Urdu - Chapter 26 - Ash-Shuara

طا۔ سین۔ میم

یہ آیتیں ہیں روشن کتاب کی

(اے جان عالم!) شاید وہ ہلاک کر دیں گے اپنے رب کو اس غم میں کہ وہ ایمان نہیں لا رہے

اگر ہم چاہیں تو اتاریں ان پر آسمان سے کوئی نشانی پس ہو جائیں ان کی گردنیں اس کے آگے جھکی ہوئی

اور نہیں آیا کرتی ان کے پاس کوئی تازہ نصیحت الرحمن کی جانب سے مگر یہ کہ وہ اس سے منہ پھیر لیتے ہیں

تو بیشک انہوں نے تکذیب کی سو مل جائے گی انہیں اطلاع اس امر کی جس کے ساتھ وہ استہزاء کیا کرتے تھے

بیشک اس میں (انکے لیے قدرت الہی کی) نشانی ہے اور ان سے اکثر لوگ ایمان نہیں لائیں گے

اور بیشک آپ کا رب ہی سب پر غالب (اور) ہمیشہ رحم فرمانے والا ہے

اور یاد کرو جب ندا دی آپ کے رب نے موسیٰ کو (اور فرمایا) کہ جاؤ ظالم لوگوں کے پاس

یعنی قوم فرعون کے پاس۔ کیا وہ (قہر الہی سے) نہیں ڈرتے

آپ نے عرض کی میرے رب! میں ڈرتا ہوں کہ وہ مجھے جھٹلائیں گے

اور گھٹتا ہے میرا سینہ اور روانی سے نہیں چلتی میری زبان۔ سو (ازراہ کرم) وحی بھیج ہارون کی طرف

اور (تو جانتا ہے کہ) ان کا میرے ذمّہ ایک جرم بھی ہے اس لیے میں ڈرتا ہوں کہ وہ مجھے قتل کر ڈالیں گے ۔

اللہ نے فرمایا ایسا نہیں ہو سکتا۔ پس تم دونوں ہماری نشانیاں لے کر جاؤ ہم تمھارے ساتھ ہیں (اور ہر بات) سننے والے ہیں

سو دونوں جاؤ فرعون کے پاس اور اسے کہو ہم فرستادے ہیں رب العالمین کے

(ہم تمھیں کہتے ہیں) کہ بھیج دے ہمارے ساتھ (ہماری قوم) بنی اسرائیل کو

فرعون نے (یہ سنکر) کہا موسیٰ! کیا ہم نے تجھے پالا نہیں تھا اپنے یہاں جبکہ تو بچّہ تھا اور بسر کیے تو نے ہمارے پاس اپنی عمر کے کئی سال

اور تونے ارتکاب کیا اس فعل کا جس کا تو نے ارتکاب کیا اور تو بڑااحسان فراموش ہے

آپ نے جواب دیا میں نے ارتکاب کیا تھا اس کا اس وقت جبکہ میں نا واقف تھا

تو میں بھاگ گیا تھا تمھارے ہاں سے ۔ جبکہ میں تم سے ڈرا پس بخش دے مجھے میرے رب نے حکم، اور بنا دیا مجھے رسولوں سے

اور یہ نعمت ہے جس کا تو مجھ پر احسان جتلاتا ہے حالانکہ تو نے غلام بنا رکھا ہے بنی اسرائیل کو

فرعون نے پوچھا کیا حقیقت ہے رب العالمین کی ؟

آپ نے فرمایا (ربّ العالمین وہ ہے جو) مالک ہے آسمانوں اور زمین کا اور جو کچھ ان کے درمیان ہے اگر ہو تم یقین کرنے والے

