Back to Languages
Pushto - Chapter 38 - Sad
Translation by Abdulwali Khan — Permalink
Verse 1 — Surah Sad 38:1
صاد، قسم دى په قرآن چې د نصیحت والا دى
Verse 2 — Surah Sad 38:2
بلكې هغه كسان چې كافران شوي دي، په كبر او مخالفت كې دي
Verse 3 — Surah Sad 38:3
مونږه له دوى نه مخكې څومره ډېرې پېړۍ هلاكې كړې دي، نو هغوى به چغې وهلې، حال دا چې دغه وخت به د خلاصي نه و
Verse 4 — Surah Sad 38:4
او دوى په دې وجه تعجب كوي چې دوى ته له همدوى ځنې یو وېروونكى راغى او كافرانو وویل: دا (پېغمبر) جادوګر دى، سخت دروغجن دى
Verse 5 — Surah Sad 38:5
ایا ده دغه معبودان یو اله وګرځول، بېشكه دا خامخا ډېر عجیبه څیز دى
Verse 6 — Surah Sad 38:6
او له دوى څخه (د كفارو) مشران لاړل، چې (ویل يې:) ځئ او په خپلو معبودانو ټینګ اوسئ، بېشكه دغه (توحید) خامخا یو داسې شى دى چې غوښتنه يې كولى شي (زمونږ نه)
Verse 7 — Surah Sad 38:7
مونږ دغه (توحید) په وروستي دین (نصرانیت) كې نه دى اورېدلى. نه دى دا مګر له خپله ځانه نه جوړ كړى شوي دروغ
Verse 8 — Surah Sad 38:8
ایا زمونږ له مینځه په ده باندې ذكر (وحي، قرآن) نازل كړى شو! بلكې دوى زما د ذكر (قرآن) په هكله په شك كې دي بلكې لا تر اوسه دوى زما عذاب نه دى څكلى
Verse 9 — Surah Sad 38:9
ایا له دوى سره ستا د رب د رحمت خزانې دي (هغه رب) چې ډېر غالب، عطا كوونكى دى؟
Verse 10 — Surah Sad 38:10
یا د دوى لپاره بادشاهي ده د اسمانونو او ځمكې او د هغه څه چې د دواړو په مینځ كې دي، نو دوى دې په اسبابو كې وخېژي
Verse 11 — Surah Sad 38:11
(دغه) داسې لښكر ګوټى دى له لښكرو څخه، چې په دغه ځاى كې شكست وركړى شوى دى
Verse 12 — Surah Sad 38:12
تكذیب كړى و له دوى نه مخكې د نوح قوم او عادیانو او فرعون چې د مېخونو والا و
Verse 13 — Surah Sad 38:13
او ثمودیانو او د لوط قوم او د ځنګل والاوو، همدغه ډلې دي
Verse 14 — Surah Sad 38:14
نه ده هره یوه (ډله) مګر چې د رسولانو تكذیب يې كړى دى، نو زما عذاب پرې ثابت شو
Verse 15 — Surah Sad 38:15
او دوى انتظار نه كوي مګر د یوې داسې چغې چې د هغې لپاره بېرته ګرځېدل نشته (وقفه نشته)
Verse 16 — Surah Sad 38:16
او دوى ویل: اى زمونږ ربه! ته مونږ ته زمونږ برخه ژر راكړه، د حساب له ورځې نه مخكې
Verse 17 — Surah Sad 38:17
ته د دوى په دغو خبرو صبر كوه او ته زمونږ بنده داود یاد كړه چې د قوت والا و، بېشكه هغه ډېر رجوع كوونكى و
Verse 18 — Surah Sad 38:18
بېشكه مونږ له هغه سره غرونه تابع كړي وو چې د ورځې په اخره او اوله برخه كې به يې تسبیح ویله
Verse 19 — Surah Sad 38:19
او مرغان مو (تابع كړي وو) په دې حال كې چې جمع كړى شوي به وو، هر یو به ده ته ښه رجوع كوونكى و
Verse 20 — Surah Sad 38:20
اومونږ د هغه باچاهي مضبوطه كړې وه او مونږ هغه ته حكمت او د غوڅې خبرې قوت وركړى و
Verse 21 — Surah Sad 38:21
او ایا تا ته د جګړه كوونكو خبر راغلى دى، كله چې هغوى په (دېوال د) عبادت خانې راوختل
Verse 22 — Surah Sad 38:22
كله چې دوى په داود ورننوتل، نو هغه له دوى نه ووېرېده، دوى وویل: ته مه وېرېږه! (مونږ یو) دوه جګړه كوونكې ډلې، زمونږ ځینو په ځینو نورو ظلم كړى دى، نو ته زمونږ په مینځ كې په حقه سره فیصله وكړه او زیاتى مه كوه او ته نېغې لارې ته زمونږ لار ښووونه وكړه
