Urdu - Chapter 55 - Ar-Rahman

Rehman ney

Quran sikhaya

Ussi ney insan ko peda kiya

Aur ussay bolna sikhaya

Aftab aur mahtab (muqarra) hisab hain

Aur sitaray aur darakht dono sajdah kertay hain

Ussi ney aasman ko buland kiya aur ussi ney tarazoo rakhi

Takay tum tolnay mein tajawuzz na kero

Insaf kay sath wazan ko theek rakho aur tol mein kum na do

Aur ussi ney makhlooq kay liye zameen bichadi

Jiss mein meway hain aur khoshay walay khajoor kay darakht hain

Aur bhuss wala anaj hai aur khushboodar phool hain

Pus (aey insano aur jinno!) tum apney perwerdigaar ki kiss kiss nemat ko jhutlao gey

Uss ney insan ko bajney wali mitti say peda kiya jo theekri ki tarah thi

Aur jinnaat ko aag kay sholay say peda kiya

Pus tum apney rab ki kiss kiss nemat ko jhutlao gey

Woh rab hai dono mashriqon aur dono maghribon ka

To(aey jinno aur insano) tum apney rab ki kiss kiss nemat ko jhutlao gey

Uss ney do darya jaari kerdiye jo aik doosray say nil jaatay hain

Inn dono mein aik aar hai kay uss say barh nahi saktay

Pus apney perwerdigaar ki kon kon si nemat ko jhutlao hey

Inn dono mein say miti aur mongey baraamad hotay hain

Phir tum apney rab ki kiss kiss nemat ko jhutlao gey

Aur Allah hi ki (milkiyat mein) hain woh jahaaz jo samandaron mein pahaar ki tarah buland (chal phir rahey) hain

Pus (aey insano aur jinno!) tum apney rab ki kiss kiss nemat ko jhutlao gey

Zamin per jo hain sab fana honay walay hain

Sirf teray rab ki zaat jo azmat aur izzat wali hai baqi reh jayegi

Phir tum apney rab ki kiss kiss nemat ko jhutlao gey

Sab aasman-o-zamin walay ussi say maantay hain her roz woh aik shaan mein hai

Phir tum apney rab ki kiss kiss nemat ko jhutlao gey

(Jinno aur insanon kay giroho!) unqareeb hum tumhari taraf poori tarah mutawajja hojayen gey

Phir tum apney rab ki kiss kiss nemat ko jhut ao gey

Aey giroh-e-jinnaat-o-insan! zamin kay kinaron say bahir nikal janay ki taqat hai to nikal bhago! baghair ghalba aur taqat kay tum nahi nikal saktay

Phir apney rab ki kiss kiss nemat ko jhutlao gey

Tum per aag kay sholay aur dhuwan chora jayega phir tum muqabla na ker sako gey

Phir apney rab ki nematon mein say kiss kiss nemat ko jhutlao gey

Pus jabkay aasman phat ker surkh hojaye jaisay kay surkh chamra

Pus tum apney rab ki kiss kiss nemat ko jhutlao gey

Uss din kissi insan aur kissi jinn say uss kay gunahon ki pursish na ki jayegi

Gunahgaar sirf huliye say hi pehchan liye jayen gey aur unki peshaniyon kay baal aur qadam pakar liye jayen gey

Pus tum apney rab ki kiss kiss nemat ko jhutlao gey

Yeh hai woh jahannum jissay mujrim jhoota jaantay thay

Uss kay aur kholtay huye garum paani kay darmiyan chakkar khayen gey

Pus tum apney rab ki kiss kiss nemat ko jhutlao gey

Aur uss shaks kay liye jo apney rab kay samnay khara honay say dara do jannaten hain

Pus tum apney rab ki kiss kiss nemat ko jhutlao gey

(Dono jannaten) boht si tehniyon aur shakhon wali hain

Pus tum apney rab ki kiss kiss nemat ko jhutlao gey

Inn dono (jannaton) mein behtay huye chashmay hain

Pus tum apney rab ki kiss kiss nemat ko jhutlao gey

Inn dono jannaton mein her qisam kay mewon ki do qismen hongi

Phir tum apney rab ki kiss kiss nemat ko jhutlao gey

Jannati aisay farashon per takkiya lagaye huye hongay jinkay astar dabeez resham kay hongay aur inn dono jannaton kay meway bilkul qareeb hongay

Pus tum apney rab ki kiss kiss nemat ko jhutlaogey

Wahan (sharmeeli) neechi nigah wali hooren hain jinhen unn say pehlay kissi jinn-o-ins ney hath nahi lagaya

Pus apney paalnay walay ki kiss kiss nemat ko jhtlao gey

Woh hooren misil yaqoot aur mongay kay hongi

Pus tum apney perwerdigaar ki kiss kiss nemat ko jhutlao gey

Ehsan ka badla ehsan kay siwa kiya hai

Pus apney rab ki kiss kiss nemat ko jhutlao gey

Aur inn kay siwa do jannaten aur hain

Pus tum apney perwerish kernay walay ki kiss nemat ko jhutlao gey

Jo dono gehri sabz siyahi maeel hain

Batao abb apney perwerdigaar ki kiss kiss nemat ko jhtlao gey

Inn mein do(josh say) ubalnay walay chashmay hain

Phir tum apney rab ki kon konsi nemat ko jhutlao gey

Inn dono mein meway aur khajoor aur anaar hongay

Kiya abb bhi rab ki kissi nemat ki takzeeb tum kerogay

Inn mein nek seerat khoobsurat orten hain

Pus tum apney rab ki kiss kiss nemat ko jhutlao gey

(gori rangat ki) hooren jannati khemon mein rehnay waaliyah hain

Pus tum apney rab ki kiss kiss nemat ko jhutlao gey

Unnko hath nahi lagaya kissi insan ya jinn ney iss say qabal

Pus apney perwerdigaar ki kon konsi nemat ko jhtlao gey

Sabz masnadon aur undah farshon per takkiya lagaye huye hongay

Pus tum apney rab ki kiss kiss nemat ko jhutlao gey

Teray perwerdigar ka naam ba barkat hai jo izzat-o-jalal wala hai