فرعون نے اپنے ارد گرد بیٹھنے والوں سے کہا کیا تم سن نہیں رہے

آپ نے فرمایا وہ جو تمھارا بھی مالک ہے اور تمھارے پہلے باپ دادا کا بھی

فرعون بولا بلاشبہ تمھارا یہ رسول جو بھیجا گیا ہے تمھاری طرف یہ تو دیوانہ ہے

آپ نے (معاً) فرمایا جو مشرق و مغرب کا رب ہے اور جو کچھ ان کے درمیان ہے ، اگر تم کچھ عقل رکھتے ہو

اس نے (رُعب جماتے ہوئے ) کہا (یاد رکھو!) اگر تم نے میرے سوا کسی کو خدا بنایاتو میں تمھیں ضرور قیدیوں میں داخل کر دوں گا

فرمایا اگرچہ میں لے آؤں تیرے پاس ایک روشن چیز

اس نے کہا پھر پیش کرو اسے اگر تم سچے ہو

پس آپ نے ڈالا اپنا عصا تو اسی وقت وہ صاف اژدھا بن گیا

اور آپ نے باہر نکالا اپنا ہاتھ تو یک لخت وہ سفید ہو گیا دیکھنے والوں کے لیے

(یہ دیکھ کر ) فرعون نے اپنے آس پاس بیٹھنے والے درباریوں سے کہاواقعی یہ ماہر جادوگر ہے

ٰیہ چاہتا ہے کہ نکال دیں تمھیں اپنے ملک سے اپنے جادُو (کے زور) سے (اب بتاؤ) تمھاری کیا رائے ہے؟

بولے مہلت دو اسے اور اس کے بھائی کو اور بھیج دو شہروں میں ہر کارے

تا کہ وہ لے آئیں تیرے پاس (ملک کے کونہ کونہ سے) تمام ماہر جادوگر

الغرض جمع کر لیے گئے سارے جادُو گرمقررہ وقت پرایک خاص دن

اور کہہ دیا گیا لوگوں سے کیا تم (مقابلہ دیکھنے کے لیے) اکٹھے ہو گے؟

شاہد ہم پیروی کرتے رہیں جادُو گروں کی اگر وہ (مقابلہ میں) غالب آجائیں

جب حاضر ہوئے جادو گر تو انھوں نے فرعون سے پوچھا کیا ہمیں کوئی انعام بھی ملے گا اگر ہم (موسیٰ پر) غالب آجائیں؟

اس نے کہا ہاں ضرور ملے گا اور تم اس وقت میرے مقرّبوں میں شامل کر لیے جاؤ گے

موسیٰ نے انھیں فرمایا پھینکو جو تم پھینکنے والے ہو

تو انھوں نے پھینک دیں اپنی ساری رسیاں اور اپنی لاٹھیاں (میدان میں) اور (بڑے وثوق سے) کہا ناموس فرعون کی قسم! ہم ہی یقیناً غالب آئیں گے

پھر پھینکا موسیٰ نے اپنا سونٹا تو وہ یکا یک نگلنے لگ گیا جو فریب انھوں نے بنا رکھا تھا

پس (یہ معجزہ دیکھ کر) گر پڑے جادو گر سجدہ کرتے ہوئے

انھوں نے ( برملا) کہہ دیا ہم ایمان لے آئے رب العالمین پر

جو رب ہے موسیٰ اور ہارون کا

فرعون نے (خفّت مٹانے کے لیے) کہا تم تو ایمان لا چکے تھے اس پر اس سے پہلے کہ میں تمھیں مقابلہ کی اجازت دیتا۔ یہ تو تمھارا بڑا (گرو) ہے جس نے تمھیں سحر کا فن سکھایا ہے ابھی (اس سازش کا انجام) تمھیں معلوم ہو جائیگا میں ضرور کاٹ دوں گا تمھارے پاؤں اور تمھارے ہاتھ مخالف طرفوں سے اور میں تم سب کو سولی چڑھا دوں گا

انہوں نے جواب دیا ہمیں اس کی ذرا پروا نہیں ۔ ہم اپنے پروردگار کی طرف لوٹنے والے ہیں

