Urdu - Chapter 52 - At-Tur

qasam hai toor ki

aur likhi hoyi kitaab ki

jo jhilli ke khule hoye warq mein hai

aur abaadh ghar ki

aur oonchi chath ki

aur bhad kaaye hoye samandar ki

beshak aap ke rab ka azaab ho kar rehne wala hai

ose koyi rokne waala nahi

jis din asmaan thar thraane lagega

aur pahaad chalne phirne lagenge

us din jhutlaane waalo ki (puri) qaraabi hai

jo apni be huda goyi mein uchal koodh kar rahe hai

jis din wo dhakke de de kar aatishe jahannam ki taraf laaye jayenge

yahi wo aatish dozakh hai jise tum jhoot batlaate thein

(ab bataao) kya ye jaadu hai? ya tum dekhte hee nahi ho

jaao dozakh mein ab tumhaara sabr karna aur na karna tumhaare liye yeksa hai, tumhe faqth tumhaare kiye ka badhla diya jayega

yaqinan parhezgaar log jannato mein aur nemato mein hai

jo unhe un ke rab ne de rakhi hai, us par khush khush hai aur un ke parvardigaar ne unhe jahannam ke azaab se bhi bacha liya hai

tum ma ze se khaate peete raho un amaal ke badhle jo tum karte thein

baraabar biche hoye shaandaar taqte par takye lagaaye hoye, aur hum ne un ke nikaah badi badi aankho waali (huro) se kar diye hai

aur jo log imaan laaye aur un ki aulaad ne bhi imaan mein un ki pairvi ki, hum un ki aulaad ko un tak pahonchaa denge aur un ke amal se hum kuch kam na karenge, har shaqs apne apne amaal ka girvi hai

hum un ke liye mewe aur marghoob gosht ki rel pel kar denge

(khush tabyi ke saath) ek dosre ke saath jaam (sharaab) ki china jhapti karenge, jis sharaab ke suroor mein be huda goyi hogi na gunah

aur un ke ird girdh un ke nau umr ghulaam chal phir rahe honge, goya ke wo moti thein, jo dhake rakhe thein

aur aapas mein ek dosre ki taraf mutawajjeh ho kar sawaal karenge

kahenge ke is se pehle hum ne apne ghar waalo ke darmiyaan bahuth dara karte thein

pas Allah ta’ala ne hum par bada ehsaan kiya aur hamein tez wa tundh garam hawaao ke azaab se bacha liya

hum us se pehle hee us ki ibaadath kiya karte thein, beshak wo mohsin aur meherbaan hai

to aap samjhaate rahe, kyo ke aap apne rab ke fazl se na to kaahin hai, na deewane

kya kaafir yo kehte hai ke, ye shaayar hai, hum is par zamaane ke hawaadis (yani mauth) ka intezaar kar rahe hai

keh dijiye! tum muntazir raho, main bhi tumhaare saath intezaar karne waalo mein hoon

kya ye kehte hai ke is Nabi ne (Qur’aan) khud ghad liya hai, waaqeya ye hai ke wo imaan nahi laate

accha agar ye sacche hai to bhala is jaisi ek (hee) baath ye (bhi) to le aaye

kya ye baghair kisi (paida karne waale) ke khud ba khud paida ho gaye hai, ya ye khud paida karne waale hai

kya un hone hee asmaano aur zameen ko paida kiya hai? balke ye yaqeen na karne waale log hai

ya kya un ke paas tere rab ke khazaane hai? ya (un khazaano ke) ye daarogha hai

ya kya un ke paas koyi sidi hai jis par chad kar sunte hai? (agar aisa hai) to un ka sunne waala koyi roushan daleel pesh kare

kya Allah ki to sab ladkiya hai aur tumhaare haan ladke hai

kya tu un se koyi ujrath talab karta hai ke ye is ke tawaan1 se bhujal ho rahe hai

kya un ke paas ilm e ghayb hai jise ye likh lete hai

kya ye log koyi fareb karna chahte hai? to yaqeen karle ke fareb khurda kaafir hee hai

kya Allah ke siva un ka koyi maboodh hai? (har giz nahi) Allah ta’ala un ke shirk se paak hai

agar ye log asmaan ke kisi tukde ko girta hoa dekh le, tabh bhi kehde ke ye tay ba tay baadal hai

tu unhe chohd de, yahaa tak ke unhe us din se saabeqa pade, jis mein ye be hoosh kar diye jayenge

jis din unhe un ka makr kuch kaam na dega aur na wo madad kiye jayenge

beshak zaalimo ke liye is ke alaawa aur azaab bhi hai, lekin un logo mein se aksar be ilm hai

to apne rab ke hukm ke intezaar mein sabr se kaam le, beshak tu hamaari aankho ke saamne hai, subah ko jab tu uthe, apne rab ki paaki aur hamdh bayaan kar

aur raath ko bhi us ki tasbih pad aur sitaaro ke doobte waqth bhi