Back to Languages

Shona - Chapter 54 - Al-Qamar

Translation by Abdullah J. M. Adini And Students — Permalink

Verse 1 — Surah Al-Qamar 54:1

Nguva yaswedera, uye mwedzi wapatsanurwa (Vanhu vakakumbira chiratidzo kunaMuhammad (SAW), uye akavaratidza kupatsanurwa kwemwedzi
View verse 54:1 page →Raw JSON

Verse 2 — Surah Al-Qamar 54:2

Uye kana vakaona humboo vanofuratira, vachiti: “Aya ndivo mapipi asingaperi.”
View verse 54:2 page →Raw JSON

Verse 3 — Surah Al-Qamar 54:3

Uye vakaramba (Qur’aan) ndokutevera zvido zvavo. Uye zvinhu zvose zvichagadziriswa (zvichifambirana nemabasa, vaiti vemabasa akanaka vachaenda kuParadhiso, uye vaiti vemabasa akaipa vachaenda kuGehena)
View verse 54:3 page →Raw JSON

Verse 4 — Surah Al-Qamar 54:4

Uye zvirokwazvo nhau dzakauya kwavari (muQur’aan) mune yambiro (inovarambidza zvakaipa)
View verse 54:4 page →Raw JSON

Verse 5 — Surah Al-Qamar 54:5

Huchenjeri hwakakwana (iri Qur’aan), asi kuparidza kwevayambiri hakuvabatsiri
View verse 54:5 page →Raw JSON

Verse 6 — Surah Al-Qamar 54:6

Naizvozvo iwe (Muhammad (SAW)) vasiye. Zuva iro mudaidzi achavadaidzira kune chinhu chinotyisa chaizvo
View verse 54:6 page →Raw JSON

Verse 7 — Surah Al-Qamar 54:7

Vachabuda mumakuva avo maziso aine kuzvininipisa sokunge vari hwiza idzo dzakapararira
View verse 54:7 page →Raw JSON

Verse 8 — Surah Al-Qamar 54:8

Vachimhanyira kune mudaidzi. Vasingatendi vachati: “Iri izuva rakaoma.”
View verse 54:8 page →Raw JSON

Verse 9 — Surah Al-Qamar 54:9

Vanhu vaNowa mushure mavo vakaramba. Vakaramba muranda wedu, uye ndokuti: “Munhu anopenga!” Uye akatyityidzirwa
View verse 54:9 page →Raw JSON

Verse 10 — Surah Al-Qamar 54:10

Zvino akadaidza Tenzi vake (achiti): “Ndakurirwa, naizvozvo ndibetserei!”
View verse 54:10 page →Raw JSON

Verse 11 — Surah Al-Qamar 54:11

Naizvozvo takavhura mikova yekudenga nemvura yainaya chaizvo
View verse 54:11 page →Raw JSON

Verse 12 — Surah Al-Qamar 54:12

Uye takaita kuti zvitubu zviyerere panyika. Naizvozvo mvura (yekudenga nepasi pano) yakasangana sekukomekedzwa kwakanga kwarongwa
View verse 54:12 page →Raw JSON

Verse 13 — Surah Al-Qamar 54:13

Uye takamutakura mungarava yakagadzirwa nemapuranga nezvipikiri
View verse 54:13 page →Raw JSON

Verse 14 — Surah Al-Qamar 54:14

Ichiyangarara iri pamusoro pemvura mumaziso edu (tichiona). Semubairo kune uyo akarambwa
View verse 54:14 page →Raw JSON

Verse 15 — Surah Al-Qamar 54:15

Uye zvirokwazvo takaisiya sechiratidzo. Saka pane here angarangarira
View verse 54:15 page →Raw JSON

Verse 16 — Surah Al-Qamar 54:16

Naizvozvo murango wangu nerangaridzo dzangu dzakanga dzakadii
View verse 54:16 page →Raw JSON

Verse 17 — Surah Al-Qamar 54:17

Uye zvirokwazvo takaita kuti Qur’aan rive nyore kunzwisisa uye kurangarira. Pane here angarangarira
View verse 54:17 page →Raw JSON

