Somali - Chapter 44 - Ad-Dukhan

Xaa Mim

Waxaan ku dhaartay kitaabka(Qur’aanka) ee caddeeya (Xaqa)

Hubaal waxaanu soo waxyoonnay (Qur’aanka) habeen barakaysan3. Hubaal waxaanu nahay mar waliba kuwa diga

Dhexdiisa baa arrin kasta oo xukun ah la gooyaa

Xukun ka yimid Xaggayaga. Hubaal waxaanu nahay kuwa soo dira (Rusul)

Naxariis xagga Rabbigaa ah. hubaal waa Isaga wax kasta Maqlaha, wax kasta Ogsoon

Rabbiga samooyinka iyo arlada iyo waxa u dhexeeya, haddi aad yaqiinsaneysaan

Ma jiro ilaah (Xaq lagu caabudo) aan Isaga aheyn, Waa isaga Kan bixiya nolol, oo sababa dhimasho, waa Rabbigiin iyo Rabbiga aabbayaashiinnii hore

Bal! Waxay ka qabaan shaki, way iska dheelaan

Ee sug Maalinta ay samadu keeni doonto qiiq muuqda

kaasoo dabooli doona dadka, kani waa cadaab xanuun badan

Rabbigayow! Naga feyd cadaabta4, xaqiiq waanu rumyan

Goorma bay waantoobi, iyagoo dhab ahaan uu halkaa ugu yimid Rasuul iska cad

Markaas bay ka jeesteen oo yidhaahdeen: waa mid ay wax soo bareen (qolo kale), waa nin waalan

Hubaal Waxaanu idinka feydi cadaabka wax yar. Waxaadse hubaal ku noqon doontaan (xumaha)

Maalinta aan ku qaban doonno (iyaga) qabasho daran oo weyn5. Hubaal waanu aarsan doonnaa

Isagoo leh: Ii dhiiba adoommaha Ilaahay6. Hubaal waxaan anigu idiin ahay Rasuul aamin ah

Oo waa inaydaan iska sare yeelin Allaah. Hubaal waxaan idiinla imaan awood cad

Oo hubaal waxaan ka magan galaa Rab- bigay iyo Rabbigiin inaad idhagaxyeysaan

Oo hadddii aydaan i rumeysneyn, haddaba waxba ha igu darsannina

Markaas buu u dhawaaqday Rabbigi: Kuwakanu waa qolo dambiilayaal ah

Ee la Guuree addoomahayga habeennimo. Hubaal, waa la idin soo daba gali doonaa

Oo dhaaf baddoo deggan8 oo qaybsan: hubaal waa ciidan la qarqin doono

Intee bay beero iyo ilo ka tageen

Iyo dagal iyo degaan wanaagsan

Iyo nicmooyin ay ku raaxaysanayeen

Sidaas (bay ahayd)! Oo waxaan dhaxalsiinnay qolo kale

Marka samada iyo arladu uma ay ooyin, oo lama siin wax nafis ah

Oo xaqiiq Waxaanu ka badbaadinnay ilmihii Israa’iil cadaabta dulleysiga

Xagga Fircoon ah; hubaal Wuxuu ahaa islaweyne, ka mid ahaa xadgudbayaasha

Oo xaqiiq waxaan ka doorannay (dadkii waqtigoodii), annagoo aqoon u leh

Oo waxaan siinnay oo ka mid ah calaamaadaha9 wax ay ku sugnaayeen imtixaan cad

Hubaal kuwakani waxay yidhaahdaan

Ma jirto waxaa aheyn dhimashadayada hore oo ma nihin kuwo dib loo soo nooleyn

Ee (dib) u soo cesha Aabbayaashayadii hore, haddii aad run sheegaysaan

Ma iyagaa khayr badan mise qolodii Tubbac10 iyo kuwii iyaga ka horreeyey? Waanu hallignay, hubaal waxay ahaayeen denbiilayaal

Oo uma aanu abuurin samooyinka iyo arlada iyo waxa u dhexeeya dheel

Uma aannu abuurin iyaga waxaan Xaq aheyn, laakiinse badankoodu ma oga

Hubaal Maalinta kala Soocu waa ballan loo qabtay iyagoo dhan

Maalinta uusan gacal waxba u tari doonin gacalki oo aan loo gargaari doonin

Mid uu Allaah u Naxariisto ma’ahee: hubaal waa Adkaadaha, Naxariista Badan

Hubaal geedka Zaquumka

Waa cuntada denbiilayaasha

Sida Saliid laami ah buu ugu kar-kari doonaa caloolahooda

Sida kar-karka biyo aad u kulul

Qabta isaga, markaas u jiida Naarta bartankeeda

Oo uga shuba madaxa korkiisa cadaabta biyaha karaya

Dhadhami: Waxaad runtii isu heysatay inaad tahay adkaadaha, sharafta leh

Hubaal kanu waa wixii aad ka shaki qabteen

Hubaal Kuwa iska jira (xumaha) waxay ku sugnaan meel aamin ah

Beero dhexdood iyo ilo

Waxay xidhan xariir jilicsan iyo mid adagba, iyagoo u fadhiya fool ka fool

Sidaas (bay ahaan doontaa), oo Waxaanu u guurin doonnaa xuurul ceyn

Waxay u yeedhan doonaan miro nooc kasta ah, iyagoo nabdoon

Ma ku dhadhamin doonaan dhexdeeda dhimasho aan aheyn dhimashadii hore, oo wuxuu ka badbaadin cadaabta Naarta

Waa fadli xagga Rabbigaa ah. (Arrin)kani weeye Liibaanta Weyni

Sidaas baan uga yeelnay wax u sahlan carrabkaaga, bal inay waantoobaan

Ee sug; hubaal iyagu way sugayaan