Rundi - Chapter 78 - An-Naba

Babazanya inkuru nyabaki

Ya nkuru niniya

Ariyo batumvikana ko

Ni bageze ngaho, ubu vuba bazo menya ukuri kwayo

Kandi ni bageze ngaho, kuko ubu vuba bazo menya ukuri kwama

Mbega ntitwagize iy’Isi kuba nk’ubusaswa

N’Imisozi kuba nk’inkingi

Turema abagabo n’abagore

Tugira itiro ryanyu nk’Urupfu

Tugira Ijoro nk’impuzu mwipfuka

Tugira Umutaga nk’ukuzuka

Twubaka hejuru yanyu Amajuru indwi akoma komeye

Tugira itara ryaka rifise ubushuhe bukaze cane

Dushungurura amazi ashunguruka avuye mubicu

Kuriyo tunagishe bimwe mu bijanye n’ibiterwa

N’imirima irimwo ibiti vyegeranye n’ibindi

Mu vy’ukuri k’umusi w’intahe wagenewe isango ryayo ntabanduka

Umusi hazovuzwa inzamba namwe muzorenguka muri mumirwi n’iyindi

N’amajuru azo kwugururwa abe imiryango n’iyindi

N’imisozi izo kurwaho ibe nk’amazi ubonera kure

Mu vy’ukuri umuriro witiriwe Jahannamu urindiriye abantu b’inkozi z’ibibi

N’ubwicaro bw’abononyi

Bazo kwicaramwo imyaka myinshi ibinjana n’ibinjana

Ntibazo honjeramwo akabeho canke ibinyobwa

Atari amazi abira cane hamwe n’amashira

N’impembo ikwiranye neza n’ibikorwa vyabo

Mu vy’ukuri ntibatinya uguharurwa n’Imana

N’uguhakana amajambo yacu matagatifu y’Imana bimwe bihanitse

Mugihe ibintu vyose twabifashe nka nkama mukuvyandika

Uno musi nimuhonje ibihano, natwe ntaco tuzobongereza atari ibihano kubindi

Ntankeka abagamburukira Imana yabo y’ukuri, bashiriweho intsinzi y’ukuri

Imirima hamwe n’imizabibu

N’amasugi afise abagabo babo

N’ibirahuri vyuzuyemwo ibinyobwa vyiza vyiza

Ntibazo kwumva muri ayo majuru amajambo y’insaku canke amajambo y’ubuhakanyi

Bazohembwa n’Umuremyi wawe impembo ihagije

Umuremyi w’Amajuru n’Isi hamwe n’ibiri hagati yavyo, nyene impuhwe nyinshi, batazoshobora kuvugana nayo

Umusi imitima y’abantu bose izohagarara, hamwe n’Abamarayika bose bari kumirongo, hakaba hatazovuga kuri uwo musi atari nyene impuhwe azoba yahaye uruhusha rw’ukuvuga nawe akazo vuga amajambo y’ukuri

Uwo niwo musi w’ukuri, rero uwushaka nafate inzira agende ku Muremyi wiwe

Mu vy’ukuri twebwe turabakebuye n’ibihano biri hafi y’ugushika, umusi waho umuntu azobona ivyagizwe n’amaboko yiwe uko ari abiri, hanyuma umuhakanyi w’Imana azovuga ati:- iyo nibera ivu