Rundi - Chapter 81 - At-Takwir

Igihe izuba rizo zingwa zingwa

N’Inyenyeri nazo mugihe zizo hunguruka

N’Imisozi nayo mugihe izo gendeshwa

N’Ingamiya ziri mumezi yazo mugihe zizo tabwa

N’Ibikoko vyo mw’ishamba mugihe bizo kwegeranywa

N’ibiyaga navyo mugihe bizoturirwa

N’Imitima y’abantu nayo mugihe izoteranywa n’imibiri yavyo

N’umwana w’umwigeme yahambwe akiri muzima mugihe azo bazwa

Kucaha nyabaki yatumwe agandagurwa

N’ibitabu vy’ibikorwa vy’abantu mugihe bizokwizwa ku bantu bose

N’ifukisho ry’Ijuru mugihe rizo fukurwa

N’Umuriro udahera witiriwe Jahannamu mugihe uzo huherwa

N’Ijuru igihe rizo kwegerezwa

Umutima w’umumwe wese uzo menya ico washikirije

Rero ndarahiye kunyenyeri zisubira inyuma

Zigenda hanyuma zika zimangana

No kw’Ijoro mugihe ryinjiye

No mugitondo mugihe hakeye

Mu vy’ukuri iyi Qur’ani ntagatifu n’amajambo yazananye n’intumwa y’Imana ntagatifu Jibrilu (iii)

Afise inguvu n’icubahiro c’iteka imbere y’Imana

Agamburukirwa iyo mw’Ijuru hanyuma akaba yizigirwa

Yuko mugenzi wanyu atari umusazi

Mu vy’ukuri yaramubonye Umumarayika Jibrilu (iii) kurugero rw’amaso ruboneka neza

Kandi s’ingumyi w’ibintu bitazwi

Kandi aya s’amajambo ya Shetani yirukanywe mumigisha y’Imana

None muja hehe

Ntiyari kuba iyi Qur’ani ntagatifu atari uko ari icibutso ku bantu bose

Uwushaka muri mwebwe gufata inzira igororotse

Namwe ntimuzo kwemera atari uko Imana Umuremyi w’ibiremwa vyose yabishatse