Urdu - Chapter 32 - As-Sajdah

Alif laam meeem

bila shuba is kitaab ka utaarna tamaam jahaano ke parvardigaar ki taraf se hai

kya ye kehte hai ke is ne ose ghad liya hai (nahi nahi) balke ye tere rab ta’ala ki taraf se haq hai, ta ke aap unhe daraaye jin ke paas aap se pehle koyi daraane wala nahi ayaa, ta ke wo raahe raasth par aa jaaye

Allah ta’ala wo hai jis ne asmaan wa zameen ko aur jo kuch un ke darmiyaan hai, sab ko che din mein paida kar diya, phir arsh par qaayam hoa, tumhaare liye us ke siva koyi madadgaar aur sifaarishi nahi, kya phir bhi tum nasihath haasil nahi karte

wo asmaan se le kar zameen tak (har) kaam ki tadhbeer karta hai, phir (wo kaam) ek aise din mein us ki taraf chad jaata hai, jis ka andaaza tumhaari ginti ke ek hazaar saal ke baraabar hai

yahi hai chupe khule ka jaanne waala, zabardasth ghaalib, bahuth hee meherbaan

jis ne nihaayath qoob banaayi jo cheez bhi banaayi aur insaan ki banaawat mitthi se shuro ki

phir us ki nasl ek be waq-ath1 paani ke nichood se chalaayi

jise theek thaak kar ke us mein apni ruh phuki, osi ne tumhaare kaan, aankhe aur dil banaaye (us par bhi) tum bahuth hee thoda ehsaan maante ho

aur unhone kaha kya jab hum zameen mein ral mil jaayenge, kya phir nayi paydayish mein aa jayenge? balke (baath ye hai) ke wo log apne parvardigaar ki mulaqaath ke munkir hai

keh dijiye! ke tumhe mauth ka farishta fauth karega jo tum par muqarrar kiya gaya hai, phir tum sab apne parvardigaar ki taraf lautaaye jaoge

kaash ke aap dekhte jab ke gunehgaar log apne rab ta’ala ke saamne sar jhukaaye hoye honge, kahenge aye hamaare rab! hum ne dekh liya aur sun liya, ab tu hamein waapas lauta de, hum nek amaal karenge, hum yaqeen karne waale hai

agar hum chahte to har shaqs ko hidaayath naseeb farma dete, lekin meri ye baath bil kul haq ho chuk hai, ke main zaroor zaroor jahannam ko insaano aur jino se pur kar donga

hamaari aayato par wahi imaan laate hai, jinhe jab kabhi un se nasihath ki jaati hai to wo sajde mein gir padte hai aur apne rab ki hamd ke saath us ki tasbih padte hai aur takabbur nahi karte

un ki karwate un ke bistaro se alag rehti hai, apne rab ko khauf aur ummid ke saath pukaarte hai aur jo kuch hum ne unhe de rakha hai, wo qarch karte hai

koyi nafs nahi jaanta, jo kuch hum ne un ki aankho ki thandak un ke liye pushida kar rakhi hai, jo kuch karte thein ye us ka badhla hai

kya wo jo momin ho, misl us ke hai, jo faasiq ho? ye baraabar nahi ho sakte

jin logo ne imaan qubool kiya aur nek amaal bhi kiye un ke liye hameshgi waali jannate hai, mehmaan daari hai, un ke amaal ke badhle jo wo karte thein

lekin jin logo ne hukme adoli ki, un ka thikana dozakh hai, jab kabhi us se baaher nikalna chaahenge, osi mein lauta diye jayenge, aur keh diya jayega ke apne jhutlaane ke badhle aag ka azaab chaku

bil yaqeen hum unhe qareeb ke chote se baaz azaab, is bade azaab ke siva chakayenge, ta ke wo laut aaye

us se bad kar zaalim kaun hai, jise Allah ta’ala ki aayato se waaz kiya gaya, phir bhi us ne un se mu pher liya(yaqeen maano) ke hum bhi gunehgaaro se inteqaam lene waale hai

beshak hum ne Mosa(alaihissalaam) ko kitaab di, pas aap ko har giz us ki mulaqaath mein shak na karna chahiye aur hum ne ose bani israel ki hidaayath ka zariya banaya

aur jab un logo ne sabr kiya to hum ne un mein se aise peshwa banaaye, jo hamaare hukm se logo ko hidaayath karte thein aur wo hamaari aayato par yaqeen rakhte thein

aap ka rab un (sab) ke darmiyaan un (tamaam) baatho ka faisla qayaamath ke din karega, jin mein wo eqtelaaf kar rahe hai

kya us baath ne bhi unhe hidaayath nahi di, ke hum ne un se pehle bahuth si ummato ko halaak kar diya, jin ke makaano mein ye chal phir rahe hai, us mein to (badi) badi nishaaniya hai, kya phir bhi ye nahi sunte

kya ye nahi dekhte ke hum paani ko banjar (ghair abaadh) zameen ki taraf baha kar le jaate hai, phir us se hum khetiya nikaalte hai, jise un ke chau paaye aur ye khud khaate hai, kya phir bhi ye nahi dekhte

aur kehte hai ke ye faisla kab hoga? agar tum sacche ho (to bath laao)

jawaab de do ke faisle waale din imaan laana, be imaano ko kuch kaam na ayega aur na unhe dheel di jayegi

ab aap un ka qayaal chohd de aur muntazir rahe, ye bhi muntazir hai