Back to Languages
Urdu - Chapter 83 - Al-Mutaffifin
Translation by Muhammad Hussain Najafi — Permalink
Verse 1 — Surah Al-Mutaffifin 83:1
بربادی ہے ناپ تول میں کمی کرنے (ڈنڈی مارنے) والوں کے لئے۔
Verse 2 — Surah Al-Mutaffifin 83:2
جب وہ (اپنے لئے) لوگوں سےناپ کر لیں تو پورا لیتے ہیں۔
Verse 3 — Surah Al-Mutaffifin 83:3
اور جب لوگوں کو ناپ کر یا تول کر دیتے ہیں تو انہیں گھاٹا دیتے ہیں۔
Verse 4 — Surah Al-Mutaffifin 83:4
کیا یہ لوگ خیال نہیں کرتے کہ وہ (دوبارہ زندہ کر کے) اٹھائے جائیں گے۔
Verse 5 — Surah Al-Mutaffifin 83:5
ایک بڑے (سخت) دن کیلئے۔
Verse 6 — Surah Al-Mutaffifin 83:6
جس دن تمام لوگ ربُ العالمین کی بارگاہ میں پیشی کیلئے کھڑے ہوں گے۔
Verse 7 — Surah Al-Mutaffifin 83:7
ہرگز نہیں! بےشک بدکاروں کا نامۂ اعمال سِجِّین (قید خانہ کے دفتر) میں ہے۔
Verse 8 — Surah Al-Mutaffifin 83:8
تمہیں کیا معلوم کہ سِجِّین کیا ہے؟
Verse 9 — Surah Al-Mutaffifin 83:9
یہ ایک لکھی ہوئی کتاب ہے (جس میں بدکاروں کے عمل درج ہیں)۔
Verse 10 — Surah Al-Mutaffifin 83:10
بربادی ہے اس دن جھٹلانے والوں کیلئے۔
Verse 11 — Surah Al-Mutaffifin 83:11
جو جزا و سزا کے دن (قیامت) کو جھٹلاتے ہیں۔
Verse 12 — Surah Al-Mutaffifin 83:12
اور اس دن کو نہیں جھٹلاتا مگر وہ شخص جو حد سے گزر نے والا (اور) گنہگار ہے۔
Verse 13 — Surah Al-Mutaffifin 83:13
کہ جب اس کے سامنے ہماری آیتیں پڑھی جاتی ہیں تو وہ کہتا ہے کہ یہ تو پہلے زمانے والوں کے افسانے ہیں۔
Verse 14 — Surah Al-Mutaffifin 83:14
ہرگز نہیں بلکہ ان کے دلوں پر ان کے اعمال کا زَنگ چڑھ گیا ہے جو وہ کرتے ہیں۔
Verse 15 — Surah Al-Mutaffifin 83:15
ہرگز (ایسا نہیں کہ جزا وسزا نہ ہو) یہ لوگ اس دن اپنے پروردگار (کی رحمت سے) (محجوب اور محروم) رہیں گے۔
Verse 16 — Surah Al-Mutaffifin 83:16
پھر یہ لوگ جہنم میں ڈالے جائیں گے۔
Verse 17 — Surah Al-Mutaffifin 83:17
پھر (ان سے) کہا جائے گا کہ یہی وہ جہنم ہے جس کو تم جھٹلاتے تھے۔
Verse 18 — Surah Al-Mutaffifin 83:18
ہرگز (ایسا) نہیں (کہ جزا و سزا نہ ہو) یقیناً نیکو کاروں کا نامۂ اعمال علیین (بلند مرتبہ لوگوں کے دفتر) میں ہے۔
Verse 19 — Surah Al-Mutaffifin 83:19
اور تمہیں کیا معلوم کہ علیین (بلند مرتبہ لوگوں کا دفتر) کیا ہے؟
Verse 20 — Surah Al-Mutaffifin 83:20
وہ ایک لکھی ہوئی کتاب ہے (جس میں نیکو کاروں کے عمل درج ہیں)۔
Verse 21 — Surah Al-Mutaffifin 83:21
جس کامشاہدہ مقرب فرشتے کرتے ہیں۔
Verse 22 — Surah Al-Mutaffifin 83:22
بےشک نیکوکار لوگ عیش و آرام میں ہوں گے۔
Verse 23 — Surah Al-Mutaffifin 83:23
اونچی مسندوں پر بیٹھ کر دیکھ رہے ہونگے (نظارے کر رہے ہوں گے)۔
Verse 24 — Surah Al-Mutaffifin 83:24
تم ان کے چہروں پر راحت و آرام کی شادابی محسوس کرو گے۔
Verse 25 — Surah Al-Mutaffifin 83:25
انہیں سر بمہر عمدہ شراب (طہور) پلائی جائے گی۔
Verse 26 — Surah Al-Mutaffifin 83:26
جس پر مشک کی مہر ہوگی۔ اس چیز میں سبقت لے جانے والوں کو سبقت (اور رغبت) کرنی چاہیے۔
Verse 27 — Surah Al-Mutaffifin 83:27
ور اس (شراب میں) تسنیم کی آمیزش ہوگی۔
Verse 28 — Surah Al-Mutaffifin 83:28
یہ وہ چشمہ ہے جس سے مقرب لوگ پئیں گے۔
Verse 29 — Surah Al-Mutaffifin 83:29
بےشک جو مجرم لوگ تھے وہ (دارِ دنیا میں) اہلِ ایمان پر ہنستے تھے۔
Verse 30 — Surah Al-Mutaffifin 83:30
جب ان کے پاس سے گزرتے تھے تو آنکھیں مارا کرتے تھے۔
Verse 31 — Surah Al-Mutaffifin 83:31
اور جب اپنے گھر والوں کی طرف لوٹتے تھے تو دل لگیاں کرتے ہوئے لوٹتے تھے۔
Verse 32 — Surah Al-Mutaffifin 83:32
اور جب ان (اہلِ ایمان) کو دیکھتے تھے تو کہتے تھے کہ یہ بھٹکے ہوئے لوگ ہیں۔
Verse 33 — Surah Al-Mutaffifin 83:33
حالانکہ وہ انکے نگران بنا کر نہیں بھیجے گئے تھے۔
Verse 34 — Surah Al-Mutaffifin 83:34
پس آج اہلِ ایمان کافروں (اور منکروں) پر ہنستے ہوں گے۔
Verse 35 — Surah Al-Mutaffifin 83:35
اونچی مسندوں پر بیٹھے ہوئے (ان کی حالت) دیکھ رہے ہونگے۔
Verse 36 — Surah Al-Mutaffifin 83:36
کیا کافروں کو ان کے کئے ہوئے (کرتوتوں) کا پورا بدلہ مل گیا ہے۔