Urdu - Chapter 74 - Al-Muddaththir

aye kapda udne waale

khada ho ja aur agaah karde

apne kapdo ko paak rakha kar

na paaki ko chohd de

aur ehsaan kar ke zyaada lene ki qaahish na kar

aur apne rab ki raah mein sabr kar

pas jab ke soor mein phok maari jaayegi

to wo din bada saqt din hoga

(jo) kaafiro par asaan na hoga

mujhe aur ise chohd de, jise main ne akela payda kiya hai

aur ose bahuth sa maal de rakha hai

aur haazir baash farzandh bhi

aur main ne ose bahuth kuch kushaadgi de rakhi hai

phir bhi us ki chaahath hai ke main ose aur zyaada doon

nahi nahi, wo hamaari aayato ka muqaalif hai

an-qareeb main ose ek saqth chadaayi chadaonga

us ne ghaur kar ke tajweez ki

ose halaakath ho kaisi (tajweez) sonchi

wo phir ghaarath ho, kis tarah andaaza kiya

us ne phir dekha

phir tewri1 chadaayi aur mu banaya

phir bhi piche hat gaya aur ghuroor kiya

aur kehne laga ye to sirf jaadu hai jo naql kiya jaata hai

sivaaye insaani kalaam ke, kuch bhi nahi

main an-qareeb ose dozakh mein dalonga

aur tujhe kya qabar ke dozakh kya cheez hai

na wo baaqi rakhti hai na chohdti hai

qaal ko jhulsa deti hai

aur us mein unnis(19) (farishte muqarrar) hai

hum ne dozakh ke daaroghe sirf farishte rakhe hai aur hum ne un ki tedaadh sirf kaafiro ki azmaayesh ke liye muqarrar ki hai, ta ke ahle kitaab yaqeen karle aur ahle imaan ke imaan mein izaafa ho jaaye aur ahle kitaab aur ahle imaan shak na kare aur jin ke dilo mein bimaari hai, wo aur kaafir kahe ke is bayaan se Allah ta’ala ki kya muraad hai? isi tarah Allah ta’ala jise chaahta hai gumraah karta hai aur jise chaahta hai hidaayath deta hai, tere rab ke lashkaro ko us ke siva koyi nahi jaanta, ye tawakkal bani aadam ke liye saraasar pandh wa nasihath hai

sach kehta hoon, qasam hai chaandh ki

aur raath ki jab wo piche ha-te

aur subah ki jab ke roushan ho jaaye

ke (yaqinan jahannam) badi chizo mein se ek hai

bani aadam ko daraane waali

(yani) ose, jo tum mein se aage badna chaahe ya piche hatna chaahe

har shaqs apne amaal ke badhle mein girvi hai

magar daaye haath waale

ke wo bahishto mein baithe hoye gunehgaaro se

sawaal karte honge

tumhe dozakh mein kis cheez ne daala

wo jawaab denge ke hum namaazi na thein

na miskino ko khaana khilaate thein

aur hum behez karne waale (inkaariyo) ka saath de kar behes mubahese mein mashghool raha karte thein

aur roze jaza ko jhutlaate thein

yahaa tak ke hamein mauth aa gayi

pas unhe sifaarish karne waalo ki sifaarish nafa na degi

unhe kya ho gaya hai? ke nasihath se mu mod rahe hai

goya ke wo bidhke hoye ghadhe hai

jo sher se bhaage ho

balke un mein se har shaqs chaahta hai ke, ose khuli hoyi kitaabe di jaaye

har giz aisa nahi (ho sakta balke) ye qayaamath se be-khauf hai

sacchi baath to ye hai ke ye (Qur’aan) ek nasihath hai

ab jo chaahe is se nasihath haasil kare

aur wo us waqt nasihath haasil karenge, jab Allah ta’ala chaahe, wo osi laayeq hai ke us se dare aur us laayeq bhi ke wo baqshe