Back to Languages
Urdu - Chapter 89 - Al-Fajr
Translation by Muhammad Hussain Najafi — Permalink
Verse 1 — Surah Al-Fajr 89:1
قَسم ہے صبح کی۔
Verse 2 — Surah Al-Fajr 89:2
اور دس (مقدس) راتوں کی۔
Verse 3 — Surah Al-Fajr 89:3
اورجُفت اور طاق کی۔
Verse 4 — Surah Al-Fajr 89:4
اور رات کی جبکہ (جانے کیلئے) چلنے لگے۔
Verse 5 — Surah Al-Fajr 89:5
کیا اس میں صاحبِ عقل کیلئے کوئی قسم ہے؟ (یعنی یقیناً ہے)۔
Verse 6 — Surah Al-Fajr 89:6
کیا آپ(ص) نے نہیں دیکھا کہ آپ(ص) کے پروردگار نے قومِ عاد کے ساتھ کیا کیا؟
Verse 7 — Surah Al-Fajr 89:7
یعنی اونچے ستونوں والے ارم کے ساتھ۔
Verse 8 — Surah Al-Fajr 89:8
جن کامثل (دنیا کے) شہروں میں پیدا نہیں کیا گیا۔
Verse 9 — Surah Al-Fajr 89:9
اور قومِ ثمود کے ساتھ (کیا کیا؟) جنہوں نے وادی میں چٹانیں تراشی تھیں (اور عمارتیں بنائی تھیں)۔
Verse 10 — Surah Al-Fajr 89:10
اور فرعون میخوں والے کے ساتھ (کیا کیا؟)۔
Verse 11 — Surah Al-Fajr 89:11
ان لوگوں نے شہروں میں سرکشی کی تھی۔
Verse 12 — Surah Al-Fajr 89:12
اوران میں بہت فساد پھیلایا تھا۔
Verse 13 — Surah Al-Fajr 89:13
تو آپ کے پروردگار نے ان پر عذاب کا کَوڑا برسایا۔
Verse 14 — Surah Al-Fajr 89:14
بےشک آپ(ص) کا پروردگار (ایسے لوگوں کی) تاک میں ہے۔
Verse 15 — Surah Al-Fajr 89:15
لیکن انسان (کا حال یہ ہے کہ) جب اس کا پروردگار اسے آزماتا ہے اور اسے عزت و نعمت دیتا ہے تو وہ کہتا ہے کہ میرے پروردگار نے میری عزت افزائی کی۔
Verse 16 — Surah Al-Fajr 89:16
اور جب وہ (خدا) اسے اس طرح آزماتا ہے کہ اس کا رزق اس پر تنگ کر دیتا ہے تو وہ کہتا ہے کہ میرے پروردگار نے مجھے ذلیل کر دیا۔
Verse 17 — Surah Al-Fajr 89:17
ہرگز نہیں! بلکہ تم لوگ یتیم کی عزت نہیں کرتے۔
Verse 18 — Surah Al-Fajr 89:18
اور مسکین کو کھانا کھلانے پر ایک دوسرے کو آمادہ نہیں کرتے۔
Verse 19 — Surah Al-Fajr 89:19
اور وراثت کا سارا مال (حلال و حرام) سمیٹ کر کھا جاتے ہو۔
Verse 20 — Surah Al-Fajr 89:20
اورتم مال و منال سے بہت زیادہ محبت کرتے ہو۔
Verse 21 — Surah Al-Fajr 89:21
ہرگز نہیں! وہ وقت یاد کرو جب زمین کو توڑ کر ریزہ ریزہ کر دیا جائے گا۔
Verse 22 — Surah Al-Fajr 89:22
اور تمہارا پروردگار (یعنی اس کا حکم) آجائے گا اور فرشتے قطار اندر قطار آئیں گے۔
Verse 23 — Surah Al-Fajr 89:23
اور اس دن جہنم (سامنے) لائی جائے گی اور اس دن انسان کو سمجھ آئے گی مگر اب سمجھ آنے کا کیا فائدہ؟
Verse 24 — Surah Al-Fajr 89:24
وہ کہے گا کہ کاش! میں نے اپنی (اس) زندگی کیلئے کچھ آگے بھیجا ہوتا۔
Verse 25 — Surah Al-Fajr 89:25
پس اس دن نہ تو خدا کی طرح کوئی عذاب دے گا۔
Verse 26 — Surah Al-Fajr 89:26
اور نہ اس کے باندھنے کی طرح کوئی باندھ سکے گا۔
Verse 27 — Surah Al-Fajr 89:27
(ارشاد ہوگا) اے نفسِ مطمئن۔
Verse 28 — Surah Al-Fajr 89:28
تو اس حالت میں اپنے پروردگار کی طرف چل کہ تواس سے راضی ہے اور وہ تجھ سے راضی ہے۔
Verse 29 — Surah Al-Fajr 89:29
پس تُو میرے (خاص) بندوں میں داخل ہو جا۔
Verse 30 — Surah Al-Fajr 89:30
اور میری جنت میں داخل ہو جا۔