Verse 23 — Surah Sad 38:23
بېشكه دا زما ورور دى، د ده نهه نوي (یو كم سل) ګډې (مېږې) دي او زما یوه ګډه (مېږه) ده، نو ده وویل: ته ما د دې كفیل (مالك) وګرځوه او په خبرو كې يې په ما غلبه كړې ده
Verse 24 — Surah Sad 38:24
ده (داود) وویل: یقینًا یقینًا ده په تا ظلم كړى دى، ستا د ګډې په غوښتلو (چې یو ځاى يې كړي) له خپلو ګډو سره او بېشكه په شریكانو كې ډېر زیات (داسې وي چې) خامخا ځینې د دوى په ځینو نورو ظلم كوي، غیر له هغو كسانو نه چې ایمان يې راوړى دى او نېك عملونه يې كړي دي او دوى بېخي لږ دي. او داود یقین وكړ چې بېشكه همدا خبره ده چې مونږ هغه وازمایه، نو له خپل رب نه يې بخښنه وغوښته او پرېوته، په داسې حال كې چې ركوع (او) سجده كوونكى و، او رجوع يې وكړه
Verse 25 — Surah Sad 38:25
نو مونږ ده ته دغه (خطا) وبخښله، او بېشكه د هغه لپاره زمونږ په نیز خامخا قربت دى او د ورتلو ښه ځاى دى
Verse 26 — Surah Sad 38:26
اى داوده! بېشكه مونږ ته په ځمكه كې خلیفه ګرځولى يې، نو ته د خلقو په مینځ كې په حقه سره فیصلې كوه او د خواهشاتو پيروي مه كوه، (ګنې) نو تا به د الله له لارې نه ګمراه كړي، بېشكه هغه كسان چې د الله له لارې نه ګمراه كېږي، د هغوى لپاره ډېر سخت عذاب دى، په سبب د دوى د هېرولو ورځې د حساب لره
Verse 27 — Surah Sad 38:27
او مونږ اسمان او ځمكه او هغه څه چې د دواړو په مینځ كې دي داسې نه دي پیدا كړي، چې باطل (او عبث) دي دغه (باطل پیدا كول) د كافران شویو خلقو ګمان دى، نو دا كافران شویو خلقو لپاره له اوره هلاكت (او عذاب) دى
Verse 28 — Surah Sad 38:28
ایا مونږ به هغه كسان چې ایمان يې راوړى دى او نېك عملونه يې كړي دي، په ځمكه كې د فساد كوونكو په شان وګرځوو؟ ایا مونږ به متقیان د فاجرانو (بدكارانو) په شان وګرځوو؟
Verse 29 — Surah Sad 38:29
(دغه قرآن) كتاب دى چې مونږه تا ته نازل كړى دى، بركتناك دى، د دې لپاره چې دوى د ده په ایتونو كې فكر وكړي او د دې لپاره چې د خالصو عقلونو والا ترې پند واخلي
Verse 30 — Surah Sad 38:30
او مونږ داود ته سليمان عطا كړ، (هغه) ښه بنده و، بېشكه چې هغه ډېر رجوع كوونكى و
Verse 31 — Surah Sad 38:31
كله چې ده ته د ورځې په اخر كې هغه ګړندي خاص اسونه وړاندې كړى شول چې په درې پښو ودرېږي
Verse 32 — Surah Sad 38:32
نو ده ویل: بېشكه ما د دغه مال محبت محبوب ګڼلى دى د خپل رب د یاد په وجه، تر دې چې (دغه اسونه) په پرده كې پټ شول
Verse 33 — Surah Sad 38:33
تاسو دغه ما ته بېرته راولئ، نو شروع شو چې په پنډيو او څټونو يې لاس راښكه
Verse 34 — Surah Sad 38:34
او یقینًا یقینًا مونږ سلیمان وازمایه، او د ده په كرسۍ مو یو جسد وغورځاوه، بیا ده رجوع وكړه
Verse 35 — Surah Sad 38:35
ده وویل: اى زما ربه! ته ما وبخښه او ما ته داسې باچاهي راكړه چې له ما نه پس د چا لپاره هم مناسب نه وي، بېشكه هم ته ښه عطا كوونكى يې
Verse 36 — Surah Sad 38:36
نو مونږ د ده لپاره هوا مسخره كړه چې د ده په امر سره به چلېدله نرمه نرمه، چېرته چې به ده اراده وكړه
Verse 37 — Surah Sad 38:37