ہمیں یہ امید ہے کہ بخش دے گا ہمارے لیے ہمارا رب ہماری خطائیں ۔ کیونکہ ہم (تیری قوم میں سے) پہلے ایمان لانے والے ہیں

اور ہم نے وحی کی موسیٰ کی طرف کہ راتوں رات (یہاں سے ) میرے بندوں کو لے جاؤ یقیناً تمھارا تعاقب کیا جائیگا

پس بھیجے فرعون نے سارے شہروں میں ہر کارے

(تاکہ لوگوں کو بتائیں) یہ لوگ ایک چھوٹی سے جماعت ہیں

اور انھوں نے ہمیں سخت برا فروختہ کر دیا ہے

(تا ہم فکر نہ کرو) ہم سب (ان کے متعلق) بہت محتاط ہیں

سو ہم نے نکالا انھیں (سر سبز) باغوں اور (بہتے ہوئے) چشموں

اور (بھرپور) خزانوں اور شاندار محلّات سے

ہم نے ایسا ہی کیا۔ اور ہم نے بنی اسرائیل کو ان تمام چیزوں کا وارث بنا دیا

پس وہ ان کے تعاقب میں نکلے اشراق کے وقت

پس جب ایک دوسرے کو دیکھ لیا دونوں گروہوں نے تو موسیٰ کے ساتھی کہنے لگے (ہائے) ہم تو یقیناً پکڑ لیے گئے

آپ نے فرمایا ہر گز نہیں ۔ بلاشبہ میرے ساتھ میرا رب ہے وہ ضرور میری رہنمائی فرمائے گا

سو ہم نے وحی بھیجی موسیٰ کی طرف کہ ضرب لگاؤ اپنے عصا سے سمندر کو تو سمندر پھٹ گیا اور ہو گیا پانی کا ہر حصّہ بڑے پہاڑ کی مانند

اور ہم نے قریب کر دیا وہاں دوسرے فریق کو

اور ہم نے بچا لیا (ان تند موجوں سے) موسیٰ علیہ السلام اور ان کے سب ہمراہیوں کو

پھر ہم نے غرق کر دیا دوسرے فریق کو

اس واقعہ میں (بڑی واضح) نشانی ہے۔ اور ان میں سے اکثر لوگ ایمان لانے والے نہیں

اور بےشک (اے حبیب!) آپ کا رب ہی سب پر غالب ہمیشہ رحم فرمانے والا ہے

اور آپ بیان فرمائیے ان کے سامنے ابراہیم کا قصّہ

جب آپ نے اپنے باپ سے اور اپنی قوم سے کہا کہ تم کس کی پرستش کرتے ہو

انہوں نے کہا ہم تو پوجتے ہیں بتوں کو اور ہم انہی کی پوجا میں ہر وقت منہمک رہتے ہیں

آپ نے پوچھا ( بھلا یہ بتاؤ) کیا وہ سنتے ہیں تمھاری آوازجب تم انھیں پکارتے ہو

یا وہ تمھیں (کچھ) نفع پہنچا سکتے ہیں یا ضرر پہنچا سکتے ہیں

انھوں نے (لا جواب ہو کر) کہا بلکہ ہم نے تو پایا اپنے باپوں کو کہ وہ یونہی کیا کرتے تھے

