Surah As-Saffat 37:130
“Mtendere ukhale pa Iliyasiin
Verse 131 — Surah As-Saffat 37:131
“Ndithu umo ndi mmene Ife timawalipirira ochita zabwino
Verse 132 — Surah As-Saffat 37:132
“Ndithu iye ndimmodzi mwa akapolo Athu okhulupirira
Verse 133 — Surah As-Saffat 37:133
“Ndithu Luti ndi mmodzi wa atumiki
Verse 134 — Surah As-Saffat 37:134
“(Kumbuka) pamene tidampulumutsa iye ndi anthu ake onse
Verse 135 — Surah As-Saffat 37:135
“Kupatula nkhalamba yachikazi; idali mwa otsalira
Verse 136 — Surah As-Saffat 37:136
“Kenako tidawaononga enawo (omwe adali oipa)
Verse 137 — Surah As-Saffat 37:137
“Ndithu inu (a mumzinda wa Makka) mumadutsa pa malo pawopo m’mawa
Verse 138 — Surah As-Saffat 37:138
“Ndi usiku. Kodi bwanji simuzindikira
Verse 139 — Surah As-Saffat 37:139
“Ndithu Yunusu ndi mmodzi wa atumiki
Verse 140 — Surah As-Saffat 37:140
“(Kumbuka) pamene adathawira m’chombo chodzazidwa (ndi katundu)
Verse 141 — Surah As-Saffat 37:141
“Choncho adachita mayere, ndipo adali m’gulu la omgwera (mayerewo)
Verse 142 — Surah As-Saffat 37:142
“Choncho nsomba idammeza uku ali wodzudzulidwa
Verse 143 — Surah As-Saffat 37:143
“Kukadapanda kuti iye adali m’modzi mwa otamanda ndi kulemekeza Allah
Verse 144 — Surah As-Saffat 37:144
“Akadakhala m’mimba mwake mpaka tsiku loukitsidwa (zolengedwa ku imfa)
Verse 145 — Surah As-Saffat 37:145
“Koma tidamponya pa gombe uku ali wodwala
Verse 146 — Surah As-Saffat 37:146
“Ndipo tidammeretsera mmera wa mtundu wa nkhaka
Verse 147 — Surah As-Saffat 37:147
“Ndipo (atachira) tidamtuma ku anthu okwana zikwi zana limodzi (,000) kapena kupambana apa
Verse 148 — Surah As-Saffat 37:148
“Ndipo adakhulupirira (ndi kuvomereza ulaliki wake); choncho tidawapatsa chisangalalo kufikira nthawi (ya imfa yawo)
Verse 149 — Surah As-Saffat 37:149
“Choncho afunse: “Kodi Mbuye wako ndiye woyenera ana aakazi, ndipo iwo aamuna? (Pomwe iwo akabereka mwana wamkazi amanyansidwa naye)!”
Verse 150 — Surah As-Saffat 37:150
“Kapena kuti tidalenga angelo kukhala akazi, iwo akuona
Verse 151 — Surah As-Saffat 37:151
“Chenjera ndi bodza lawolo, ndithu iwo akunena
Verse 152 — Surah As-Saffat 37:152
““Allah wabereka.” Ndithu iwo ndi abodza
Verse 153 — Surah As-Saffat 37:153
“Kodi Iye adasankha ana aakazi kusiya aamuna
Verse 154 — Surah As-Saffat 37:154
“Kodi nchiyani chakupezani (kuti muweruze mopanda chilungamo); nanga mukuweruza bwanji (zimenezi)
Verse 155 — Surah As-Saffat 37:155
“Kodi bwanji simukumbukira, (mwaiwala zisonyezo Zake zodabwitsa ndi kupatukana kwake ndi zimenezo)
Verse 156 — Surah As-Saffat 37:156
“Kapena inu muli ndi umboni woonekera (wochokera kumwamba)
Verse 157 — Surah As-Saffat 37:157
“Tabweretsani buku lanulo (momwe mwalembedwa zimenezi) ngati mukunena zoona
Verse 158 — Surah As-Saffat 37:158
“Ndipo adapeka chibale pakati pa Iye (Allah) ndi ziwanda; (pomwe ziwanda nzobisika kwa iwo). Ndithu ziwanda zimadziwa kuti iwo osakhulupirira akaonekera (kwa Allah kuti aweruzidwe)
Verse 159 — Surah As-Saffat 37:159
“Walemekezeka Allah! Ndi kupatukana ndi zimene akumnamizira
Verse 160 — Surah As-Saffat 37:160
“Koma akapolo a Allah oyeretsedwa (ali kutali ndi zimene akusimba osakhulupirirazi)
Verse 161 — Surah As-Saffat 37:161
“Ndithu inu (osakhulupirira) ndi zimene mukuzipembedza (kusiya Allah)
Verse 162 — Surah As-Saffat 37:162
“Ndi zimenezo simungamsokeretse aliyense
Verse 163 — Surah As-Saffat 37:163
“Kupatula yemwe (Allah adadziwa kuti) ngolowa ku Jahannam
Verse 164 — Surah As-Saffat 37:164
“Ndipo (angelo adanena): “Aliyense mwa ife ali ndi malo ake odziwika.”
Verse 165 — Surah As-Saffat 37:165
““Ndipo ndithu (ena mwa) ife ngondanda m’mizere (ya mapemphero nthawi zonse).”
Verse 166 — Surah As-Saffat 37:166
““Ndipo (ena mwa) ife ngolemekeza (Allah nthawi zonse ndi kumtamanda ndi kumpatula ku zinthu zosayenerana ndi ulemelero wake).”
Verse 167 — Surah As-Saffat 37:167
“Ndipo (osakhulupirira) ankati
Verse 168 — Surah As-Saffat 37:168
““Tikadakhala ndi buku monga lomwe anthu akale adali nalo.”
Verse 169 — Surah As-Saffat 37:169
““Tikadakhala akapolo a Allah, oyeretsedwa.”
Verse 170 — Surah As-Saffat 37:170
“Koma (pamene lidawadzera bukulo), adalikana; choncho posachedwa adziwa (zotsatira zake)
Verse 171 — Surah As-Saffat 37:171
“Ndipo ndithu liwu lathu lidatsogola kwa akapolo athu otumidwa
Verse 172 — Surah As-Saffat 37:172
“(Kuti) ndithu iwo ngopulumutsidwa
Verse 173 — Surah As-Saffat 37:173
“Ndipo ndithu asilikali Athu ndi opambana
Verse 174 — Surah As-Saffat 37:174
“Choncho, asiye kwa kanthawi kochepa
Verse 175 — Surah As-Saffat 37:175
“Ndipo ingowayang’ana basi; posachedwapa aona
Verse 176 — Surah As-Saffat 37:176
“Kodi chilango chathu akuchifulumizitsa
Verse 177 — Surah As-Saffat 37:177
“Choncho chikadzatsika pabwalo lawo, udzakhala mmawa woipa kwa ochenjezedwa
Verse 178 — Surah As-Saffat 37:178
“Ndipo asiye kwa kanthawi kochepa
Verse 179 — Surah As-Saffat 37:179
“Ndipo ingowayang’ana basi; posachedwapa aona
Verse 180 — Surah As-Saffat 37:180
“Mbuye wako, Mwini ulemelero, wapatukana ndi zimene akumnamizira (osakhulupirira)
Verse 181 — Surah As-Saffat 37:181
“Ndipo mtendere ukhale pa atumiki onse
Verse 182 — Surah As-Saffat 37:182
“Ndipo kuyamikidwa konse nkwa Allah, Mbuye wa zolengedwa zonse