(مونږ تابع كړي وو د ده لپاره) پېریان هر ښه معمار او ښه غوټه وهونكى
Verse 38 — Surah Sad 38:38
او نور (پېریان) چې په ځنځيرونو كې له یو بل سره تړل شوي وو
Verse 39 — Surah Sad 38:39
دا زمونږ عطا ده، نو ته احسان كوه، يا يې وساته، بې له حسابه
Verse 40 — Surah Sad 38:40
او بېشكه د هغه لپاره زمونږ په نیز خامخا قرب دى، او (په اخرت كې) د ورتلو ښه ځاى دى
Verse 41 — Surah Sad 38:41
او ته زمونږ بنده ایوب یاد كړه، كله چې هغه خپل رب ته اواز وكړ چې بېشكه ما ته شیطان ایذا او تكلیف رارسولى دى
Verse 42 — Surah Sad 38:42
ته (ځمكه) په خپلې پښې سره ووهه، دغه یخ غسلځاى دى، او د څښلو اوبه دي
Verse 43 — Surah Sad 38:43
او مونږ ده ته د ده اهل وركړ او له دوى سره د دوى په مثل (نور هم) له خپل جانب نه د رحمت له وجې او عقلمندو ته د نصیحت لپاره
Verse 44 — Surah Sad 38:44
او ته په خپل لاس سره جارو ونیسه، نو په هغې سره وهل وكړه او مه حانث كېږه، بېشكه مونږ هغه صابر ومونده، (هغه) ښه سړى و، بېشكه هغه ډېر رجوع كوونكى و
Verse 45 — Surah Sad 38:45
او ته زمونږ بنده ګان ابراهیم، او اسحٰق او یعقوب یاد كړه چې د (عمل د) قوت او (حق ليدونكو) سترګو خاوندان وو
Verse 46 — Surah Sad 38:46
بېشكه مونږ دوى په یو خالص خوى سره خالص كړي دي چې هغه د اخرت یادول دي
Verse 47 — Surah Sad 38:47
او بېشكه دوى زمونږ، په نیز خامخا له غوره كړى شویو، بهترو خلقو ځنې دي
Verse 48 — Surah Sad 38:48
او ته اسماعیل او الیسع او ذوالكفل یاد كړه، دغه هر یو د خیر او بهترۍ والا وو
Verse 49 — Surah Sad 38:49
دا پند دى، او بېشكه د متقیانو لپاره خامخا د ورتلو ښه ځاى دى
Verse 50 — Surah Sad 38:50
چې د همېشه استوګنې جنتونه دي، په داسې حال كې چې د دوى لپاره يې دروازې ښې پرانستې دي
Verse 51 — Surah Sad 38:51
په دغو كې به تكیه وهلي وي، په دغو (جنتونو) كې به دوى ډېرې مېوې او مشروب راغواړي
Verse 52 — Surah Sad 38:52
او له دوى سره به د نظر رامنع كوونكې همځولې ښځې وي
Verse 53 — Surah Sad 38:53
دا (ثواب او نعمتونه) هغه څه دي چې تاسو ته يې د حساب د ورځې لپاره وعده دركولى شي
Verse 54 — Surah Sad 38:54
بېشكه دا خامخا زمونږ داسې رزق دى، چې ده لره هېڅ خلاصېدل نشته
Verse 55 — Surah Sad 38:55
دغه (د مومنانو حال) دى او بېشكه د سركشانو لپاره خامخا د ورتلو ډېر بد ځاى دى
Verse 56 — Surah Sad 38:56
چې جهنم دى، دوى به په هغه كې داخلېږي، نو هغه بده بستره ده
Verse 57 — Surah Sad 38:57
دغه اېشېدلې اوبه او زوې دي، نو دوى دې دا وڅَكي
Verse 58 — Surah Sad 38:58
او بل (عذاب) دى له دغه قسم نه، څو قسمه
Verse 59 — Surah Sad 38:59
دغه یوه ډله ده چې له تاسو سره په ډېر تكلیف سره ننوتونكي دي، دوى ته دې هېڅ خوشالي نه وي، بېشكه دوى اور ته داخلېدونكي دي
Verse 60 — Surah Sad 38:60
هغوى به ووايي: بلكې تاسو چې یئ، تاسو ته دې هېڅ خوشالي نه وي، تاسو دغه (عذاب) مونږ ته راوړاندې كړى دى، نو دا (دوزخ) بد قرار ځاى دى
Verse 61 — Surah Sad 38:61
دوى به ووايي: اى زمونږ ربه! چا چې مونږ ته دا راوړاندې كړى دى، نو ته هغه ته په اور كې عذاب دوه چنده ورزیات كړه
