Tajik - Chapter 29 - Al-Ankabut

Alif, lom, mim

Ojo mardum mepindorand, ki «Imon ovardaem». megūjandu, ʙe imtihonu sançiş guzoşta meşavand

Alʙatta mardumero, ki peş az onho ʙudand, ozmudem, to Xudo kasonero, ki rost guftaand, ma'lum dorad va durūƣgūjonro çudo kunad

Ojo onhoe, ki sodirkunandai gunoh meşavand, pindoştaand, ki az Mo megurezand? Cī ʙad hukm mekunand

Har kas, ki ʙa didori Xudo ū med medorad, ʙidonad, ki va'dai Xudo omadanist va Ū şunavovu donost

Har kī cihod kunad, ʙa naf'i xud kardaast, zero Xudo az hamai çahonijon ʙeehtijoç ast

Gunohoni ononro, ki imon ovardand va korhoi şoista kardand, nest mekunem va ʙehtar az on cī amal kardaand, mukofotaşon medihem

Ba odami suporiş kardem, ki ʙa padaru modari xud nekī kunad. Va agar on du ʙikūşand, ki tu cizero, ki ʙa on ogoh nesti, şariki Man qaror dihī, ito'ataşon makun. Bozgaşti hamai şumo ʙa sūi Man ast va şumoro ʙa korhoe, ki mekardaed, ogoh mekunam

Kasonero, ki imon ovardand va amalhoi şoista kardand, dar gurūhi solehon darovardem

Ba'ze az mardum megūjand: «Ba Xudo imon ovardaem. Va cun dar rohi Xudo ozore ʙuʙinand, on ozorro cun azoʙi Xudo ʙa şumor meovarand. Va cun az sūi Parvardigori tu madade rasad, megūjand: «Mo niz ʙo şumo ʙudem». Ojo Xudo ʙa on cī dar dilhoi mardumi çahon meguzarad, ogohtar nest

Alʙatta, Xudo medonad, ki mū'minon cī kasonand va munofiqon cī kason

Kofiron ʙa mū'minon guftand: «Ba rohi mo ʙijoed, ʙori gunohaton ʙar gardani mo. Hol on ki inho ʙori gunohi kasero ʙar gardan naxohand girift va durūƣ megūjand

Balki ʙori gunohi xud va ʙorhoe ʙo ʙori xud ʙar gardan xohand guzoşt va dar rūzi qijomat ʙa saʙaʙi durūƣhoe, ki ʙar ham meʙoftaand, ʙozxost xohand şud

Mo Nūhro ʙar mardumaş ʙa pajomʙarī firistodem. Ū hazor solu pançoh sol kam dar mijoni onon ʙizist. Va cun mardume zolim ʙudand, tūfonaşon furū girift

Ū va kasonero, ki dar kiştī ʙudand, naçot dodem va on tūfonro nişoni iʙrate ʙaroi çahonijon gardonidem

Va niz Iʙrohimro ʙa pajomʙarī firistodem, on goh ki ʙa mardumaş guft: «Xudoi jaktoro ʙiparasted va az Ū ʙitarsed. In ʙarojaton ʙehtar ast, agar mardume dono ʙoşed

Şumo ƣajri Xudoi jakto ʙutonero meparasted va durūƣhoi ʙuzurg mepardozed. Onhoe, ki ƣajri Xudoi jakto meparasted, nametavonand şumoro ruzī dihand. Az Xudoi jakto rūzī ʙiçūed va Ūro iʙodat kuned va şukr gūed, zero ʙa sūi Ū ʙozgardonida meşaved»

Agar şumo takziʙ mekuned (durūƣ meʙarored), mardumone ham, ki peş az şumo ʙudand, takziʙ mekardand. Va ʙar ūhdai pajomʙar ƣajri taʙliƣe ravşangar cizi digare nest

Ojo nameʙinand, ki Xudo cī guna maxluqro meofarinad va pas az nestī ʙozaş megardonad? In kor ʙar Xudo oson ast

Bigū: «Dar zamin sajr kuned va ʙingared, ki cī guna Xudo mavçudotro ofarida. Sipas ofarinişi oxirinro padid meovarad. Zero Xudovand ʙar har cize tavonost

Har kiro ʙixohad, azoʙ mekunad va ʙar har kī xohad, rahmat meovard va ham ʙa nazdi Ū ʙozgardonida meşaved

Şumo nametavoned az Xudo ʙigurezed, na dar zamin va na dar osmon va şumoro ƣajri Ū heç korsozu jovare nest!»

