Rundi - Chapter 68 - Al-Qalam

Nuun, (Insiguro y’iyi ndome hamwe n’uwufise ubumenyi bwayo bwose n’Imana yonyene gusa). Kandi ndarahiye kw’ikaramu hamwe nivyo bandikisha ko

No kumigisha y’Umuremyi wawe, wewe nturi umusazi

Mu vy’ukuri wewe urafise impembo idahera

Kandi ntankeka wewe urafise ingeso nziza cane

Rero ubu vuba uzo bona, nabo nyene bazobona

Ni nde afise ibisazi muri mwebwe

Mu vy’ukuri umuremyi wawe niwe afise ubumenyi bw’uwazimiye munzira yiwe, kandi irabazi cane abarongotse

Rero ntuba gamburukire abahakanyi b’Imana y’ukuri

Bagomba yuko wo borohereza nabo bakorohererwa

Kandi ntugamburukire uwurahira cane nawe ari mu bantu batishoboye

Umuvuzi w’insaku agenda asasagaza urwanko mu bantu

Akingira imigisha nugu hemukira ibiremwa nkawe, n’uguhakana Imana yiwe

Nyene umutima ukomeye, kuri ivyo vyose ni nk’ikintu cashinguwe ahantu mugabo ntigishingurwe neza

Kubera yuko afise amatungo n’ibibondo

Mugihe asomewe amajambo yacu matagtifu avuga ati:- aya niya majambo y’ububeshi bw’abantu ba kera

Tuzo mushira ko inkovu kw’izuru ryiwe

Mu vy’ukuri abo bantu tuzobaha ibibazo nkuko twashize ko ibibazo kubari bafise imirima, mugihe barahira yuko bazo kwimbura kuri iyo mirima nihashika mu gitondo

Kandi ntibabwiye n’umukene numwe

Rero warashikiwe n’ivyago bivuye ku Muremyi wabo nabo basinziriye

Uwo murima uba nk’uwahiye

Bukeye bara hamagarana

Yuko bogenda hakiri kare ku murima wanyu nimwaba mushaka kwimbura

Baragiye bongorerana

Yuko uno musi ata mukene yinjira

Baragenda mugitondo biyumvira yuko bafise ububasha bw’ukuba buza ba bakene

Mugihe babona wa murima baciye bavuga bati:- ntankeka twebwe twazimiye

Canke batwankiye

Umwe mubagira neza yavuze ati:- mbega sinaba bwiye yuko mu garuka ku Muremyi wanyu mu musabe ikigongwe

Nabo ba mwishura bati:- iteka ni ry’Umuremyi wacu, mu vy’ukuri twara hemukiye imitima yacu

Baca bahangana n’abandi baterana imyikomo

Bavuga bati:- uru n’uruhombo rwacu, mu vy’ukuri twari twararenze imbibe z’Imana

Nkumbure Umuremyi wacu azo duhindurira uwundi murima mwiza gusumba uwu, mu vy’ukuri twebwe turiyegereje ku Muremyi wacu

Uku niko biba ibihano vy’Umuremyi wawe, n’ibihano vy’umusi w’imperuka ni bininiya cane gusumba nkiyo bobi menya

Mu vy’ukuri abagamburukira Imana yabo y’ukuri, bazoba bafise ijuru rifise imigisha y’Umuremyi wabo

Mbega tubagire abagamburutsi nk’abononyi

Mbega mubaye gute, muca intahe gute

Canke murafise igitabu musomamwo

Yuko muzoronka ivyo mwipfuza

Canke murafise amasezerano kuri twebwe azoguma ho kugeza k’umusi w’imperuka yuko muzoronka ivyo mwiganzira

N’ubabaze muti :- ni nde muribo yofata ingwati kuri ibi vyose

Canke barafise abo bacuditse hamwe, rero nibabazane abo bacuditse hamwe niba bavugisha ukuri kwama

Kuri uwo musi hazoba ibihano bikaze cane, bazo hamagarwa gupfukama bashira imitwe yabo hasi, mugabo ntibazo shobora

Amaso yabo azoba araba hasi, agahinda nako kabapfuke, mu vy’ukuri bahora bahamagarwa gupfukama bashire imitwe yabo hasi mugihe bari mubantu beranda

Nundeke hamwe n’abahakana ibi biganiro, tuzoba kwega buhoro buhoro mubihano vyacu ku hantu batazi

Ndabahaye umwanya, mu vy’ukuri ububasha bwanje bura komeye cane

Canke urabasaba impembo nabo bakarengerwa nayo magarama

Canke kuribo hariho ubumenyi bw’amabanga bahawe bw’intumwa z’Imana bandika

Rero n’utenyenye kw’itegeko ry’Umuremyi wawe, kandi ntube nk’uwamizwe n’ifi, mugihe yatabaza Imana yiwe nawe ageramiwe nabi cane

Iyo adashikirwa n’imigisha ivuye ku Muremyi wiwe, ntankeka yari gutabwa ku nkengera y’ikiyaga nawe atabwa ko umwikomo

Mugabo Umuremyi wiwe niwe yamugenye nukumugira mu bantu b’intungane

Nayo ba bahakanyi b’Imana y’ukuri, baregereza kuguhuvya n’amaso yabo, mugihe bumvise ubutumwa bwawe nuguca bavuga bati:- mu vy’ukuri uyu muntu n’umusazi

Ntivyari kuba ibi vyose atari uko iyi Qur’ani ntagatifu ari icibutso kubantu bose