Back to Languages
Pushto - Chapter 53 - An-Najm
Translation by Abdulwali Khan — Permalink
Verse 1 — Surah An-Najm 53:1
قسم دى په ستوریو كله چې پرېوځي
Verse 2 — Surah An-Najm 53:2
ستاسو ملګرى نه ګمراه شوى دى او نه (په عقيده كې) بې لارې شوى دى
Verse 3 — Surah An-Najm 53:3
او دى له خپل خواهش نه خبرې نه كوي
Verse 4 — Surah An-Najm 53:4
نه دى دا (قرآن) مګر وحي چې (ده ته) وحي كول شي
Verse 5 — Surah An-Najm 53:5
ده ته (دا) د ډېرو سختو قوتونو والا (جبریل) ښودلى دى
Verse 6 — Surah An-Najm 53:6
چې د طاقت والا دى، بیا هغه پورته لاړ
Verse 7 — Surah An-Najm 53:7
او هغه په تر ټولو لوړې غاړې كې و
Verse 8 — Surah An-Najm 53:8
بیا هغه (جبریل محمدﷺ ته) نژدې شو، پس ښه نژدې شو
Verse 9 — Surah An-Najm 53:9
نو د دوه لیندو په مسافت شو بلكې (له دې نه هم) ډېر نژدې
Verse 10 — Surah An-Najm 53:10
نو هغه (الله د جبریل په ژبه) خپل بنده ته وحي وكړه، هغه چې وحي يې وكړه
Verse 11 — Surah An-Najm 53:11
د ده (نبي) زړه غلط شوى نه دى په هغه څه كې چې ده ولیدل
Verse 12 — Surah An-Najm 53:12
ایا تاسو له ده سره په هغه څه كې جګړه كوئ چې دى يې ویني
Verse 13 — Surah An-Najm 53:13
او یقینًا یقینًا ده هغه (جبریل) په یو بل ځلې كوزېدو كې لیدلى دى
Verse 14 — Surah An-Najm 53:14
له سدرۃة المنتهٰى سره
Verse 15 — Surah An-Najm 53:15
دغې سره جنة ۃالماوىٰ دى
Verse 16 — Surah An-Najm 53:16
كله چې دغه سدرة (د بېرې ونه) هغه څه پټوله چې دا يې پټوله
Verse 17 — Surah An-Najm 53:17
سترګې نه كږې شوې او نه يې له حد نه تېرى وكړ
Verse 18 — Surah An-Najm 53:18
یقینًا یقینًا ده د خپل رب ډېرې لويې نښې ولیدلې
Verse 19 — Surah An-Najm 53:19
نو تاسو ما ته خبر راكړئ د لات او عُزّٰى
Verse 20 — Surah An-Najm 53:20
او منات دریم، د بېخي وروستني
Verse 21 — Surah An-Najm 53:21
ایا تاسو لپاره هلكان دي او د هغه لپاره جینكۍ
Verse 22 — Surah An-Najm 53:22
دغه په دې وخت كې ډېر ظالمانه تقسیم دى
Verse 23 — Surah An-Najm 53:23
دغه (بتان) نه دي مګر تش نومونه چې تاسو او ستاسو پلرونو دغه ايښي دي۔، الله په دغو هېڅ دلیل نه دى نازل كړى۔ دوى پیروي نه كوي مګر د تش ګمان او د هغه شي چې نفسونه يې غواړي او یقینًا یقینًا دوى ته د خپل رب له جانبه هدایت راغلى دى
Verse 24 — Surah An-Najm 53:24
ایا د انسان لپاره هغه څه دي چې دى يې تمنا كوي
Verse 25 — Surah An-Najm 53:25
نو خاص د الله لپاره اخرت او دنیا دي
Verse 26 — Surah An-Najm 53:26
او په اسمانونو كې څومره ډېر ملايك دي چې د دوى سفارش هېڅ شى نفع نه وركوي مګر وروسته له دې چې الله اجازت وركړي هغه چا ته چې يې وغواړي او (د هغه په شفاعت) راضي شي
Verse 27 — Surah An-Najm 53:27
بېشكه هغه كسان چې په اخرت ایمان نه لري، خامخا دوى د ښځو په نومونو سره ملايك نوموي
Verse 28 — Surah An-Najm 53:28
حال دا چې دوى ته په دې هېڅ علم نشته، دوى يواځې د تش ګمان پیروي كوي او بېشكه ګمان له حقه هېڅ شى نشي دفع كولى
Verse 29 — Surah An-Najm 53:29
نو ته د هغه چا نه مخ واړوه چې زمونږ له ذكر نه يې مخ ګرځولى دى او يواځې دنيايي ژوندون غواړي
Verse 30 — Surah An-Najm 53:30
دا د دوى د علم انتها ده۔، بېشكه ستا رب په هغه چا ښه عالم دى چې د هغه (الله) له لارې نه ګمراه شوى دى او هغه ښه عالم دى په هغه چا چې هدایت يې موندلى دى
Verse 31 — Surah An-Najm 53:31