Va onon, ki ʙa ojoti Xudo va didori Ū imon nadorand, az rahmati man noumedand va onhoro azoʙe dardovar ast

Çavoʙi qavmi ū in ʙud, ki guftand: «Ūro ʙikuşad jo ʙisūzoned». Va Xudojaş az otaş naçot dod. Va dar in ʙaroi mū'minon iʙrathost

Guft: «Şumo ʙutonero ʙa çoi Xudoi jakto ʙa xudoī giriftaed to dar in zindagonii dunjo mijonaton dūstī ʙoşad, vale dar rūzi qijomat munkiri jakdigar meşaved va jakdigarro la'nat mekuned va çojaton dar otaş ast va heç jovare nadored

Lut ʙa Ū imon ovard va guft: «Man ʙa sūi Parvardigoram muhoçirat (tarki vatan) mekunam, zero Ū pirūzmandu hakim ast!»

Va Ishoqu Ja'quʙro ʙa ū ʙaxşidem va dar farzandoni ū pajomʙarivu kitoʙ nihodem. Va muzdaşonro dar dunjo dodem va ū dar oxirat az solehon ast

Va Lutro pajomʙarī dodem. Ba qavmi xud guft: «Şumo kore ziştro peşa kardaed, ki heç jak az mardumi çahon peş az şumo cunin namekardaast

Ojo ʙo mardon meomezed va rohzanī mekuned va dar maxfili xud korhoi nopisand mekuned?» Çavoʙi qavmaş in ʙud, ki guftand: «Agar rost megūī, azoʙi Xudoro ʙar sari mo ʙijovar!»

Guft: «Ej Parvardigori man, maro ʙar mardumi taʙaxkor (rasodkor) nusrat deh!»

Cun firistodagoni Mo Iʙrohimro muƶda ovardand, guftand: «Mo mardumi in deharo halok xohem kard, ki mardume zolim hastand»

Guft: «Lut dar on çost». Guftand: «Mo ʙehtar medonem, cī kase dar on çost. Ū va xonadonaşro, ƣajri zanaşro, ki dar hamon ço xohad mond, naçot medihem»

Cun firistodagoni Mo nazdi Lut omadand, ƣamgin şud va dar ƣami koraşon ʙimond. Guftand: «Matars va ƣamgii maʙoş, tuvu xonadonatro, ƣajri zanatro, ki dar hamon ço xohad mond, naçot medihem

Mo ʙa mardumi in deha ʙa saʙaʙi fisqe, ki mekunand, az osmon azoʙ nozil mekunem»

Alʙatta az on deha ʙaroi xiradmandon iʙrate ravşan ʙar çoj guzoştem

Va ʙarodaraşon Şu'ajʙro ʙa Madjan firistodem. Guft: «Ej qavmi man, Xudoro ʙiparasted va ʙa rūzi qijomat umedvor ʙoşed va dar zamin ʙa taʙahkorī makūşed

Pas takziʙaş kardand (durūƣaş ʙarovardand) da zilzila ononro furū girift va dar xonahoi xud ʙar çoj murdand

Va Odu Samudro halok kardem. Va in az maskanhojaşon ʙarojaton oşkor ast. Şajton korhojaşonro dar nazaraşon ʙijorost va ononro az roh ʙozdoşt. Va hol on ki mardume sohiʙi aqlu xuş ʙudand

Va niz Qorunu Fir'avn va Homonro, ki Mūso ʙo dalelhoi ravşani xud nazdi onho omad. Onho dar zamin sarkaşī mekardand, vale natavonistand az Xudo ʙigurezand

Hamaro ʙa gunohaşon furū giriftem: ʙar ʙa'ze ʙodhoi regʙor firistodem, ʙa'zero farjodi saxt furū girift, ʙa'zero dar zamin furū ʙurdem, ʙa'zero ƣarq soxtem. Va Xudo ʙa onho sitam namekard, onho xud ʙa xudaşon sitam karda ʙudand

Misoli onon, ki ƣajri Xudoro avlijo giriftand, misli ankaʙut (tortanak) ast, ki xonae ʙisoxt. Va koş medonistand, alʙatta susttarin xonaho xonai ankaʙut ast

Xudoj jakto medrnad, ki cī cizhoro ʙa çoi Ū ʙa xudoi mexonand va Ūst ƣoliʙu hakim

In misolhoro ʙaroi mardum meorem va onro faqat donojon darmejoʙand

Xudo osmonhovu zaminro ʙa rostī ʙijofarid va dar in iʙratest ʙaroi mū'minon

Har ciro az in kitoʙ ʙar tu vahj şudaast, tilovat kun. Va namoz ʙigzor, ki namoz odamiro az fahşovu munkar ʙozmedorad va zikri Xudo ʙuzurgtar ast va Xudo ʙa korhoe, ki mekuned, ogoh ast

