Rundi - Chapter 61 - As-Saf

Ibiri mu Majuru no kw’Isi bihayagiza Imana, nayo niyo nyene ubushobozi n’ubuhizi buhagije

Mwebwe mwemeye Imana yanyu y’ukuri, ni kuki muvuga ivyo mudashira mungiro

N’ibishavuza imbere y’Imana kuvuga ivyo mudashira mungiro

Mu vy’ukuri Imana ikunda bamwe barwanira munzira yayo bari kumirongo, nkuko ari inyubakwa yateranijwe n’iyindi

Ubibutse wewe ntumwa y’Imana Mussa (iii) igihe wabwira abantu bawe uti:- mwebwe bantu banje, ni kuki munshavuza mugihe mufise ubumenyi yuko jewe nd’intumwa y’Imana kuri mwebwe, rero mugihe babandanije bagira amabi yabo, Imana yaciye irekura imitima yabo izimire, n’Imana ntirongora abantu babi nkabo biyonkoye

Mugihe intumwa y’Imana Issa mwene Mariyamu (iii) yavuga ati:- mwebwe bene Israeri, jewe nd’intumwa y’Imana kuri mwebwe nemeza ivyabaye imbere yanje biri mugitabu gitagatifu c’Imana ca Taurati n’ugushikiriza inkuru nziza y’intumwa y’Imana izoza inyuma yanje azoba afise izina ryiwe ryitwa Ahmadi, mugabo igihe yabashikira afise ivyemezo biri k’umugaragaro baciye bavuga bati:- uku n’uguhendwa kuri k’umugaragaro

None ni nde muhemu mukuru w’umutima wiwe gusumba uwubeshera Imana kandi ahamagarirwa mw’idini rya isilamu, n’Imana ntirongora abahemukira imitima yabo

Bagomba kuzimya umuco w’Imana bakoresheje iminwa yabo, n’Imana izoshikana umuco wayo naho abahakanyi b’Imana bazoshavura

Niyo yarungitse intumwa yiwe n’uburongozi hamwe n’idini ry’ukuri kugira ngo idini ry’Imana ritsinde amadini yose naho abagereranya Imana n’ibindi bintu bazoshavura

Mwebwe mwemeye Imana yanyu y’ukuri, mbega ndaba menyesheje ibidandazwa bizoba rokora n’ibihano bibabaza cane

Ni mwemere Imana yanyu y’ukuri hamwe n’intumwa yiwe, kandi murwanire idini ry’Imana kumatungo yanyu n’imitima yanyu, ivyo nivyo vyiza kuri mwebwe, nimwaba mubizi

Imana izoba hanagurira ibicumuro vyanyu n’ukubinjiza mu mirima icamwo inzuzi imbere yabo, hamwe n’ubwicaro bwiza buri muri iyo mirima y’ubuzima bwabo bwose, iyo niyo ntsinzi niniya

Mwebwe mwemeye Imana yanyu y’ukuri, nimube abafasha b’Imana nkuko intumwa y’Imana Issa mwene Mariyamu (iii) yabwira incoreke ziwe ati:- nibande bafasha banje kubera Imana, za ncoreke ziwe zimwishura ziti:- ni twebwe bafasha b’Imana, rero umurwi wa bene Israeri riremera, n’uwundi murwi nawo urahakana, tubatera intege bamwe bemera hejuru y’abansi babo n’ukuba aribo bene intsinzi nyakuri