Urdu - Chapter 55 - Ar-Rahman

Rahmaan ne

Qur’aan sikhaya

osi ne insaan ko payda kiya

aur ose bolna sikhaya

aftaab aur mahtaab (muqarrara) hisaab se hai

aur sitaare aur daraqth duno sajda karte hai

osi ne asmaan ko bulnadh kiya aur osi ne taraazo rakhi

ta ke tum tolne mein tajaawuz na karo

insaaf ke saath wazan ko theek karo aur tol mein kam na do

aur osi ne maqlooq ke liye zameen bhicha di

jis mein mewe hai aur khoshe waale khajoor ke daraqt hai

aur bhos waala anaaj aur khushbo daar phool hai

pas (aye insaano aur jino!) tum apne parvardigaar ki kis kis nemath ko jhutlaoge

us ne insaan ko bajne waali mitthi se payda kiya jo theekri ki tarah thi

aur jinnaath ko aag ke shole se payda kiya

pas tum apne rab ki kis kis nemath ko jhutlaoge

wo rab hai duno mashriqo aur duno maghribo ka

to (aye insaano aur jino!) tum apne rab ki kis kis nemath ko jhutlaoge

us ne do darya jaari kar diye, jo ek dosre se mil jaate hai

pas apne parvardigaar ki kaun kaun si nemath ko jhutlaoge

un duno mein se moti aur monge baraamadh hote hai

phir tum apne rab ki kis kis nemath ko jhutlaoge

aur Allah hee ki (milkiyath mein) hai wo jahaaz jo samandaro mein pahaad ki tarah bulandh (chale phir rahe) hai

pas (aye insaano aur jino!) tum apne rab ki kis kis nemath ko jhutlaoge

zameen par jo hai sab fanaah hone waale hai

sirf tere rab ki zaath jo azmath aur izzath waali hai baaqi reh jayegi

phir tum apne rab ki kis kis nemath ko jhutlaoge

sab asmaan wa zameen waale osi se maangte hai, har roz wo ek shaan mein hai

phir tum apne rab ki kis kis nemath ko jhutlaoge

(jino aur insaano ke gruho) an-qareeb hum tumhaari taraf puri tarah mutawajjeh ho jayenge

phir tum apne rab ki kis kis nemath ko jhutlaoge

aye gruh jinnaath wa insaan! agar tum mein asmaano aur zameen ke kinaaro se baaher nikal jaane ki taaqath hai to nikal bhaago, baghair ghalba aur taaqath ke tum nahi nikal sakte

phir apne rab ki kis kis nemath ko jhutlaoge

tum par aag ke shole aur dhuwa choda jayega, phir tum muqaabla na kar sakoge

phir apne rab ki nemato mein se kis kis nemath ko jhutlaoge

pas jab ke asmaan phat kar surq ho jaaye, jaise ke surq chamda

pas tum apne rab ki kis kis nemath ko jhutlaaoge

us din kisi insaan aur kisi jin se us ke gunaaho ki pursish na ki jayegi

pas tum apne rab ki kis kis nemath ko jhutlaaoge

gunaahgaar sirf hulye se hee pehchaan liye jayenge aur un ki peshaaniyo ke baal aur khadam pakad liye jayenge

pas tum apne rab ki kis kis nemath ko jhutlaoge

ye hai wo jahannam jise mujrim jhuta jaante thein

us ke aur khaulte hoye garam paani ke darmiyaan chakkar khayenge

pas tum apne rab ki kis kis nemath ko jhutlaaoge

aur us shaqs ke liye jo apne rab ke saamne khada hone se dara, do jannate hai

pas tum apne rab ki kis kis nemath ko jhutlaoge

(duno jannate) bahuth si tehniyo aur shaaqo waali hai

pas tum apne rab ki kis kis nemath ko jhutlaoge

un duno (jannato) mein do behte hoye chashme hai

pas tum apne rab ki kis kis nemath ko jhutlaoge

un duno jannato mein har qism ke mewo ki do qisme hongi

phir tum apne rub ki kis kis nemath ko jhutlaoge

jannati aisi farsho par takya lagaaye hoye honge, jin ke astar dabeez resham ke honge, aur un duno jannato ke mewe bilkul qareeb honge

pas tum apne rab ki kis kis nemath ko jhutlaoge

wahaa (sharmili) nichi nigaah waali hore hai jinhe un se pehle kisi jin wa ins ne haath nahi lagaya

pas apne paalne waale ki kis kis nemath ko jhutlaoge

wo hore misl yaqooth aur moonge ke hongi

pas tum apne parvardigaar ki kis kis nemath ko jhutlaoge

ehsaan ka badhla ehsaan ke siva kya hai

pas apne rab ki kis kis nemath ko jhutlaoge

aur un ke siva do jannate aur hai

pas tum apne parvarish karne waale ki kis kis nemath ko jhutlaoge

jo duno gehri sabz siyaahi maayel hai

bataao ab apne parvardigaar ki kis kis nemath ko jhutlaaoge

un mein do (josh se) ubalne waale chashme hai

phir tum apne rab ki kaun kaun si nemath ko jhutlaoge

un duno mein mewe aur khajoor aur anaar honge

kya ab bhi rab ki kisi nemath ki takzeeb tum karoge

un mein nek seerath khubsurath aurte hai

pas tum apne rab ki kis kis nemath ko jhutlaaoge

(gori rangath ki) hore jannati khimo mein rehne waaliya hai

pas (aye insaano aur jino) tum apne rab ki kis kis nemath ko jhutlaoge

un ko haath nahi lagaaya kisi insaan ya jin ne, is se qabl

pas apne parvardigaar ki kaun kaun si nemath ke saath tum takzeeb karte ho

sabz masnado aur umdah farsho par takya lagaaye hoye honge

pas (aye jino aur insaano!) tum apne rab ki kis kis nemath ko jhutlaoge

tere parvardigaar ka naam ba barkath hai jo izzath wa jalaal waala hai