Urdu - Chapter 67 - Al-Mulk

Translation by Muhammad Junagarhi, Muhammad Kazim — Permalink

Verse 1 — Surah Al-Mulk 67:1

bahuth ba barkath hai wo (Allah) jis ke haath mein badshaahi hai aur jo har cheez par khudrath rakhne waala hai

Verse 2 — Surah Al-Mulk 67:2

jis ne mauth aur hayaath ko is liye paida kiya, tumhe azmaaye, ke tum mein se acche kaam kaun karta hai aur wo ghaaleb (aur) baqshne waala hai

View verse 67:2 page →Raw JSON

Verse 3 — Surah Al-Mulk 67:3

jis ne saath asmaan upar ta-le banaaye (to aye dekhne waale) Allah rahmaan ki paidaayish mein koyi be-zaab-tagi na dekhega, dubaara (nazre daal kar) dekh le, kya koyi shigaaf bhi nazar aa raha hai

View verse 67:3 page →Raw JSON

Verse 4 — Surah Al-Mulk 67:4

phir duhra kar do do baar dekh le, teri nigaah teri taraf zaleel wa (aajiz) ho kar thaki hoyi laut aayegi

View verse 67:4 page →Raw JSON

Verse 5 — Surah Al-Mulk 67:5

beshak hum ne asmaan dunya ko chiraagho (sitaaro) se araasta kiya aur unhe shaitaano ke maarne ka zariya bana diya aur shaitaano ke liye hum ne (dozakh ka jalaane waala) azaab tayyaar kar diya

View verse 67:5 page →Raw JSON

Verse 6 — Surah Al-Mulk 67:6

aur apne rab ke saath kufr karne waalo ke liye jahannam ka azaab hai aur wo kya hee buri jageh hai

View verse 67:6 page →Raw JSON

Verse 7 — Surah Al-Mulk 67:7

jab us mein ye daale jayenge, to us ki badi zoor ki awaaz sunenge aur wo josh maar rahi hogi

View verse 67:7 page →Raw JSON

Verse 8 — Surah Al-Mulk 67:8

qareeb hai ke (abhi) ghusse ke maare phat jaaye, jab kabi us mein koyi gruh daala jayega, us se jahannam ke daarogha pochenge ke kya tumhaare paas daraane waala koyi nahi aaya tha

View verse 67:8 page →Raw JSON

Verse 9 — Surah Al-Mulk 67:9

wo jawaab denge ke beshak ayaa tha, lekin hum ne ose jhutlaaya aur hum ne kaha ke Allah ta’ala ne kuch bhi naazil nahi farmaaya, tum bahuth badi gumraahi mein hee ho

View verse 67:9 page →Raw JSON

Verse 10 — Surah Al-Mulk 67:10

aur kahenge ke agar hum sunte hote ya aqal rakhte hote, to dozakhiyo mein (shareek) na hote

View verse 67:10 page →Raw JSON

Verse 11 — Surah Al-Mulk 67:11

pas unhone apne jurm ka eqbaal kar liya, ab ye dozakhi dafa ho (door ho)

View verse 67:11 page →Raw JSON

Verse 12 — Surah Al-Mulk 67:12

beshak jo log apne parvardigaar se ghayebaana taur par darte rehte hai un ke liye baqshish hai aur bada sawaab hai

View verse 67:12 page →Raw JSON

Verse 13 — Surah Al-Mulk 67:13

tum apni baatho ko chupaao ya zaaher karo, wo to sino ki poshidgiyo ko bhi ba-qoobi jaanta hai

View verse 67:13 page →Raw JSON

Verse 14 — Surah Al-Mulk 67:14

kya wahi na jaane jis ne paida kiya? phir wo bareek been aur ba-qabar bhi ho

View verse 67:14 page →Raw JSON

Verse 15 — Surah Al-Mulk 67:15

wo zaath jis ne tumhaare liye zameen ko pasth wa muti kar diya ta ke tum us ki raaho mein chalte phirte raho aur Allah ki roziya khaao (piyo) osi ki taraf (tumhe) ji kar uth khada hona hai

