Rundi - Chapter 59 - Al-Hashr

Ibiri mu majuru no kw’Isi nivyo bihayagiza Imana, nayo niyo ifise ubushobozi n’ubuhizi buhagije

Nayo niyo yakuye aba hakanye mu bantu bahawe igitabu c’Imana gitagatifu mu mazu yabo, mugihe c’ukwimuka kwabo kwa mbere, ntimwiketse yuko abo bantu bazovayo, nabo biketse yuko inzitiro zabo zizoba kingira ku Mana, mugabo Imana yabashikiye ahantu batizeye, n’ugushiraho ubwoba mu mitima yabo, baca baguma basenyura inzu zabo n’amaboko yabo, hamwe n’amaboko yaba Isilamu, rero mwebwe mufise amaso, nimutegere neza

Iyo Imana itabandikira ubuhungiro bw’abo, yari kubahanira ngaha kw’Isi, no k’umusi w’imperuka bazoronka ibihano vy’umuriro udahera

Ibi vyose nuko bahakanye Imana y’ukuri hamwe n’intumwa yayo, rero uwahakanye Imana amenye yuko Imana ikaze cane muguhana

Igiti c’umutende icarico cose mwaciye canke mwasigaje kigihagaze kumatsina yaco, vyose ivyo ni kw’itegeko ry’Imana ry’ukuba tetereza abahonyanga amategeko y’Imana

N’amatungo Imana yashikirije intumwa yayo iyakuye iwabo ntimwa yakoresheje gihuti huti kuri za farasi canke kuri za ngamiya, mugabo Imana iha ubutegetsi bwayo kuntumwa zayo, hejuru yabo yishakiye nayo niyo ifise ubushobozi hejuru y’ibintu vyose

Amatungo Imana yashikirije kuntumwa yiwe iyakuye ku bantu bisagara, n’ukubera Imana hamwe n’intumwa yiwe hamwe n’abagenzi biwe, hamwe n’impfuvyi, n’aboro, hamwe n’uwuri mu rugendo rwiwe rwononekaye kugira ngo ntihabe ihiganwa hagati y’abatunzi banyu gusa, rero muvyo intumwa y’Imana yabahaye ni muvyakire, nico ibatujije kugira ntimu cegere, kandi mutinye Imana yanyu mu vy’ukuri Imana irakaze cane muguhana

Ni bahabwe abo bakene bahunze kandi birukanywe mu mazu yabo hamwe n’amatungo yabo, kubera imigisha y’Imana hamwe n’impuhwe zayo hamwe n’ugukingira idini ry’Imana hamwe n’intumwa yayo, abo rero nibo baIsilamu b’ukuri

Na bamwe bagira icumbiko ryabo ngaha IMadina n’ugusukura ubu Isilamu imbere yabo, n’ukuba kunda abo bantu bimukiye iwabo, kandi ataco baronka, kandi badafise akariganga muhogo mu bikiriza vyabo kuri ivyo bahawe, kandi bakaba babakunda gusumba imitima yabo naho kuribo bafise uburyo bubayabaye, kandi bateshejwe nukuba ingumyi y’imitima yabo, abo nibo bafise intsinzi y’ukuri

N’abaje mu nyuma zabo bavuga bati:- ewe Muremyi wacu, n’utugirire ikigongwe hamwe na bene wacu bashengeye imbere yacu, mw’idini rya Isilamu, kandi ntushire mu mitima yacu inzikira y’ukurira bene wacu baba Isilamu, Muremyi wacu mu vy’ukuri wewe uri intungane cane, n’impuhwe zihagije

Ntubona b’ababeshi babwira bene wabo b’abahakanyi b’Imana y’ukuri bo mu bantu bahawe igitabu aribo Bayahudi bavuze bati:- ni mwakurwa ngaha tuzojana namwe, kandi ntituzo gamburukira uwariwe wese hejuru yanyu, ni mwaterwa tuzoba fasha, n’Imana niyo cabona yuko abo bantu ari ababeshi

Nibirukanwa ntibazo sohoka nabo, niba terwa ntibazo bafasha, niba bafasha mu vy’ukuri bazohindura imigongo yabo, hanyuma nti bazoronka uwubakingira

Mu vy’ukuri mwebwe aba Isilamu muratinywa cane mu mitima yabo gusumba uko batinya Imana y’ukuri, kuko n’abantu badategera icarico cose

Ntibazo rwana namwe bari mumirwi, atari mu bisagara vyabo bikingiwe canke inyuma y’impome, rero indwano yabo iri hagati yabo ni niniya, umengo yuko bari urunani, mugihe imitima yabo itandukanye, ivyo vyose n’ukubera yuko ari abantu badafise ubwenge

Uko bameze ninka bamwe bari imbere yabo ubu vuba, barahonjeje amabi y’ivyo bagize, kandi bazoronka ibihano bibabaza cane

Ni nkaho Shetani mugihe ibwiye umuntu ngo n’ucumure, yaheza gucumura igaca imubwira iti:- jewe sindi kumwe nawe, mu vy’ukuri jewe ndatinya Imana, Umuremyi w’ibiremwa vyose

Rero amaherezo yabo bantu uko ari babiri, kwari ukwinjizwa mu muriro udahera n’ukubayo mu buzima bwabo bwose, iyo rero niyo mpembo y’abahemukiye imitima yabo

Mwebwe mwemeye Imana yanyu y’ukuri, nimu gamburukire Imana yanyu, n’umuntu uwariwe wese arabe ivyo atanguza mu kugira kubera akazoza kiwe k’ejo, kandi mu gamburukire Imana yanyu y’ukuri mu vy’ukuri niyo ifise inkuru y’ivyo mugira vyose

Kandi ntimube nkabarya bibagiye Imana yabo y’ukuri, nayo ira bibagiza kumitima yabo, abantu nkabo nibo biyonkozi bakuru

Ntibangana abantu bo mumuriro udahera hamwe n’abantu bo mw’ijuru, abantu bo mw’juru nibo bene intsinzi

Iyo tumanura iyi Qur’ani ntagatifu hejuru y’umusozi, wari kuwubona ugamburuka n’ukumanyuka kubera ugutinya Imana, ubu nabwo n’uburorero twereka abantu kugira ngo biyumvire

Niyo Mana atayindi Mana isengwa bimwe vy’ukuri atariyo yonyene gusa ifise ubumenyi bw’ivyinyegeje n’ibiboneka, kandi ikaba ariyo nyene imigisha mininiya na nyene imigisha mito mito

Niyo Mana atayindi Mana isengwa bimwe vy’ukuri atariyo yonyene gusa, n’umwami mutagatifu, nyene amahoro, n’umutanzi w’amahoro, agendesha ibintu vyiwe, n’ukw’iganza, ikagira ivyo ishatse, niyo nkuru iri kure n’abo bayigereranya ko n’ibindi bintu

Niwe Mana muremyi n’umuhinguzi, n’umugizi w’amashusho atandukanye y’ibiremwa vyose, nyene amazina meza, aninahazwa mu Majuru no kw’Isi, kandi niyo ifise inguvu n’ubuhizi buhagije