Back to Languages
Urdu - Chapter 53 - An-Najm
Translation by Muhammad Hussain Najafi — Permalink
Verse 1 — Surah An-Najm 53:1
قَسم ہے ستارے کی جبکہ وہ ڈوبنے لگے۔
Verse 2 — Surah An-Najm 53:2
کہ تمہارا یہ ساتھی (پیغمبرِ اسلام(ص)) نہ گمراہ ہوا ہے اور نہ بہکا ہے۔
Verse 3 — Surah An-Najm 53:3
اور وہ (اپنی) خواہشِ نفس سے بات نہیں کرتا۔
Verse 4 — Surah An-Najm 53:4
وہ تو بس وحی ہے جو ان کی طرف کی جاتی ہے۔
Verse 5 — Surah An-Najm 53:5
ان کو ایک زبردست قوت والے نے تعلیم دی ہے۔
Verse 6 — Surah An-Najm 53:6
جو بڑا صاحبِ قدرت (یا بڑا دانا و حکیم) ہے پھر (وہ اپنی اصلی شکل میں) کھڑا ہوا۔
Verse 7 — Surah An-Najm 53:7
جبکہ وہ آسمان کے بلند ترین کنارہ پر تھا۔
Verse 8 — Surah An-Najm 53:8
پھر وہ قریب ہوا اور زیادہ قریب ہوا۔
Verse 9 — Surah An-Najm 53:9
یہاں تک دو کمان کے برابریا اس سے بھی کم فاصلہ رہ گیا۔
Verse 10 — Surah An-Najm 53:10
پس اس (اللہ) نے اپنے بندہ (خاص) کی طرف وحی کی جو وحی کی۔
Verse 11 — Surah An-Najm 53:11
رسول(ص) کے) دل نے جھوٹ نہیں کہا (جھٹلایا نہیں) جو کچھ (مصطفٰی(ص) کی) آنکھ نے دیکھا۔
Verse 12 — Surah An-Najm 53:12
کیا تم لوگ آپ(ص) سے اس بات پر جھگڑتے ہو جو کچھ انہوں نے دیکھا۔
Verse 13 — Surah An-Najm 53:13
اور آپ(ص) نے ایک بار اور بھی۔
Verse 14 — Surah An-Najm 53:14
اترتے ہوئے سدرۃ المنتہی کے پاس دیکھا۔
Verse 15 — Surah An-Najm 53:15
جہاں جنت الماوی (آرام سے رہنے کا بہشت) ہے۔
Verse 16 — Surah An-Najm 53:16
جب کہ سدرہ پر چھا رہا تھا (وہ نور) جو چھا رہا تھا۔
Verse 17 — Surah An-Najm 53:17
نہ آنکھ چندھیائی اور نہ حدسے بڑھی۔
Verse 18 — Surah An-Najm 53:18
یقیناً آپ(ص) نے اپنے پروردگار کی بڑی بڑی نشانیاں دیکھیں۔
Verse 19 — Surah An-Najm 53:19
کیا تم نے کبھی لات و عزیٰ۔
Verse 20 — Surah An-Najm 53:20
اور تیسرے منات کو کبھی دیکھا ہے (ان کی اصلیت میں غور کیا ہے؟)
Verse 21 — Surah An-Najm 53:21
کیا تمہارے لئے لڑکے ہیں اور اس(اللہ) کے لئے لڑکیاں؟
Verse 22 — Surah An-Najm 53:22
یہ تقسیم تو بڑی ظالمانہ ہے۔
Verse 23 — Surah An-Najm 53:23
یہ نہیں ہیں مگر صرف چند نام جو تم نے اور تمہارے باپ دادانے رکھ لئے ہیں جس پر اللہ نے کوئی دلیل (سند) نہیں نازل کی یہ لوگ محض وہم و گمان کی پیروی کر رہے ہیں اور خواہشاتِ نفس کی حالانکہ ان کے پاس ان کے پروردگار کی طرف سے ہدایت و رہنمائی آچکی۔
Verse 24 — Surah An-Najm 53:24
کیا انسان کو وہ چیز مل سکتی ہے جس کی وہ تمنا کرتا ہے؟
Verse 25 — Surah An-Najm 53:25
پس اللہ کے قبضۂ قدرت میں ہے آخرت بھی اور دنیا بھی (یعنی انجام بھی اور آغاز بھی)۔
Verse 26 — Surah An-Najm 53:26
اور آسمانوں میں کتنے ہی فرشتے ہیں جن کی سفارش کچھ بھی فائدہ نہیں دے سکتی مگر بعد اس کے کہ اللہ جس کے لئے چاہے اجازت دے اور پسند کرے۔
Verse 27 — Surah An-Najm 53:27
بےشک جو لوگ آخرت پر ایمان نہیں رکھتے وہ فرشتوں کو عورتوں کے نام سے موسوم کرتے ہیں۔
Verse 28 — Surah An-Najm 53:28
حالانکہ انہیں اس کا کوئی علم نہیں ہے وہ مخصوص ظن و گمان کی پیروی کرتے ہیں اور ظنِ حق کے مقابلہ میں ذرا بھی کام نہیں دے سکتا۔
Verse 29 — Surah An-Najm 53:29
اے رسول(ص)) آپ اس سے رُوگردانی کیجئے! جو ہمارے ذکر سے رُوگردانی کرتا ہے اور جو زندگانئ دنیا کے سوا اور کچھ نہیں چاہتا۔
Verse 30 — Surah An-Najm 53:30
ان لوگوں کامبلغ علم یہی ہے (ان کے علم کی رسائی کی حد یہی ہے) آپ(ص) کا پروردگار ہی بہتر جانتا ہے کہ اس کے راستہ سے بھٹکا ہوا کون ہے؟ اور وہی بہتر جانتا ہے کہ راہِ راست پر کون ہے؟
