Urdu - Chapter 74 - Al-Muddaththir

Aey kapra orhnay waly

Khara ho ja aur agah ker day

Aur apney rab hi ki baraiyan biyan ker

Apney kapron ko pak rakha ker

Na paki ko chor day

Aur ahsan ker kay ziyada lynay ki khuwaish na ker

Aur apney rab ki rah mein sabar ker

Pus jab kay sor mein phonk mari jaey gi

To wo din bara sakht din hoga

(jo) Kafiron per asan na hoga

Mujhy aur usay chor day jissy mein ney akela paida kiya hay

Aur issy bohat sa maal dy rakha hay

Aur hazir bash ferzand bhi

Aur mein ney ussy bohat kushadigi dy rakhi hay

Phir bhi uski chahat hay kay mein usy or ziyada don

Nahi nahi wo hamari ayaton ka mukhalif hy

an qareeb mein usy ik sakht charhai charhaon ga

Us ney ghor ker kay tajweez ki

Usy halakat ho kaisi(tajweez)sochi

Wo phir gharat ho kis tarah andaza kiya

Us ney phir dekha

Phir teweri char hai or mun banaya

Phir pechay hat gaya aur ghoroor kiya

Aur khynay laga yeh to sirf jado hay jo naqal kiya jata hay

Siwaey insani kalam kay kuch bhi nahi

aur tujhay kiya khaber kay dozakh kiya chez hay

Na wo baqi rakhti hay aur na chorti hay

Khal ko jholsa dyti hay

Aur is mein unnees(19)(farshtay mukarrar) hein

Hum ney dozakh kay daroghy say farishtay rakhein hein aur hum ney unki tadad sirf kafiron ki azmaish kay liye mukarrar ki hay takay ahl e kitab yaqeen ker lein.aur ahl e eman kay eman mein asafa ho jay aur ahl e kitab aur ahl e eman shak na kerien aur jin kay dilon mein bimari hay wo aur kafir kahein kay is biyan say Allah Talah jissy chata hay ghumrah kerta hay aur jissy chata hay hidayat dyta hay tery rab kay lashkaron ko us kay siwa koi nahi janta yeh to kul bani adam kay liye sar a sar pind o nasehat hay

Sach khyta hon qasam hay chand ki

Aur rat ki jab wo pechay hatay

Aur subha ki jab kay roshan hojaey

Kay (yaqeenan wo jahanum)bari chezon mein say ik hay

Bani adam ko daraney wali

(yani)ussayn jo tum mein say agay barhna chaey ya pechay hanta chaey

Her shaks apney amal kay badlay mein girwi hay

Magar daein hath walay

Kay wo baheshton mein (bethay hoy)gunehgaron say

Sawal kertay hongay

Tumhein dozakh mein kis chez ney dala

Wo jawab deingay kay hum namazi na thy

Na miskeeno ko khana khilatay thy

Aur hum bhas kernay waly(inkarion )ka sath dy ker bhas mubahisa mein mashghol raha kertay thy

Aur roz e jaza ko jhutlatay thy

Yahan tak kay humein mot agai

Pus inhein sifarish kernay walon ki sifarish nafa na dy gi

Inhein kiya hogaya hay?kay nasehat say mun mor rahy hein

Goya kay wo bidkay hoy gadhay hein

Jo sher say bhagaein hon

Balkay in mein say her shaks chata hay kay usay kholi hoi kitabein di jaein

Hergiz asa nahi (hosakta balkay)yeh qiyamat say bay khof hein

sachi bat to yeh hay kay yeh(quran)ik nasehat hay

Ab jo chahey issy nasehat hasil kery

Aur wo us waqat nasehat hasil kerein gay jab Allah Talah chahein wo issi laiq hein kay issy darein aur iss laiq bhi kay wo bakhshy