Back to Languages
Urdu - Chapter 53 - An-Najm
Translation by Fateh Muhammad Jalandhry — Permalink
Verse 1 — Surah An-Najm 53:1
تارے کی قسم جب غائب ہونے لگے
Verse 2 — Surah An-Najm 53:2
کہ تمہارے رفیق (محمدﷺ) نہ رستہ بھولے ہیں نہ بھٹکے ہیں
Verse 3 — Surah An-Najm 53:3
اور نہ خواہش نفس سے منہ سے بات نکالتے ہیں
Verse 4 — Surah An-Najm 53:4
یہ (قرآن) تو حکم خدا ہے جو (ان کی طرف) بھیجا جاتا ہے
Verse 5 — Surah An-Najm 53:5
ان کو نہایت قوت والے نے سکھایا
Verse 6 — Surah An-Najm 53:6
(یعنی جبرائیل) طاقتور نے پھر وہ پورے نظر آئے
Verse 7 — Surah An-Najm 53:7
اور وہ (آسمان کے) اونچے کنارے میں تھے
Verse 8 — Surah An-Najm 53:8
پھر قریب ہوئے اوراَور آگے بڑھے
Verse 9 — Surah An-Najm 53:9
تو دو کمان کے فاصلے پر یا اس سے بھی کم
Verse 10 — Surah An-Najm 53:10
پھر خدا نے اپنے بندے کی طرف جو بھیجا سو بھیجا
Verse 11 — Surah An-Najm 53:11
جو کچھ انہوں نے دیکھا ان کے دل نے اس کو جھوٹ نہ مانا
Verse 12 — Surah An-Najm 53:12
کیا جو کچھ وہ دیکھتے ہیں تم اس میں ان سے جھگڑتے ہو؟
Verse 13 — Surah An-Najm 53:13
اور انہوں نے اس کو ایک بار بھی دیکھا ہے
Verse 14 — Surah An-Najm 53:14
پرلی حد کی بیری کے پاس
Verse 15 — Surah An-Najm 53:15
اسی کے پاس رہنے کی جنت ہے
Verse 16 — Surah An-Najm 53:16
جب کہ اس بیری پر چھا رہا تھا جو چھا رہا تھا
Verse 17 — Surah An-Najm 53:17
ان کی آنکھ نہ تو اور طرف مائل ہوئی اور نہ (حد سے) آگے بڑھی
Verse 18 — Surah An-Najm 53:18
انہوں نے اپنے پروردگار (کی قدرت) کی کتنی ہی بڑی بڑی نشانیاں دیکھیں
Verse 19 — Surah An-Najm 53:19
بھلا تم لوگوں نے لات اور عزیٰ کو دیکھا
Verse 20 — Surah An-Najm 53:20
اور تیسرے منات کو (کہ یہ بت کہیں خدا ہوسکتے ہیں)
Verse 21 — Surah An-Najm 53:21
(مشرکو!) کیا تمہارے لئے تو بیٹے اور خدا کے لئے بیٹیاں
Verse 22 — Surah An-Najm 53:22
یہ تقسیم تو بہت بےانصافی کی ہے
Verse 23 — Surah An-Najm 53:23
وہ تو صرف نام ہی نام ہیں جو تم نے اور تمہارے باپ دادا نے گھڑ لئے ہیں۔ خدا نے تو ان کی کوئی سند نازل نہیں کی۔ یہ لوگ محض ظن (فاسد) اور خواہشات نفس کے پیچھے چل رہے ہیں۔ حالانکہ ان کے پروردگار کی طرف سے ان کے پاس ہدایت آچکی ہے
Verse 24 — Surah An-Najm 53:24
کیا جس چیز کی انسان آرزو کرتا ہے وہ اسے ضرور ملتی ہے
Verse 25 — Surah An-Najm 53:25
آخرت اور دنیا تو الله ہی کے ہاتھ میں ہے
Verse 26 — Surah An-Najm 53:26
اور آسمانوں میں بہت سے فرشتے ہیں جن کی سفارش کچھ بھی فائدہ نہیں دیتی مگر اس وقت کہ خدا جس کے لئے چاہے اجازت بخشے اور (سفارش) پسند کرے
Verse 27 — Surah An-Najm 53:27
جو لوگ آخرت پر ایمان نہیں لاتے وہ فرشتوں کو (خدا کی) لڑکیوں کے نام سے موسوم کرتے ہیں
Verse 28 — Surah An-Najm 53:28
حالانکہ ان کو اس کی کچھ خبر نہیں۔ وہ صرف ظن پر چلتے ہیں۔ اور ظن یقین کے مقابلے میں کچھ کام نہیں آتا
Verse 29 — Surah An-Najm 53:29
تو جو ہماری یاد سے روگردانی اور صرف دنیا ہی کی زندگی کا خواہاں ہو اس سے تم بھی منہ پھیر لو
Verse 30 — Surah An-Najm 53:30
ان کے علم کی انتہا یہی ہے۔ تمہارا پروردگار اس کو بھی خوب جانتا ہے جو اس کے رستے سے بھٹک گیا اور اس سے بھی خوب واقف ہے جو رستے پر چلا
