Rundi - Chapter 47 - Muhammad

Bamwe bahakanye Imana yabo y’ukuri n’ukuzitira inzira y’Imana y’ukuri, Imana niyo yonyene izo kwemeza ubugizi bubi bw’ibikorwa vyabo bagize

Na bamwe bemeye Imana yabo y’ukuri n’ukugira ibikorwa vyiza n’ukwemera ivya manuwe kuntumwa y’Imana Muhammadi (aui) kandi ari ivy’ukuri bivuye ku Muremyi wabo, abantu nkabo Imana izoba hanagurira ibicumuro vyabo kandi ibatsimbataze kubijanye n’ubuzima bwabo

Ivyo vyose n’ukubera yuko bamwe bahakana Imana yabo y’ukuri bakurikiye ubuzimire, n’abemeye Imana yabo y’ukuri naba kurikiye inzira y’ukuri ivuye ku Muremyi wabo, uko rero niko Imana ibagirira uburorero bw’ayo

Rero muhuye na bamwe bahakana Imana y’ukuri, ni mubatere mumazosi yabo kugeza naho mubatsinda, aho niho muzoca muba bohera, kandi mubarekure kuneza canke bikombore bonyene kugeza naho intambara izocureha, nuko rero iyo Imana yihora kuribo mugabo kugira ngo Imana ibahe ibibazo bamwe muri mwebwe n’abandi na bamwe bicirwa munzira y’Imana, Imana ntizo kwiyibagiza ibikorwa vy’abo

Imana izoba yobora n’ukuba tsimbataza mu buzima bwabo

Kandi izobinjiza mw’ijuru yaba menyesheje

Mwebwe mwemeye Imana yanyu y’ukuri, nimwa kingira idini ry’Imana, nayo izoba kingira bimwe biboneka kandi itsimbataze amaguru yanyu

Nayo abahakanye Imana yabo y’ukuri, n’ibikorwa vyabo ntizo vyitaho

Ivyo vyose n’ukubera yuko bashavujwe n’ivyamanuwe n’Imana ica irasenyura ibikorwa vyabo

Mbega ntiba kikuje kuri iy’Isi ngo birabire amaherezo y’ababaye ho imbere yabo? Imana yaraba honeje bose no kubahakanye Imana yabo y’ukuri kuzoba nk’uko nyene

Ivyo vyose n’ukubera yuko Imana ariyo ikingira abayemeye bimwe bivuye k’umitima yabo, mugabo abahakanyi b’Imana yabo y’ukuri ntawuzoba kingira bafise

Mu vy’ukuri Imana izo kwinjiza mw’ijuru abayemeye bimwe vy’ukuri n’ukugira ibikorwa vyiza, nabone izobinjiza mu mirima icamwo inzuzi imbere yabo, mugabo aba hakanye hamwe n’abi nezereza n’ugufungura nk’uko ibikoko bifungura no mumuriro udahera nibwo bwicaro bwabo

N’ibisagara bingahe vyari bifise ubushobozi gusumba igisagara cawe wavuyemwo, abo bantu twarabahoneje bose kandi ntamufasha n’umwe bari bafise

Mbega abantu bafise ivyemezo bivuye ku Muremyi wabo, boba bangana n’abantu basharijwe n’amabi y’ibikorwa vyabo bibi hamwe n’ugukurikira ivyo imitima yabo yipfuza gusa

Akarorero k’Ijuru bemerewe abantu beranda nuko muri ayo majuru harimwo inzuzi z’amazi atavunda n’inzuzi z’amata atononekara kukanovera kayo hamwe n’inzuzi z’inzoga ziboreza zifise akanovera kuba zinywa hamwe n’inzuzi z’ubuki zisukuye neza, no muri ayo majuru bazoronswa mwo ivyamwa vy’ubwoko bwose hamwe n’imbabazi zivuye ku Muremyi wabo, rero abo bantu bazoba bangana na barya bicaye mumuriro udahera n’ukunyweshwa amazi y’amarike azocagagura amara yabo

Hari n’abandi muribo bakwumviriza kugeza naho baganuka bavuye iwawe, bagaca babaza bamwe bahawe ubumenyi bati:- mbega ubu yavuze iki? Abo bantu nibo Imana yateyeko ikidodo kumitima yabo n’ugukurikira ivyo imitima yabo yipfuza

Na bamwe bemeye kurongoka Imana ibongereza ukurongoka kwabo n’ukubaha ubugamburutsi bwabo bw’Imana

Mbega barindiriye ikindi kintu nyabaki atari umusi w’umuhero w’Isi uzoba shikira giturumbuka, nayo ibimenyetso vyawo biramaze gushika, none ukwibuka kwabo kuzoba fasha iki mugihe bazo shikirwa n’uwo musi