Verse 31 — Surah An-Najm 53:31
اور جو آسمانوں میں ہے اور جو کچھ زمین میں ہے وہ اللہ ہی کا ہے تاکہ وہ برا کام کرنے والوں کو ان کے (برے) کاموں کا بدلہ دے اور نیک کرنے والوں کو اچھی جزا عطا کرے۔
Verse 32 — Surah An-Najm 53:32
جو کہ بڑے گناہوں اور بےحیائی کے کاموں سے پرہیز کرتے ہیں مگر یہ کہ کچھ ہلکے گناہ سر زد ہو جائیں۔ بےشک آپ کا پروردگار وسیع مغفرت والا ہے وہ تمہیں (اس وقت سے) خوب جانتا ہے جب اس نے تمہیں زمین سے پیدا کیا اور جب تم اپنی ماؤں کے پیٹوں میں جنین کی صورت میں تھے پس تم اپنے آپ کی پاکی کے دعوے نہ کرو۔ وہ (اللہ) بہتر جانتا ہے کہ واقعی پرہیزگار کون ہے؟
Verse 33 — Surah An-Najm 53:33
اے رسول(ص)) کیا آپ(ص) نے اس شخص کو دیکھا ہے جس نے رُوگردانی کی۔
Verse 34 — Surah An-Najm 53:34
اس نے تھوڑا سا (مال) دیا اور پھر ہاتھ روک لیا۔
Verse 35 — Surah An-Najm 53:35
کیا اس کے پاس غیب کا علم ہے پس وہ دیکھ رہا ہے؟
Verse 36 — Surah An-Najm 53:36
کیا اسے اس بات کی خبر نہیں پہنچی جو موسیٰ (ع) کے صحیفوں میں ہے۔
Verse 37 — Surah An-Najm 53:37
اور اس ابراہیم (ع) کے صحیفوں میں جس نے وفاداری کا حق ادا کر دیا۔
Verse 38 — Surah An-Najm 53:38
کہ کوئی بوجھ اٹھانے والا کسی دوسرے کا بوجھ نہیں اٹھائے گا۔
Verse 39 — Surah An-Najm 53:39
اور یہ کہ انسان کے لئے وہی کچھ ہے جس کی وہ کوشش کرتا ہے۔
Verse 40 — Surah An-Najm 53:40
اور اس کی سعی و کوشش عنقریب دیکھی جائے گی۔
Verse 41 — Surah An-Najm 53:41
اور پھر اسے پوری جزا دی جائے گی۔
Verse 42 — Surah An-Najm 53:42
اور یہ کہ سب کی انتہا آپ(ص) کے پروردگار کی طرف ہے۔
Verse 43 — Surah An-Najm 53:43
بےشک وہی ہنساتا ہے اور رلاتا ہے۔
Verse 44 — Surah An-Najm 53:44
اور وہی مارتا ہے اور جِلاتا ہے۔
Verse 45 — Surah An-Najm 53:45
اور یہ کہ اسی نے نر اور مادہ کے جوڑے پیدا کئے۔
Verse 46 — Surah An-Najm 53:46
(وہ بھی) ایک نطفہ سے (جو رحم میں) ٹپکایا جاتا ہے۔
Verse 47 — Surah An-Najm 53:47
اور بیشک دوبارہ پیدا کرنا اسی (اللہ) کے ذمہ ہے۔
Verse 48 — Surah An-Najm 53:48
اور یہ کہ وہی سرمایہ دار بناتا ہے اور وہی فقیر و نادار بناتا ہے۔
Verse 49 — Surah An-Najm 53:49
اور یہ کہ وہ شعریٰ نامی ستارے کا پروردگار ہے۔
Verse 50 — Surah An-Najm 53:50
اور یہ کہ اسی نے عادِ اول (قومِ ہود) کو ہلاک کیا۔
Verse 51 — Surah An-Najm 53:51
اور ثمود کو بھی اس طرح ہلاک کیا کہ کسی کو باقی نہیں چھوڑا۔
Verse 52 — Surah An-Najm 53:52
اوران سب سے پہلے قومِ نوح(ع) کو بھی (برباد کیا) بےشک وہ بڑے ظالم اور بڑے سرکش تھے۔
Verse 53 — Surah An-Najm 53:53
لوط (ع)) کی الٹی ہوئی ان (بستیوں) کو بھی دے مارا۔
Verse 54 — Surah An-Najm 53:54
پس ان (بستیوں) کو ڈھانک لیا اس (آفت) نے جس نے ڈھانک لیا۔
Verse 55 — Surah An-Najm 53:55
پس تو اے مخاطب اپنے پروردگار کی کن کن نعمتوں میں شک کرے گا۔
Verse 56 — Surah An-Najm 53:56
یہ (رسول(ص)) بھی ڈرانے والا ہے پہلے ڈرانے والے (رسولوں(ع)) سے۔
Verse 57 — Surah An-Najm 53:57
قریب آنے والی (قیامت) قریب آگئی ہے۔
Verse 58 — Surah An-Najm 53:58
اللہ کے سوا اس کا کوئی ہٹانے والانہیں ہے۔
Verse 59 — Surah An-Najm 53:59
کیا تم اس بات سے تعجب کرتے ہو؟
Verse 60 — Surah An-Najm 53:60
اور ہنستے ہو اور روتے نہیں۔
Verse 61 — Surah An-Najm 53:61
اور تم غفلت میں مدہوش ہو۔
Verse 62 — Surah An-Najm 53:62
پس اللہ کے لئے سجدہ کرو اور(اسی کی) عبادت کرو۔