Urdu - Chapter 84 - Al-Inshiqaq

jab asmaan phat jayega

aur apne rab ke hukm par kaan lagaayega aur osi ke laayeq wo hai

aur jab zameen (kheench kar) phaayla di jayegi

aur us mein jo hai ose wo ugal degi aur khaali ho jayegi

aur apne rab ke hukm par kaan lagayegi aur osi ke laayeq wo hai

aye insaan! tu apne rab se milne tak, ye koshish aur tamaam kaam, mehnate kar ke, us se mulaqaath karne wala hai

to (us waqt) jis shaqs ke daahne haath mein amaal naama diya jayega

us ka hisaab to badi asaani se liya jayega

aur wo apne ahal ki taraf hasi khushi laut ayega

haan jis shaqs ka amaal naama us ki peet ke piche se diya jayega

to wo mauth ko bulaane lagega

aur bhadakti hoyi jahannam mein dakhil hoga

ye shaqs apne mutaalleqeen mein (dunya mein) khush tha

us ka qayaal tha ke Allah ki taraf laut kar hee na jayega

kyo nahi, halaan ke us ka rab ose ba qoobi dekh raha tha

mujhe shafaq1 ki qasam! aur raath ki

aur us ki jama karda chizo ki qasam

aur chaandh ki jab ke wo, kaamil ho jaata hai

yaqinan tum ek haalath se dosri haalath par pahonchoge

unhe kya ho gaya hai ke imaan nahi laate

aur jab un ke paas Qur’aan pada jaata hai to sajda nahi karte

aur Allah ta’ala qoob jaanta hai, jo kuch ye dilo mein rakhte hai

unhe alm’naak azaabo ki khush qabri suna do

haan imaan waalo aur nek amaal waalo ko be’shumaar aur na qatam hone waala ajr hai