Verse 18 — Surah Al-Qamar 54:18

(Vanhu va) Aad vakaramba (mutumwa wavo Hud), zvino mutongo wangu nerangaridzo yangu yakanga yakadii
View verse 54:18 page →Raw JSON

Verse 19 — Surah Al-Qamar 54:19

Zvirokwazvo, takatumira mhepo kwavari ine simba pazuva rakashata uye nematambudziko asingaperi
View verse 54:19 page →Raw JSON

Verse 20 — Surah Al-Qamar 54:20

Ichiburitsa vanhu panze sokunge midzi yemadheti yakadzurwa
View verse 54:20 page →Raw JSON

Verse 21 — Surah Al-Qamar 54:21

Zvino mutongo wangu nerangaridzo yangu yakanga iri sei
View verse 54:21 page →Raw JSON

Verse 22 — Surah Al-Qamar 54:22

Uye zvirokwazvo Qur’aan takariita kuti rive nyore kunzwisisa uye kurangarira. Zvino pane here angarangarira
View verse 54:22 page →Raw JSON

Verse 23 — Surah Al-Qamar 54:23

MaThamood (zvakare) vakaramba yambiro
View verse 54:23 page →Raw JSON

Verse 24 — Surah Al-Qamar 54:24

Vakati: “Tingatevera murume mumwechete pakati pedu? Chokwadi, tinenge tatorasika kana kukanganisika (kana kupenga)!”
View verse 54:24 page →Raw JSON

Verse 25 — Surah Al-Qamar 54:25

“Ndizvo here kuti yeuchidzo yakatumirwa kwaari iye chete (Swaalih (AS)) mukati medu? Asi iye munyepi akaipa!”
View verse 54:25 page →Raw JSON

Verse 26 — Surah Al-Qamar 54:26

Mangwana vachaziva kuti ndiani anonyepa, akaipa
View verse 54:26 page →Raw JSON

Verse 27 — Surah Al-Qamar 54:27

Zvirokwazvo, tirikutumira ngamera hadzi semuedzo kwavari. Saka vatarise (Swaalih (AS)), uye iva netariro
View verse 54:27 page →Raw JSON

Verse 28 — Surah Al-Qamar 54:28

Uye vazivise kuti mvura inogovaniswa pakati pavo, kodzero dzeumwe neumwe dzichizadzikiswa
View verse 54:28 page →Raw JSON

Verse 29 — Surah Al-Qamar 54:29

Asi vakadaidza umwe wavo akatora banga (bakatwa) ndokubva aiuraya (ngamera)
View verse 54:29 page →Raw JSON

Verse 30 — Surah Al-Qamar 54:30

Saka mutongo wangu nerangaridzo yangu yakanga iri sei
View verse 54:30 page →Raw JSON

Verse 31 — Surah Al-Qamar 54:31

Zvirokwazvo, takatumira kwavari Saihah imwe chete (murango weruzha rwakanyanya), uye vakabva vaita sokunge mashanga emafuro akaoma
View verse 54:31 page →Raw JSON

Verse 32 — Surah Al-Qamar 54:32

Uye zvirokwazvo takaita kuti Qur’aan rive nyore kunzwisisa uye kurangarira, zvino pane here angakwanisa kurangarira
View verse 54:32 page →Raw JSON

Verse 33 — Surah Al-Qamar 54:33

Vanhu vaLoti vakaramba yambiro
View verse 54:33 page →Raw JSON

Verse 34 — Surah Al-Qamar 54:34

Zvirokwazvo, takavatumira mhepo yematombo (yakavaparadza vese) kusara kwemhuri yaLoti. Takavabetsera munguva yokupedzisira yemanheru
View verse 54:34 page →Raw JSON

Verse 35 — Surah Al-Qamar 54:35

Sechipo kubva kwatiri. Ndiwo mapiro atinoita mubairo kune uyo anopa kutenda
View verse 54:35 page →Raw JSON

Verse 36 — Surah Al-Qamar 54:36

Uye zvirokwazvo iye (Loti) akavayambira maererano nemutongo wedu, asi vakataridza kusagutsikana neyambiro
View verse 54:36 page →Raw JSON

