Urdu - Chapter 100 - Al-Adiyat

Translation by Muhammad Karam Shah Al Azhari — Permalink

قسم ہے تیز دوڑنے والے گھوڑوں کی جب وہ سینہ سے آواز نکالتے ہیں

پھر پتھروں سے آگ نکالتے ہیں سم مار کر

ل پھر اچانک حملہ کرتے ہیں صبح کے وقت

پھر اس سے گردوغبار اڑاتے ہیں۔

پھر اسی وقت (دشمن کے) لشکر میں گھس جاتے ہیں

بے شک انسان اپنے رب کا بڑا ناشکر گزار ہے

اور وہ اس پر (خود) گواہ ہے

اور بلاشبہ وہ مال کی محبت میں بڑا سخت ہے

کیا وہ اس وقت کو نہیں جانتا جب نکال لیا جائے گا جو کچھ قبروں میں ہے

اور ظاہر کردیاجائے گا جو سینوں میں (پوشیدہ) ہے

یقیناً ان کا رب ان سے اس روز خوب باخبر ہوگا