آپ نے فرمایا کیا تم نے دیکھ لیاان (کی بےبسی) کو جن کی تم پرستش کیا کرتے ہو

تم اور تمھارے گذشتہ آباؤاجداد

پس وہ سب میرے دشمن ہیں سوائے رب العالمین کے

جس نے مجھے پیدا فرمایا پھر (ہر قدم پر) وہ میری رہنمائی کرتا ہے

اور وہ مجھے کھلاتا بھی ہے اور مجھے پلاتا بھی ہے

اور جب میں بیمار ہوتا ہوں تو وہی مجھے صحت بخشتا ہے

اور وہ جو مجھے مارے گا ، پھر مجھے زندہ کریگا

اور جس سے میں امید رکھتا ہوں کہ وہ بخش دے گا میرے لیے میری خطا کو روز جزا کو

اے میرے رب! عطا فرمامجھے علم و عمل (میں کمال) اور ملا دے مجھے نیک بندوں کے ساتھ

اور بنا دے میرے لیے سچی ناموری آئندہ آنے والوں میں

اور بنا دے مجھے ان لوگوں سے جو نعمت والی جت کے وارث ہیں

اور بخش دے میرے باپ کو وہ گمراہ لوگوں میں سے ہے

اور نہ شرمسار کرنا مجھے جس روز لوگ قبروں سے اٹھائے جائیں گے

جس دن نہ مال کام آئے گا اور نہ بیٹے

مگر وہ شخص جو لے آیا اللہ تعالیٰ کے حضور قلب سلیم

اور قریب کر دی جائیگی جنت پرہیزگاروں کے لیے

اور ظاہر کر دی جائیگی دوزخ بہکنے والوں کے لیے

اور کہا جائیگا انہیں کہ کہاں ہیں وہ ج کی تم پوجا کرتے تھے

اللہ تعالیٰ کو چھوڑ کر ۔ کیا وہ تمھاری (کچھ ) مدد کر سکتے ہیں یا انتقام لے سکتے ہیں

پس اوندھے پھینک دیے جائیں گے اس میں وہ اور دوسرے گمراہ

اور ابلیس کی ساری فوجیں

وہ کہیں گے اس حال میں کہ وہ دوزخ میں باہم جھگڑ رہے ہوں گے

خدا کی قسم! ہم کھلی گمراہی میں گرفتا ر تھے

جب ہم تمھیں رب العالمین کے برابر بنائے ہوئے تھے

اور نہیں گمراہ کیا ہمیں مگر (ان نامی) مجرموں نے

تو (آج ) نہیں ہے ہمارا کوئی شفارشی

اور نہ کوئی غم خوار دوست

پس اگر ہمارے اختیار میں ہوتا (دنیا میں ) واپس جانا تو ہم اہل ایمان سے ہوتے

بیشک اس واقعہ میں عبرت کی نشانی ہے اور نہیں تھے ان میں سے اکثرلوگ ایمان لانے والے

اور (اے حبیب!) بیشک آپ کا رب ہی سب پر غالب، ہمیشہ رحم فرمانے والا ہے

جھٹلایا قوم نوح نے (اللہ کے) رسولوں کو

جب کہا انھیں ان کے بھائی نوح نے کیا تم ڈرتے نہیں ہو

بیشک میں تمھارے لیے رسول امین ہوں

پس اللہ تعالیٰ سے ڈرو اور میری فرمانبرداری کرو

اور میں نہیں طلب کرتا تم سے اس (تبلیغ) پر کوئی اجرت۔ میرا اجرا تو اللہ رب العالمین کے ذمّہ ہے

پس تم ڈرو اللہ سے اور میری پیروی کرو

انھوں نے کہا کیا ہم (قوم کے رئیس) ایمان لائیں تجھ پر حالانکہ تمھاری پیروی صرف گھٹیا لوگ کر رہے ہیں

آپ نے فرمایا مجھے کیا خبر کہ وہ کس نیت سے ایمان لائیں ہیں

ان کا حساب تو میرے رب کے ذمّہ ہے۔ اگر تمھیں (حقیقت کا) شعور ہے

اور نہیں ہوں میں دور بھگانے والا (غریب و مسکین ) مومنوں کو

نہیں ہوں میں مگر (عذاب سے ) صاف صاف ڈرانے والا

ان (مغروروں) نے کہا انے نوح! اگر تم باز نہ آئے (تو یاد رکھو) تمھیں ضرور سنگسار کر دیا جائے گا

آپ نے عرض کی میرے مالک! میری قوم نے تو مجھے جھٹلا دیا ہے

پس تو فیصلہ فرما دے میرے اور ان کے درمیان جو قطعی ہو اور (اپنے عذاب سے ) نجات دے مجھے اور جو میرے ساتھ ہیں اہل ایمان سے