Bo ahli kitoʙ ʙa nekūtarin tarze ʙahs kuned. Magar ʙo onho, ki sitam peşa kardand. Va ʙigūed: «Ba on cī ʙar mo nozil şuda va on cī ʙar şumo nozil şudaast, imon ovardem. Va Xudoi movu Xudoi şumo jakest va mo dar ʙaroʙari Ū gardan nihodaem»

Hamcunon in kitoʙro ʙar tu nozil kardem va ahli kitoʙ ʙa on imon meovarand va az inho niz kasone ʙa on imon meovarand va ƣajri kofiron kase ojoti Moro inkor namekunad

Tu peş az Qur'on heç kitoʙero namexondī va ʙa dasti xud kitoʙe namenaviştī. Agar cunon ʙud, ahli ʙotil ʙa şak aftoda ʙudand

Balki Qur'on ojotest ravşan, ki dar sinai ahli doniş çoj dorad. Va ojoti Moro sitamkoron inkor mekunand

Va guftand: «Caro az çoniʙi Parvardigoraş ojote ʙar ū nozil nameşavad?» Bigū: «Ojot dar nazdi Xudost va man ʙimdihandae oşkor hastam»

Ojo onhoro kifoja nest, ki ʙar tu kitoʙ firistodaem va ʙar onho xonda meşavad. Dar in kitoʙ ʙaroi mū'minon rahmatu pand ast

Bigū: «Xudo ʙa guvohī mijoni manu şumo kofist. On ciro, ki dar osmonhovu zamin ast, medonad. Kasone, ki ʙa ʙotil garavidand va ʙa Xudo kofir şudand, zijonkoronand»

Az tu ʙa şitoʙ azoʙro metalaʙand. Agar onro zamone mu'ajjan naʙud, ʙar onho meomad. Va nogahon va ʙe on, ki xaʙar şavand, ʙar onho furud xohad omad

Az tu ʙa şitoʙ azoʙro metalaʙand, hol on ki çahannam ʙar kofiron ihota dorad

Rūze, ki azoʙ az ʙoloi saru zeri poj onhoro dar ʙar girad va Xudo ʙigūjad: «Ba xotiri amalhoe, ki mekarded, inak azoʙro ʙicaşed!»

Ej ʙandagoni man, ki ʙa man imon ovardaed, zamini man vase' ast, pas tanho Maro ʙiparasted

Har kase caşandai ta'mi marg ast. Va ʙa sūi Mo ʙozgardonida şaved

Kasonero, ki imon ovardaand va korhoi şoista kardaand, dar ƣurfahoi ʙihişt çoj dihem. Az zeri on çūjhoi oʙ ravon ast. Dar on ço çovidona ʙimonand. Amalkunandagonro cī nekū muzdest

onho, ki saʙr varzidand va ʙar Parvardigoraşon tavakkal mekunand

Cī ʙisjor çunʙandagone, ki tavoni tahsili rūzii xud nadorand va Xudo onhoro va şumoro rūzī medihad. Va Ū şunavovu donost

Agar az onho ʙipursī: «Cī kase osmonhovu zaminro ofarida va oftoʙu mohro rom kardaast?» Xohand guft: «Xudoi jakto». Pas az cī saʙaʙ aqida digargun mekunand

Xudo rūzii har jak az ʙandagonaşro, ki ʙixohad, farovon mekunad jo ʙar ū tang megirad. Zero Xudo ʙa hama ciz donost

Agar az onho ʙipursī: «Cī kase az osmon ʙoron firistod va zamin murdaro ʙa on zinda kard?» Xohand guft: «Xudo jakto». Bigū; «Şukr Xudorost!» Vale ʙeştarinaşon darnamejoʙand

Zindagonii in dunjo lahvu la'aʙ (ʙozī) ast. Agar ʙidonand, çaxoni oxirat çahoni zindagonist

Cun ʙa kiştī nişastand, Xudoro ʙo ixlos iltiçovu iʙodat kunand va cun naçotaşon dod va ʙa xuşkī ovard, şirk ovarand

to ne'matero, ki ʙa onon ato karda ʙudem, kufron kunand va ʙarxurdor şavand. Ba zudi xohand donist

Ojo nadonistaand, ki haramro çoi amni mardum qaror dodem, hol on ki mardum dar atrofaşon ʙa asorat girifta meşavand? Ojo ʙa ʙotil imon meovarand va ne'mati Xudoro kufron mekunand

Pas kist sitamkortar az on, ki ʙar Xudo durūƣ meʙandad jo ʙa hangome ki haq ʙa sūi ū ojad, takziʙaş mekunad (durūƣ meşumorad)? Ojo dar çahannam çojgohe ʙaroi kofiron nest

Kasonero, ki dar rohi Mo çihod kunand, ʙa rohhoi xud hidojataşon mekunem va Xudo ʙo nekūkoron ast