View verse 67:15 page →Raw JSON

Verse 16 — Surah Al-Mulk 67:16

kya tum is baath se be-khauf ho gaye ho ke asmaano waala tumhe zameen mein dhasa de aur achaanak zameen larazne lage

View verse 67:16 page →Raw JSON

Verse 17 — Surah Al-Mulk 67:17

ya kya tum us baath se nidar ho gaye ho ke asmaano waala tum par patthar barsaade? phir to tumhe maloom ho hee jayega ke mera daraana kaisa tha

View verse 67:17 page →Raw JSON

Verse 18 — Surah Al-Mulk 67:18

aur un se pehle logo ne bhi jhutlaaya tha, to dekho un par mera azaab kaisa kuch hoa

View verse 67:18 page →Raw JSON

Verse 19 — Surah Al-Mulk 67:19

kya ye apne upar, par khole hoye aur (kabhi kabhi) simte hoye (odne waale) parindo ko nahi dekhte, unhe (Allah) rahmaan hee (hawa wa fiza mein) thaame hoye hai, beshak har cheez us ki nigaah mein hai

View verse 67:19 page →Raw JSON

Verse 20 — Surah Al-Mulk 67:20

sivaaye Allah ke tumhaara wo kaun sa lashkar hai jo tumhaari madad kar sa ke, kaafir to saraasar dhuke hee mein hai

View verse 67:20 page →Raw JSON

Verse 21 — Surah Al-Mulk 67:21

agar Allah ta’ala apni rozi rok le to bataao kaun hai jo phir tumhe rozi dega? balke (kaafir) to sarkashi aur bidakne par ad gaye hai

View verse 67:21 page →Raw JSON

Verse 22 — Surah Al-Mulk 67:22

accha wo shaqs zyaada hidaayath waala hai jo apne mu ke bal aundha ho kar chale ya wo jo sidha (pairo ke bal) raahe raasth par chala ho

View verse 67:22 page →Raw JSON

Verse 23 — Surah Al-Mulk 67:23

keh dijiye ke wahi (Allah) hai jis ne tumhe paida kiya aur tumhaare kaan aankhe aur dil banaaye, tum bahuth hee kam shukr guzaari karte ho

View verse 67:23 page →Raw JSON

Verse 24 — Surah Al-Mulk 67:24

keh dijiye! ke wahi hai jis ne tumhe zameen mein phayla diya aur us ki taraf tum ekhatte kiye jaoge

View verse 67:24 page →Raw JSON

Verse 25 — Surah Al-Mulk 67:25

(kaafir) pochte hai ke wo waada kab zaaher hoga, agar tum sacche ho (to bataao)

View verse 67:25 page →Raw JSON

Verse 26 — Surah Al-Mulk 67:26

aap keh dijiye ke us ka ilm to Allah hee ko hai, main to sirf khule taur par agaah kar dene waala hoon

View verse 67:26 page →Raw JSON

Verse 27 — Surah Al-Mulk 67:27

jab ye log us waadee ko qareeb tar pa lenge, us waqth un kaafiro ke chehre bigad jayenge aur keh diya jayega ke yahi hai jise tum talab kiya karte thein

View verse 67:27 page →Raw JSON

Verse 28 — Surah Al-Mulk 67:28

aap keh dijiye! accha agar mujhe aur mere saathiyo ko Allah ta’ala halaak karde ya hum par rahem kare, (beher surath ye to bataao) ke kaafiro ko dard naak azaab se kaun bachayega

View verse 67:28 page →Raw JSON

Verse 29 — Surah Al-Mulk 67:29

aap keh dijiye! ke wahi rahmaan hai, hum to us par imaan la chuke aur osi par hamaara bharosa hai, tumhe an-qareeb maloom ho jayega ke sarih gumraahi mein kaun hai

View verse 67:29 page →Raw JSON

Verse 30 — Surah Al-Mulk 67:30

aap keh dijiye! ke accha ye to bataao ke, agar tumhaare (pine ka) paani zameen mein utar jaaye to kaun hai jo tumhaare liye nithra hoa paani laaye

View verse 67:30 page →Raw JSON