Umenye yuko atawundi asengwa bimwe vy’ukuri atari Imana yonyene gusa, kandi usabe ikigongwe kubijanye n’ibicumuro vyawe hamwe n’ibicumuro vyaba Isilamu b’abagabo hamwe n’aba Isilamu kazi, n’Imana niyo ifise ubumenyi bwaho muzoja n’ukugaruka hamwe naho muzoba

N’abemeye Imana yabo y’ukuri bavuga bati:- ni kuki hata manurwa igisomwa, mugabo mugihe hamanuwe igisomwa nyaco no murico havurwa mwo inkuru z’ingwano, uca ubona bamwe bafise indwara mu mitima yabo bakwitegereza nkabaguye igihumure c’urupfu noneho ntakundi bari kugira

Ubugamburutsi hamwe n’imvugo nziza hamwe n’ijambo rigomba kuja mungiro nirishirwe mungiro niba ari abanyakuri ku Mana, ntankeka bizoba ari vyiza cane kuribo

Nivyo bizeye kuri mwebwe mukuba abononyi ngaha kw’Isi n’ukwanka imiryango yanyu mugihe mwaronse ubutegetsi

Abo nibo bantu Imana yavumye, nukuba shirako ubutumva kumatwi y’abo n’ukuba humya amaso yabo

Mbega ntibategera neza iyi Qur’ani ntagatifu, canke mu mitima y’abo irugarijwe mwo amagufuri

Mu vy’ukuri bamwe basubira inyuma n’imigongo yabo mugihe bamaze kuboneshwa uburokoke, bamenye yuko Shetani yabahenze, n’Imana iracabaha umwanya

Ivyo n’ukubera yuko babwiwe bamwe bahakanye Imana yabo y’ukuri bashavuye kuvyo Imana yamanuye bavuga yuko twebwe tuzoba gamburukira muri bimwe mubintu, n’Imana niyo ifise ubumenyi bw’amabanga yabo

None bizoba gute mugihe Abamarayika bazobica n’ukuba kubita mumaso yabo no kumigongo yabo

Ivyo vyose n’ukubera yuko bakurikiye ivya shavujije Imana nabo bashavuzwa n’ibinezereza Imana, n’ukubikurira imigisha y’ibikorwa vyabo

Mbega bamwe bafise indwara mumitima yabo biyumvira yuko Imana itazo serura amabi yabo

Iyo dushaka twari kukwereka n’ukubamenya kubimenyetso vyabo, mugabo urashobora kubamenya kumvugo zabo, n’Imana niyo ifise ubumenyi bw’ibikorwa vyanyu

Tuzoba girira ibibazo kugeza naho tuzo bereka bamwe barwanira idini muri mwebwe hamwe n’abihangana, natwe tuzoserura inkuru zanyu

Mu vy’ukuri bamwe bahakanye Imana yabo y’ukuri n’ukuzitirira abantu inzira y’Imana y’ukuri n’ukurwanya intumwa y’Imana mu nyuma yaho imaze kubereka uburokoke, kuri bo ntakibi nakimwe bazogirira Imana, kandi ibintu vyabo izobisenyura n’ibikorwa vy’abo bagize

Mwebwe mwemeye Imana yanyu y’ukuri nimu gamburukire Imana yanyu y’ukuri kandi mugamburukire intumwa y’Imana, kandi ntimwonone ibikorwa vyanyu mwagize

Mu vy’ukuri bamwe bahakanye Imana yabo y’ukuri hamwe n’ukuzitira inzira y’Imana, hanyuma bakitaba Umuremyi wabo nabo ari abahakanyi b’Imana, Imana ntizobagirira ikigongwe

Rero ntimudebukirwe nukuta giriranira umwumvikano hagati yanyu, kuko mwebwe nimwe muzoronka intsinzi, n’Imana iri kumwe namwe, kuko ntizobima imigisha y’ibikorwa vyanyu

Mu vy’ukuri ubuzima bw’Isi n’urufyino kandi ntaco bumaze, kandi nimwemera n’ukwikingira n’amabi yose, Imana izobaha impembo yanyu, kandi ntizoba saba amatungo yanyu mufise

Niyaba saba ivyo vyose n’ukuba fatira kumatungo yanyu muzoca muba ingumyi, n’Imana izoca ibakurira izo ngorane zanyu mufise

Mbega ni mwebwe muhamagarirwa ngo mutange amatungo yanyu munzira y’Imana, hakaba hari n’abandi muri mwebwe bigira ingumyi, rero uwigira ingumyi amenye neza yuko abigirira umutima wiwe wenyene, n’Imana niyo nyene amatungo yose, namwe nimwe muri abahakanyi b’Imana y’ukuri, rero nimwa subira inyuma mumenye yuko Imana izosubizaho abandi bantu atari mwebwe kandi ntibazoba nkamwe