Urdu - Chapter 51 - Adh-Dhariyat

qasam hai bikherney waliyan ki ura ker

Phir chalney waliyan narmi say

Phir kaam ko taqseem kerney waliyan

Yaqeen mano kay tum say jo wadey kiye jatay hain (sab) sachay hain

Aur be-shak insaf honey walahai

Qasam hai raahon walay aasman ki

Yaqeenan tum mukhtalif baat mein paray huye ho

Iss say wohi baaz rakha jatahai jo pher diya gaya ho

Bey savad baten kerney walay gharat kerdiye gayr

Jo ghaflat mein hain aur bhoolay huye hain

Poochtey hain kay yom-e-jaza kab hoga

han yeh woh din hai kay yeh aag per tapaye jayen gey

Apni fitna-perdazi ka maza chakho yehi hai jiss ki tum jaldi macha rahey thay

Be-shak taqwa walay log bahishton aur chashmon mein hongey

unn kay rab ney jo kuch unhen ata farmaya hai ussay ley rahey hongey woh to iss say pehlay hi nekokaar thay

Woh raat ko boht kum soya kertay thay

Aur waqt-e-sahar istaghfaar kiya kertay thay

Aur unkay maal mein mangney walon ka aur sawal say bachney walon ka haq tha

Aur yaqeen walon kay liye to zamin mein boht si nishaniyan hain

Aur khud tumhari zaat mein bhi to kiya tum dekhtay ho

Aur tumhari rozi aur jo tum say wada kiya jata hai sab aasman mein hai

Aasman-o-zamin kay perwerdigar ki qasam! kay yeh bilkul barhaq hai aisa hi jaisay kay tum baten kertay ho

Kiya tujhay ibrahim(alh-e-salam)kay moazziz mehmanon ki khabar bhi phonchi hai

Woh jab unkay han aaye to salam kiya ibrahim ney jawab-e-salam diya(aur kaha yeh to) ajnabi log hain

Phir (Chup chaap jaldi jaldi) apney ghar walon ki taraf gaye aur aik farba bachrey (ka gosht) laye

Aur issay unkay passrakha aur kaha aap khatay kiyon nahi

phir to dil hi dil mein unn say khofzada hogaye. unhon ney kaha aap khof na kijiye aur unhon ney uss (hazrat Ibrahim) ko aik ilm walay larkay ki bisharat di

Pus unki biwi aagay barhi aur heyrat mein aaker apney mun per hath maar ker kaha kay mein to burhiya hun aur sath hi banjh

Unhon ney kaha han teray perwerdigar ney issi tarah farmaya hai. be-shakwoh hakeem-o-aleem hai

(Hazrat Ibrahim alh-e-salam) ney kaha kay Allah kay bhejay huye (farishton!)tumhara kiya maqsad hai

Unhon ney jawab diya kay hum gunagar qom ki taraf bhejay gaye hain

Takay hum unn per kitti kay kankar barsayen

Jo teray rab ki taraf say nishan zada hain unn had say guzar janay walon kay liye

Pus jitney eman walay wahan thay hum ney unhen nikal liya

Aur hum ney wahan musalmanon ka sirf aik hi ghar paya

Aur wahan hum ney unkay liye jo dardnaak azab ka darr rakhtey hain aik(kamil) alamat chori

Musa(alh-e-salam kay qissay) mein (bhi humari taraf say tanbeeh hai) kay hum ney ussay firaon ki taraf khuli daleel dey ker bheja

Pus uss ney apney balbootay per mun mora aur kehney laga yeh jadoogar hai ya deewana hai

Bil-aakhir hum ney ussay aur uss kay lashkaron ko apney azab mein pakar ker darya mein daal diya woh tha hi malamat kay qabil

Iss tarah aadiyon mein bhi (humari taraf say tanbeeh hai) jabkay hum ney unn say khali aandhi bheji

Woh jiss jiss cheez per girti thi ussay boseedah hadi ki tarah (choora choora) kerdeti thi

Aur samood (kay qissay) mein bhi (ibrat) hai jab unsay kaha gaya kay tum kuch dino tak faeedah uthalo

Lekin unhon ney apney rab kay hukum say sirtabi ki jiss per unhen unkay dekhtay dekhtay (tez-o-tund) karakay ney halak kerdiya

Pus na woh kharay hosakay aur na badla ley sakay

Aur Nooh(alh-e-salam) ki qom ka bhi iss say pehlay (yehi haal ho chuka tha) woh bhi baray nafarman log thay

Aasman ko hum ney (apney) hathon say banaya hai aur yaqeenan hum kushadgi kernay walay hain

Aur zamin ko hum ney farsh banadiya hai pus hum boht hi achay bichanay walay hain

Aur her cheez ko hum ney jora jora peda kiya hai takay tum naseehat hasil kero

Pus tum Allah ki taraf dor bhag (yani rujoo) kero yaqeenan main tumhen uss ki taraf say saaf saaf tanbeeh kernay wala hun

Aur Allah kay sath kissi aur ko mabood na therao. be-shak mein tumhen uss ki taraf say khula daraney wala hun

Issi tarah jo log inn say pehlay guzray hain unkay pass jo bhi rasool aaya unhon ney keh diya ya to yeh jadoogar hai ya deewana hai

Kiya yeh iss baat ki aik doosray ko wassiyat kertay gaye hain

(Nahi) bulkay yeh sab kay sab sirkash hain to app inn say mun pher len. aap per koi malamat nahi

Aur naseehat kertay rahen yaqeenan yeh naseehat eman walon ko nafa degi

Mein ney jinnat aur insanon ko mehaz issi liye peda kiya hai kay woh sirf meri ibadat keren

Na mein inn say rozi chchta hun na meri yeh chahat hai kay yeh mujhay khilayen

Allah taalaa to khud hi sab ka rozi rasan tawanaee wala aur zor awar hai

Pus jin logon ney zulm kiya hai unhen bhi unkay sathiyon kay hissay kay nuisil hissa mileyga lehaza woh mujh say jaldi talab na keren

Pus kharabi hai munkiron ko unkay uss din ki jiss ka wada diye jatay hain