Somali - Chapter 52 - At-Tur

Waxaan ku dhaartay Buurta (Siinaay)

Iyo Kitaabka qoran

Ee indhalka ku fidsan

Iyo saqafka la kor yeelay (samada)

Iyo badda lagu huriyey (dabka ama soo fatahda)

Hubaal, Cadaabta Rabbigaa waa wax dhici doona oo sugan

Ma jiro wax celin doona

Maalinta marka uu cirku hadba dhinac u wareegi doono

Oo buuruhu socon doonaan socosho (yaab) leh

Ee hoog waxaa leh Maalintaas kuwa (Xaqa) diida

Kuwa iska cayaara ee dhex gala xumaanta

Maalinta loogu tuuri doono Naarta si daran oo xoog leh

Tani waa Naartii aad beenin jirteen

Ee ma sixir baa haddaba, mise idinku ma aragtaan

Gala si aad ugu gubataan, markaa ku sabra ama ha ku sabrina - waa isugu kiin wada mid, Waxaa uun laydinka goyn waxaad fali jirteen

Hubaal, kuwa ka dhowrsada xumaha waxay dhex ahaan beero iyo barwaaqo

Iyagoo ku raaxeysan waxa uu siiyey Rabbigood, oo Rabbigood Wuxuu ka badbaadshay cadaabta Naarta ololeysa

(Waxaa lagu odhan) Cuna oo cabba si bogaadin leh. Waa abaalka waxaad fali jirteen

Waxay ku jiqleysan doonaan sariiro heer sare ahoo la safay. Oo waxaanu u guurin dumar leh indho waasic ahoo (qurux badan)

Oo (ma xagga) kuwa rumeysan oo ay durriyadoodu ku raacdo Iimaanka,_ waxaanu isu wada keeni doonnaa durriyadooda, oo waxna kama dhimi doonno camalkooda. Qof walbaa wuxuu mas’uul ka yahay waxa uu kasbado

Oo waxaan siin khudrad iyo hilib, kay rabaan

Waxay isu dhiib-dhiibi doonaan galaas (khamro xalaal) ah aan lahaan doonin wax ah laqwi iyo dambi midkoodna

Oo waxaa hareera socon doona wiilal yar yar ay leeyihiin, la moodo luul la dhowray

Oo qaarkood waxay qaabili doonaan qaar kale iyagoo is-wareysan

Waxay odhan: Waxaan ka hor ahayn kuwo ehelkayaga dhexdooda ka cabsada (cadho gelinta Ilaahay)

Allaah baase noo nicmeeyey, oo naga dhowray cadaabta hanfiga kulul

Hubaal Waxaan innagu awal hore baryi jirnay Isagoo (Keliya). Hubaal, waa Isaga Baarriga , Naxariista Badan

Ee waani (Muxammadow), Waayo adigu ma tihid waa igu Nicmadda Rabbigaa, faallalow iyo ku waalan midna

Mise waxay leeyihiin waa gabyaa, aan la sugno musiibad waqtiga la iman

Dheh: Suga! Aniguna sidoo kale hubaal waxaan ka mid ahay kuwa wax suga

Ma caqliyadooda baa ku amra sidan mise waa qolo qooqan

Mise waxay leeyihiin: Waa been abuurtay? Mayee! Ma rumeysna

Ee ha keenaan war la mid ahi haddii ay yihiin run sheegayaal

Mise ma waxaa laga abuuray cid la', mise iyagaa ah abuurayashaa

Mise ma waxay abuureen samooyinka iyo arlada? Mayee, ma yaqiinsana

Mise ma waxay hayaan khasnadaha Rabbigaa? Mise waxaa la siiyey awood dhan

Mise ma waxay leeyihiin sallaanno ay wax ku dhegaystaan; ee ha la yimaado dhegaystahoodu xujo cad

Mise ma wuxuu leeyahay gabdho halka idinku leedihiin wiilal

Mise ma waxaad adigu weydiisataa abaalgud, sidaa awgeed deyn la culaabeysan yihiin

Mise ma waxay hayaan waxa qarsoon aan muuqan ee iyagu qoraan

Mise ma waxay kula maaggan yihin dabin, kuwase gaalooba waa iyaga kuwa ku jaba dabinkooda

Mise ma waxay leeyihiin ilaah aan ahayn Allaah? Xurmoo dhan waxaa iska leh Allaah oo ka nazahan waxa ay la wadaajiyaan (cibaadada)

Oo haddii ay arki lahaayeen gabal cirka ka mid ah oo soo dhacaya7. waxay odhan lahaayeen: Waa daruur is dul saaran

Ee iskaga tag inta ay la kulmaan Maalintooda ee laga yeeli doono inay la suuxaan (qarracan)

Maalinta uusan dabinkoodu waxba u tari doonin oo aan loo gargaari doonin

Oo hubaal waxay kuwaa ah gar ma qaatayaasha la kulmi doonaan cadaab taa ka sokow (adduunka gudahi8) laakiinse badankoodu ma ay ogsoona

Ee u sug si samir leh xukunka Rabbigaa, waxaad hubaal tahay indhahayaga hortood, oo ku tasbiixso Ammaanaha Rabbigaa marka aad soo kacdoba

Oo habeenkana huf oo xurmo weynee, iyo marka ay xiddiguhu dhacaanba