Urdu - Chapter 83 - Al-Mutaffifin

badi qaraabi hai naap tool mein kami karne waalo ki

ke jab logo se naap kar lete hai to pura pura lete hai

aur jab unhe naap kar ya tool kar dete hai to kam dete hai

kya unhe apne marne ke baadh ji uthne ka qayaal nahi

us azeem din ke liye

jis din sab log rabbul aalameen ke saamne khade honge

yaqinan badh kaaro ka naame amaal sijjiyyeen mein hai

tujhe kya maloom sijjiyyeen kya hai

(ye to) likhi hoyi kitaab hai

us din jhutlaane waalo ki badi qaraabi hai

jo jaza wa saza ke din ko jhutlaate rahe

ose sirf wahi jhutlaata hai, jo hadh se aage nikal jaane waala (aur) gunehgaar hota hai

jab us ke saamne hamaari aayate padi jaati hai to keh deta hai ke ye aglo ke afsaane hai

yo nahi, balke un ke dilo par un ke amaal ki wajeh se zang (chad gaya) hai

har giz nahi, ye log us din apne rab se oot1 mein rakhe jayenge

phir ye log bil yaqeen jahannam mein jhonke jayenge

phir keh diya jayega, yahi hai wo, jise tum jhutlaate rahe

yaqinan yaqinan, neko kaaro ka naame amaal, illiyyeen mein hai

tujhe kya pata ke illiyyeen kya hai

(wo to) likhi hoyi kitaab hai

muqarrab (farishte) us ka mushaa’heda karte hai

yaqinan nek log (badi) nemato mein honge

masehriyo par baithe dekh rahe honge

tu un ke chehro se hee nemato ki taro taazgi pehchaan lega

ye log sar ba muhar qaalis sharaab pilaaya jayenge

jis par mushk ki muhar hogi, sabqath le jaane waalo ko isi mein sabqath karni chahiye

aur us ki aamezish tasneem ki hogi

(yaani) wo chashma jis ka paani muqarrab log piyenge

gunehgaar log imaan waalo ki hasi udaaya karte thein

aur un ke paas se guzarte hoye, aapas mein aankh ke ishaare karte thein

aur jab apne waalo ki taraf lauthte, to dil lagiyaa karte thein

aur jab unhe dekhte to kehte yaqinan ye log gumraah (be-raah) hai

pas aaj imaan waale un kaafiro par hasenge

taqto par baithe dekh rahe honge

ke ab un munkiro ne jaisa ye karte thein, pura pura badhla pa liya