Verse 62 — Surah Sad 38:62
او دوى به ووايي: پر مونږ څه شوي دي چې مونږ هغه سړي نه وینو چې مونږ به هغوى له اشرارو (بدترو خلقو) ځنې شمېرل؟
Verse 63 — Surah Sad 38:63
ایا مونږ هغوى په مسخرو سره نیولې وو، یا كه له هغوى نه زمونږ سترګې كږې شوې دي؟
Verse 64 — Surah Sad 38:64
بېشكه دغه خامخا حق دي، یعنې (دا) د دوزخیانو خپل مینځې جګړه كول
Verse 65 — Surah Sad 38:65
ته (دوى ته) ووایه: زه خو بس وېروونكى یم، او نشته دى حق معبود غیر له الله نه چې یو او ډېر غلبې والا دى
Verse 66 — Surah Sad 38:66
چې رب دى د اسمانونو او ځمكې او د هغه څه چې د دواړو په مینځ كې دي، چې ډېر غالب، ښه بخښونكى دى
Verse 67 — Surah Sad 38:67
ته (دوى ته) ووایه: دغه (قرآن) ډېر لوى خبر دى
Verse 68 — Surah Sad 38:68
تاسو له ده نه مخ ګرځوونكي یئ
Verse 69 — Surah Sad 38:69
ما ته د ملَاِ اعلٰى (لوړ مجلس) په باره كې هېڅ علم نشته، كله چې دوى په خپل مینځ كې اختلاف كوي
Verse 70 — Surah Sad 38:70
ما ته وحي نه كېږي مګر د دې چې بېشكه همدا خبره ده چې زه ښكاره وېروونكى یم
Verse 71 — Surah Sad 38:71
كله چې ستا رب ملايكو ته وویل چې بېشكه زه له خَټې نه د یو بشر پیدا كوونكى یم
Verse 72 — Surah Sad 38:72
نو كله چې زه هغه برابر كړم او په هغه كې له خپل (پيدا كړي) روح نه پو كړم، نو تاسو هغه ته پرېوځئ، چې سجده كوونكي یئ
Verse 73 — Surah Sad 38:73
نو ملايكو ټولو سجده وكړه
Verse 74 — Surah Sad 38:74
غیر له ابلیس نه، هغه لويي وكړه او شو له كافرانو څخه
Verse 75 — Surah Sad 38:75
(الله) وویل: اى ابليسه! ته هغه كس ته له سجدې كولو نه څه شي منع كړې، چې ما پخپلو دواړو لاسونو پیدا كړى دى؟ ایا تا لويي وكړه، یا ته (له شروع نه) د لوړو اوچتو خلقو ځنې يې؟
Verse 76 — Surah Sad 38:76
هغه وویل: زه له ده نه ډېر غوره یم، تا زه له اوره پیدا كړى یم او هغه دې له خټې نه پیدا كړى دى
Verse 77 — Surah Sad 38:77
(الله) وویل: نو ته له دې (جنت) نه ووځه، پس بېشكه ته رټل شوى يې
Verse 78 — Surah Sad 38:78
او بېشكه په تا باندې د بدلې تر ورځې پورې زما لعنت دى
Verse 79 — Surah Sad 38:79
هغه وویل: اى زما ربه! نو ته ما ته تر هغې ورځې پورې مهلت راكړه چې دوى (خلق) به بیا راژوندي كولى شي
Verse 80 — Surah Sad 38:80
الله وویل: پس بېشكه ته له مهلت وركړى شویو څخه يې
Verse 81 — Surah Sad 38:81
د معلوم وخت تر ورځې پورې
Verse 82 — Surah Sad 38:82
ده وویل: نو قسم ستا پر عزت! چې خامخا ضرور به زه دوى ټول ګمراه كوم
Verse 83 — Surah Sad 38:83
مګر په دوى كې ستا هغه بنده ګان چې خالص كړى شوي دي
Verse 84 — Surah Sad 38:84
الله وویل: پس حقه خبره دا ده، او زه حقه خبره كوم
Verse 85 — Surah Sad 38:85
چې خامخا ضرور به زه جهنم ډكوم له تا نه او له هغه چا نه چې په دوى كې ستا پیروي وكړي، له ټولو نه
Verse 86 — Surah Sad 38:86
ته (دوى ته) ووایه: زه له تاسو نه په دې (تبلیغ) باندې هېڅ اجر نه غواړم او زه له تكلف كوونكو څخه نه یم
Verse 87 — Surah Sad 38:87
نه دى دا (قرآن) مګر د عالمونو لپاره نصیحت
Verse 88 — Surah Sad 38:88
او خامخا ضرور به تاسو څه وخت وروسته د ده په خبر عالمان شئ