Verse 37 — Surah Al-Qamar 54:37

Uye zvirokwazvo vaida kunyadzisa vaenzi vake (nekuita hungochani navo). Naizvozvo takavhara maziso avo (tichiti): “Ravirai murango wangu neyambiro yangu.”
View verse 54:37 page →Raw JSON

Verse 38 — Surah Al-Qamar 54:38

Uye zvirokwazvo murango wakafanira wakavasvikira rungwanani
View verse 54:38 page →Raw JSON

Verse 39 — Surah Al-Qamar 54:39

“Naizvozvo ravirai mutongo wangu neyambiro yangu.”
View verse 54:39 page →Raw JSON

Verse 40 — Surah Al-Qamar 54:40

Uye zvirokwazvo takaita kuti Qur’aan rive nyore kunzwisisa nekurangarira; zvino pane here umwe angarangarira
View verse 54:40 page →Raw JSON

Verse 41 — Surah Al-Qamar 54:41

Uye zvirokwazvo yambiro yakauya kune vanhu vaFarawo (kuburikidza naMusa naAroni)
View verse 54:41 page →Raw JSON

Verse 42 — Surah Al-Qamar 54:42

Vakaramba humboo hwedu hwese, naizvozvo takavaparadza kuparadza kwemukuru anemasimba, uye anokwanisa kuita zvose
View verse 54:42 page →Raw JSON

Verse 43 — Surah Al-Qamar 54:43

Vari nani here avo venyu vasingatendi (imi maQuraish) pane avo (vari mushure mavo, vanhu vaNowa, Loti, Swaalih, naFarawo avo vakaparadzwa)? Kana kuti imi mune rusununguko rwakanyorwa (kuti hamuzowani chirango) mumabhuku
View verse 54:43 page →Raw JSON

Verse 44 — Surah Al-Qamar 54:44

Kana kuti vanoti: “Tiri vakundi vakawanda?”
View verse 54:44 page →Raw JSON

Verse 45 — Surah Al-Qamar 54:45

Kuwanda kwavo kuchakurirwa uye vachafuratira vachitiza
View verse 54:45 page →Raw JSON

Verse 46 — Surah Al-Qamar 54:46

Asi (Kumutswa) inguva yakatarwa kwavari, uye inguva ichange ichityisa zvikuru uye ichirwadza
View verse 54:46 page →Raw JSON

Verse 47 — Surah Al-Qamar 54:47

Zvirokwazvo, vatadzi vakarasika uye vachatsva (mumoto weGehena)
View verse 54:47 page →Raw JSON

Verse 48 — Surah Al-Qamar 54:48

Zuva iro vachadhonzerwa mumoto nezviso zvavo, (zvichanzi kwavari): “Ravirai imi kutsva nemoto!”
View verse 54:48 page →Raw JSON

Verse 49 — Surah Al-Qamar 54:49

Zvirokwazvo, takasika zvinhu zvose neQadar (nemarongero edu nekuda kwedu)
View verse 54:49 page →Raw JSON

Verse 50 — Surah Al-Qamar 54:50

Uye kukomekedza kwedu kunongove kumwe chete sekubwaira kweziso
View verse 54:50 page →Raw JSON

Verse 51 — Surah Al-Qamar 54:51

Uye zvirokwazvo, takaparadza vakafanana nemi, saka hapana here umwe angayeuka
View verse 54:51 page →Raw JSON

Verse 52 — Surah Al-Qamar 54:52

Uye zvose zvavakaita zvakatonyorwa mumabhuku (emabasa)
View verse 54:52 page →Raw JSON

Verse 53 — Surah Al-Qamar 54:53

Uye chinhu chose, chiduku kana chihombe chakanyorwa pasi (mu Al-Lauh Al-Mahfoodh chisati chaitika kana kuitwa)
View verse 54:53 page →Raw JSON

Verse 54 — Surah Al-Qamar 54:54

Zvirokwazvo, avo vanotya (Allah), vachange vari mumapindu nenzizi (muParadhiso)
View verse 54:54 page →Raw JSON

Verse 55 — Surah Al-Qamar 54:55

Vachave muchigaro chechokwadi (Paradhiso), padyo naMambo (mukuru) ane simba rekuita zvose
View verse 54:55 page →Raw JSON