Verse 31 — Surah An-Najm 53:31
اور جو کچھ آسمانوں میں ہے اور جو کچھ زمین میں ہے سب خدا ہی کا ہے (اور اس نے خلقت کو) اس لئے (پیدا کیا ہے) کہ جن لوگوں نے برے کام کئے ان کو ان کے اعمال کا (برا) بدلا دے اور جنہوں نے نیکیاں کیں ان کو نیک بدلہ دے
Verse 32 — Surah An-Najm 53:32
جو صغیرہ گناہوں کے سوا بڑے بڑے گناہوں اور بےحیائی کی باتوں سے اجتناب کرتے ہیں۔ بےشک تمہارا پروردگار بڑی بخشش والا ہے۔ وہ تم کو خوب جانتا ہے۔ جب اس نے تم کو مٹی سے پیدا کیا اور جب تم اپنی ماؤں کے پیٹ میں بچّے تھے۔ تو اپنے آپ کو پاک صاف نہ جتاؤ۔ جو پرہیزگار ہے وہ اس سے خوب واقف ہے
Verse 33 — Surah An-Najm 53:33
بھلا تم نے اس شخص کو دیکھا جس نے منہ پھیر لیا
Verse 34 — Surah An-Najm 53:34
اور تھوڑا سا دیا (پھر) ہاتھ روک لیا
Verse 35 — Surah An-Najm 53:35
کیا اس کے پاس غیب کا علم ہے کہ وہ اس کو دیکھ رہا ہے
Verse 36 — Surah An-Najm 53:36
کیا جو باتیں موسیٰ کے صحیفوں میں ہیں ان کی اس کو خبر نہیں پہنچی
Verse 37 — Surah An-Najm 53:37
اور ابراہیمؑ کی جنہوں نے (حق طاعت ورسالت) پورا کیا
Verse 38 — Surah An-Najm 53:38
یہ کہ کوئی شخص دوسرے (کے گناہ) کا بوجھ نہیں اٹھائے گا
Verse 39 — Surah An-Najm 53:39
اور یہ کہ انسان کو وہی ملتا ہے جس کی وہ کوشش کرتا ہے
Verse 40 — Surah An-Najm 53:40
اور یہ کہ اس کی کوشش دیکھی جائے گی
Verse 41 — Surah An-Najm 53:41
پھر اس کو اس کا پورا پورا بدلا دیا جائے گا
Verse 42 — Surah An-Najm 53:42
اور یہ کہ تمہارے پروردگار ہی کے پاس پہنچنا ہے
Verse 43 — Surah An-Najm 53:43
اور یہ کہ وہ ہنساتا اور رلاتا ہے
Verse 44 — Surah An-Najm 53:44
اور یہ کہ وہی مارتا اور جلاتا ہے
Verse 45 — Surah An-Najm 53:45
اور یہ کہ وہی نر اور مادہ دو قسم (کے حیوان) پیدا کرتا ہے
Verse 46 — Surah An-Najm 53:46
(یعنی) نطفے سے جو (رحم میں) ڈالا جاتا ہے
Verse 47 — Surah An-Najm 53:47
اور یہ کہ (قیامت کو) اسی پر دوبارہ اٹھانا لازم ہے
Verse 48 — Surah An-Najm 53:48
اور یہ کہ وہی دولت مند بناتا اور مفلس کرتا ہے
Verse 49 — Surah An-Najm 53:49
اور یہ کہ وہی شعریٰ کا مالک ہے
Verse 50 — Surah An-Najm 53:50
اور یہ کہ اسی نے عاد اول کو ہلاک کر ڈالا
Verse 51 — Surah An-Najm 53:51
اور ثمود کو بھی۔ غرض کسی کو باقی نہ چھوڑا
Verse 52 — Surah An-Najm 53:52
اور ان سے پہلے قوم نوحؑ کو بھی۔ کچھ شک نہیں کہ وہ لوگ بڑے ہی ظالم اور بڑے ہی سرکش تھے
Verse 53 — Surah An-Najm 53:53
اور اسی نے الٹی ہوئی بستیوں کو دے پٹکا
Verse 54 — Surah An-Najm 53:54
پھر ان پر چھایا جو چھایا
Verse 55 — Surah An-Najm 53:55
تو (اے انسان) تو اپنے پروردگار کی کون سی نعمت پر جھگڑے گا
Verse 56 — Surah An-Najm 53:56
یہ (محمدﷺ) بھی اگلے ڈر سنانے والوں میں سے ایک ڈر سنانے والے ہیں
Verse 57 — Surah An-Najm 53:57
آنے والی (یعنی قیامت) قریب آ پہنچی
Verse 58 — Surah An-Najm 53:58
اس (دن کی تکلیفوں) کو خدا کے سوا کوئی دور نہیں کرسکے گا
Verse 59 — Surah An-Najm 53:59
(اے منکرین خدا) کیا تم اس کلام سے تعجب کرتے ہو؟
Verse 60 — Surah An-Najm 53:60
اور ہنستے ہو اور روتے نہیں؟
Verse 61 — Surah An-Najm 53:61
اور تم غفلت میں پڑ رہے ہو
Verse 62 — Surah An-Najm 53:62
تو خدا کے آگے سجدہ کرو اور (اسی کی) عبادت کرو