Urdu - Chapter 104 - Al-Humazah

Translation by Muhammad Karam Shah Al Azhari — Permalink

ہلاکت ہے ہر اس شخص کے لیے جو (روبرو ) طعنے دیتا ہے (پیٹھ پیچھے) عیب جوئی کرتا ہے

جس نے مال جمع کیا اور اسے گن گن کر رکھتا ہے

وہ یہ خیال کرتا ہے کہ اس کے مال نے اسے لافانی بنادیا ہے

ہر گز نہیں وہ یقیناً حطمہ میں پھینک دیا جائے گا

اور تم کیا جانو کہ حطمہ کیا ہے

وہ اللہ کی آگ ہے خوب بھڑکائی ہوئی

جو دلوں تک جا پہنچے گی

بے شک وہ (آگ) ان پر بند کردی جائے گی

(اس کے شعلے) لمبے لمبے ستونوں کی صورت میں ہوں گے