Shona - Chapter 67 - Al-Mulk

Translation by Abdullah J. M. Adini And Students — Permalink

Verse 1 — Surah Al-Mulk 67:1

Vakakomborerwa ndeavo mumaoko avo mune humambo wese. Uye vanokwanisa kuita zvinhu zvose (Vane masimba pamusoro pezvinhu zvose)

View verse 67:1 page →Raw JSON

Verse 2 — Surah Al-Mulk 67:2

Avo vakasika rufu neupenyu kuti vave vanokuedzai kuti ndiani pakati penyu anemabasa akanaka. Uyezve ndivo samasimba ose, vane ruregerero rwese

View verse 67:2 page →Raw JSON

Verse 3 — Surah Al-Mulk 67:3

Avo vakasika matenga manomwe rimwe pamusoro perimwe. Uye haukwanisi kuona chakakanganiswa pazvisikwa zvaane tsitsi dzose. Dzokororazve kutarisa! “Uri kuona here kutsemuka?”

View verse 67:3 page →Raw JSON

Verse 4 — Surah Al-Mulk 67:4

Nokudaro dzokorora zvakare kutarisa! Asi maziso ako anodzoka kwauri anenyadzi uyezve aneta

View verse 67:4 page →Raw JSON

Verse 5 — Surah Al-Mulk 67:5

Uye zvirokwazvo, takashongedza denga repadyo nenyika nemarambi, uye takaaita marambi iwayo sezvombo kumaDhiyabhorosi, uye takavagadzirira marwadzo emoto unobvira

View verse 67:5 page →Raw JSON

Verse 6 — Surah Al-Mulk 67:6

Uye kune avo vasingatendi muna Tenzi vavo kune marwadzo eGehena, uye inzvimbo yokugara yakaipisisa

View verse 67:6 page →Raw JSON

Verse 7 — Surah Al-Mulk 67:7

Apo pavachakandwa imomo mariri vachanzwa kukweva mariri (kwakasimba) apo parinenge richifema apo richibvira

View verse 67:7 page →Raw JSON

Verse 8 — Surah Al-Mulk 67:8

Richasvika pakuda kuputsika nehasha. Nguva dzose chikwata pachinokandwa mariri, vachengetedzi varo vachabvunza: “Muyambiri haana kuuya kwamuri here?”

View verse 67:8 page →Raw JSON

Verse 9 — Surah Al-Mulk 67:9

Vachati: “Hongu, zvirokwazvo muyambiri akauya kwatiri, asi takamuramba tikati: ‘Allah havana kutumira pano pasi chimwe chinhu (mashoko), asi makarasika zvakanyanya.’”

View verse 67:9 page →Raw JSON

Verse 10 — Surah Al-Mulk 67:10

Uye vachati: “Dai takateerera kana kushandisa huchenjeri hwedu, taisazowanikwa muvanhu vekumoto!”

View verse 67:10 page →Raw JSON

Verse 11 — Surah Al-Mulk 67:11

Vachapupura zvitadzo zvavo. Nokudaro, ngavave kure vanhu vekumoto unobvira

View verse 67:11 page →Raw JSON

Verse 12 — Surah Al-Mulk 67:12

Zvirokwazvo, avo vanotya Tenzi vavo vakavanzika, vachawana ruregerero uye mubairo mukuru

View verse 67:12 page →Raw JSON

Verse 13 — Surah Al-Mulk 67:13

Uye taurai mashoko enyu muchizevezeve kana kuwaburitsa pachena, zvirokwazvo (Allah) vanoziva zvakanyanya izvo zviri muzvipfuva (zvevanhu)

View verse 67:13 page →Raw JSON

Verse 14 — Surah Al-Mulk 67:14

Havangazivi here ivo vari ivo vakasika? Uye ndivo vane tsitsi dzose, muzivi wezvose

View verse 67:14 page →Raw JSON

Verse 15 — Surah Al-Mulk 67:15

Ndivo vakaita kuti nyika ive inozvipira kwamuri (muchifamba nokugara pamusoro payo uye nekuirima), nokudaro fambai munzira dzayo uye idyai zvokudya zvayo. Uye kwavari ndiko kune kumutswa kwenyu