او خاص الله لره دي هغه څه چې په اسمانونو كې دي او هغه څه چې په ځمكه كې دي۔، د دې لپاره چې هغو كسانو ته چې بد يې كړې دي، د خپل عمل بدله وركړي او هغو كسانو ته (هم) ډېره ښه بدله وركړي چې نېكي يې كړې ده
Verse 32 — Surah An-Najm 53:32
هغه كسان چې له غټو ګناهونو او د بې حیایۍ له كارونو نه ځان ساتي، غیر له وړو وړو ګناهونه، بېشكه ستا رب د بخښنې وسیع كوونكى دى، هغه په تاسو ښه عالم دى، كله چې يې تاسو له ځمكې نه راپیدا كړئ او كله چې تاسو د خپلو میندو په خېټو كې پټ بچي وئ۔، نو تاسو د خپلو ځانونو تزكیه (پاكوالى) مه كوئ۔، هغه (الله) ښه عالم دى په هغه چا چې ډېر متقي دى
Verse 33 — Surah An-Najm 53:33
ایا نو تا هغه كس لیدلى چې مخ يې واړوه (له ایمانه)
Verse 34 — Surah An-Najm 53:34
او ډېر لږ (مال) يې وركړ او منع يې كړ (نور مال)
Verse 35 — Surah An-Najm 53:35
ایا له هغه سره علم غیب دى، پس دى لیدل كوي
Verse 36 — Surah An-Najm 53:36
بلكې ایا دى په هغه څه نه دى خبر كړى شوى چې د موسٰى په صحیفو كې دي
Verse 37 — Surah An-Najm 53:37
او د ابراهیم هغه چې وفا يې كړې ده
Verse 38 — Surah An-Najm 53:38
چې هېڅ پورته كوونكى د بل بار نه پورته كوی
Verse 39 — Surah An-Najm 53:39
او دا چې د انسان لپاره نشته مګر هغه څه چې ده (يې) كوشش كړى دى
Verse 40 — Surah An-Najm 53:40
او دا چې بېشكه د ده كوشش به عنقریب وښوول شي
Verse 41 — Surah An-Najm 53:41
بیا به ده ته بدله وركړى شی، ډېره پوره بدله
Verse 42 — Surah An-Najm 53:42
او دا چې بېشكه ستا رب ته (د ټولو مخلوقاتو) ورګرځېدل دي
Verse 43 — Surah An-Najm 53:43
او دا چې بېشكه هم دغه (الله) (خلق) خندوي او ژړوي
Verse 44 — Surah An-Najm 53:44
او دا چې هم دغه (الله) مرګ وركوي او ژوند وركوي
Verse 45 — Surah An-Najm 53:45
او دا چې بېشكه دغه (الله) دوه جوړې نر او ښځه پیدا كړې دي
Verse 46 — Surah An-Najm 53:46
له یوه څاڅكي (نطفې) نه، كله چې وڅڅول شي
Verse 47 — Surah An-Najm 53:47
او دا چې بېشكه د ده په ذمه دي (له دې مرګ نه پس) بل ځلې پیدا كول
Verse 48 — Surah An-Najm 53:48
او دا چې بېشكه همدغه (الله) غني كول كوي او خزانې وركوي
Verse 49 — Surah An-Najm 53:49
او دا چې همدغه (الله) د شِعرٰى ستوري رب (او مالك) دى
Verse 50 — Surah An-Najm 53:50
او دا چې بېشكه همده ړومبني عادیان هلاك كړې دي
Verse 51 — Surah An-Najm 53:51
او ثمودیان هم، نو باقي يې پرې نه ښودل
Verse 52 — Surah An-Najm 53:52
او له دوى نه مخكې يې د نوح قوم هلاك كړ۔، بېشكه دوى، هم دوى، ډېر ظالمان او ډېر سركشان وو
Verse 53 — Surah An-Najm 53:53
او اړول شوي كلي يې ښكته راوغورځول
Verse 54 — Surah An-Najm 53:54
نو دغه هغه شي پټ كړ چې دى يې پټ كړ
Verse 55 — Surah An-Najm 53:55
نو (اى انسانه!) ته د خپل رب په كومو نعمتونو كې شك كوې
Verse 56 — Surah An-Najm 53:56
دا (محمدﷺ) له ړومبنیو وېروونكو ځنې یو وېروونكى دى
Verse 57 — Surah An-Najm 53:57
قیامت ډېر نژدى راغى
Verse 58 — Surah An-Najm 53:58
دې (قيامت) لره له الله نه غیر هېڅ څرګندوونكى نشته
Verse 59 — Surah An-Najm 53:59
ایا نو تاسو له دې خبرې (قرآن) نه تعجب كوئ
Verse 60 — Surah An-Najm 53:60
او خاندئ او نه ژاړئ
Verse 61 — Surah An-Najm 53:61
او تاسو غافلان يئ (لوبې كوونكي يئ)
Verse 62 — Surah An-Najm 53:62
نو تاسو الله ته سجده وكړئ او (د ده) عبادت وكړئ