View verse 67:15 page →Raw JSON

Verse 16 — Surah Al-Mulk 67:16

Munogadzikana here kuti avo vari pamusoro pematenga (Allah) havaiiti nyika kuti inyure nemi, apo paino dengenyeka

View verse 67:16 page →Raw JSON

Verse 17 — Surah Al-Mulk 67:17

Kana kuti munogadzikana here kuti avo vari pamusoro pematenga havakwanisi kukutumirai kwamuri mhepo yakasimba? Nokudaro muchaziva kuti yambiro yangu yakaita sei

View verse 67:17 page →Raw JSON

Verse 18 — Surah Al-Mulk 67:18

Uye zvirokwazvo avo vaiva kumashure kwenyu vakaramba, nokudaro kwakaipa sei kuvaramba kwangu (chirango changu)

View verse 67:18 page →Raw JSON

Verse 19 — Surah Al-Mulk 67:19

Havaoni here shiri pamusoro pavo dzichitambanudza mapapiro adzo, nekumadzosa mukati? Hapana anodzitakura kunze kwamuzvina tsitsi dzose. Zvirokwazvo, ndivo muoni wezvose

View verse 67:19 page →Raw JSON

Verse 20 — Surah Al-Mulk 67:20

Ndiani kunze kune vane tsitsi dzose (Allah) vanokwanisa kuva masoja kwamuri kuti akubetserei? Vasingatendi hapana mavari kunze kwemumanyepo (munyengedzo)

View verse 67:20 page →Raw JSON

Verse 21 — Surah Al-Mulk 67:21

Ndiani angakupai imi (zvokushandisa, kudya) kana vakabata zvokudya (vakasakupai) zvavo? Asi vanoenderera mberi nekuzvitutumadza, uye nekutiza (kubva pachokwadi)

View verse 67:21 page →Raw JSON

Verse 22 — Surah Al-Mulk 67:22

Ndizvo here kuti uyo anofamba nechiso chake asingaoni, akatungamirirwa zvakanyanya kudarika uyo anofamba akatwasuka munzira yakatwasuka (Islaam)

View verse 67:22 page →Raw JSON

Verse 23 — Surah Al-Mulk 67:23

Iti: “Ndivo vakakusikai, uye vakakupai nzeve uye maziso uye nemoyo. Asi munotenda zvishoma.”

View verse 67:23 page →Raw JSON

Verse 24 — Surah Al-Mulk 67:24

Iti: “Ndivo vakakusikai munyika, uye kwavari muchaunganidzwa (muhupenyu hwamangwana).”

View verse 67:24 page →Raw JSON

Verse 25 — Surah Al-Mulk 67:25

Vanoti: “Ndiriniko pachauya vimbiso iyi (zuva rekutongwa) kana muchitaura chokwadi?”

View verse 67:25 page →Raw JSON

Verse 26 — Surah Al-Mulk 67:26

Iti (Muhammad (SAW)): “Zvirokwazvo, ruzivo rwuna Allah voga, uye zvirokwazvo ndiri muyambiri ari pachena.”

View verse 67:26 page →Raw JSON

Verse 27 — Surah Al-Mulk 67:27

Asi pavachaona (marwadzo eZuva Rokutongwa) achiuya, zviso zveavo vasingatendi zvichachinja zvoita zvitema uye zvichanzi: “Iyi ndiyo (vimbiso) yamaidana!”

View verse 67:27 page →Raw JSON

Verse 28 — Surah Al-Mulk 67:28

Iti (Muhammad (SAW)): “Ndiudzei! Kana Allah vakandiparadza neavo vandinavo, kana kuti votiitira tsitsi, ndiani achabatsira vasingatendi kubva kumarwadzo akaoma?”

View verse 67:28 page →Raw JSON

Verse 29 — Surah Al-Mulk 67:29

Iti (Muhammad (SAW)): “Ndivo vane tsitsi dzose (Allah), kwavari tinotenda, uye tinovimba navo. Nokudaro muchaziva kuti ndiani akarasika zviri pachena.”

View verse 67:29 page →Raw JSON

Verse 30 — Surah Al-Mulk 67:30

Iti (Muhammad (SAW)): “Ndiudzei! Kana mvura yenyu yose ikanyura, ndiani achakupai mvura inoyerera?”

View verse 67:30 page →Raw JSON