پس ہم نے نجات دی انھیں اور جو آپ کے ہمراہ اس کشتی میں تھے جو کھچا کھچ بھری ہوئی تھی

پھر ہم نے غرق کی دیا اس کے بعد پیچھے رہ جانے والوں کو

یقیناً اس واقعہ میں بھی (عبرت کی ) نشانی ہے اور نہیں تھے ان میں سے اکثر لوگ ایمان لانے والے

اور بیشک آپ کا رب ہی سب پر غالب ، ہمیشہ رحم فرمانے والا ہے

جھٹلایا عاد نے (اپنے) رسولوں کو

جب فرمایا انھیں ان کے بھائی ہود نے کیا تم (خدا سے) نہیں ڈرتے

بیشک میں تمھارے لیے رسول امین ہوں

پس اللہ تعالیٰ سے ڈرو اور میری اطاعت کرو

اور میں نہیں طلب کرتا تم سے اس (خدمت) کا کوئی صلہ۔ میرا اجر تو اس پر ہے جو سارے جہانوں کا پالنے والا ہے

کیا تم تعمیر کرتے ہو ہر اونچے مقام پر ایک یاد گار بےفائدہ

اور اپنی رہائش کے لیے بناتے ہو مضبوط محلّات اس امید پر کہ تم ہمیشہ رہو گے

اور جب تم کسی پر گرفت کرتے ہو تو بڑے ظالم اور بےدرد بن کر

پس (اب تو) اللہ سے ڈرو اور میری اطاعت کرو

اور ڈرو اس ذات سے جس نے مدد کی ہے تمھاری ان چیزوں سے جن کو تم جانتے ہو

(یعنی ) اس نے مدد فرمائی ہے تمھاری مویشیوں اور فرزندوں سے

اور باغات اور چشموں سے

میں ڈرتا ہوں کہ تم پربڑے دن کا عذاب نہ آجائے

انہوں نے کہا یکساں ہے ہمارے لیے خواہ آپ نصیحت کریں یانہ ہوں آپ نصیحت کرنے والوں سے

نہیں ہے یہ (محلّات کا شوق) مگر ہمارے اسلاف کا دستور

(آپ فکر نہ کریں) ہمیں عذاب نہیں دیا جائیگا

پس انھوں نے آپ کو جھٹلایا اس لیے ہم نے انھیں ہلاک کر دیا بیشک اس میں بھی (عبرت کی) نشانی ہے اور نہیں تھے ان میں سے اکثر لوگ ایمان لانے والے

اور بیشک آپ کا رب ہی سب پر غالب ہمیشہ رحم فرمانیوالا ہے

جھٹلایا قوم ثمود نے رسولوں کو

جب کہا انھیں ان کے بھائی صالح نے کیا تم (قہر الہیٰ سے) نہیں ڈرتے

میں تمھارے لیے رسول امین ہوں

سو ڈرو اللہ تعالیٰ سے اور میری پیروی کرو

اور میں نہیں طلب کرتا تم سے اس پر کوئی معاوضہ۔ میرا معاوضہ تو رب العالمین کے ذمّہ ہے

کیا تمھیں رہنے دیا جائیگا اس (عیش و طرب ) میں جس میں تم یہاں ہو امن سے

ان باغات میں اور چشموں میں

اور (شاداب) کھیتوں میں اور کھجور کے درختوں میں جنکے شگوفے بڑے نرم و نازک ہیں

اور تراشتے رہو گے پہاڑوں میں گھر ماہر ( سنگتراش ) بنتے ہوئے

پس ڈرو اللہ تعالیٰ سے اور میری اتباع کرو

اور نہ پیروی کرو حد سے بڑھنے والوں کے حکم کی

جو فساد برپا کرتے رہتے ہیں زمین میں اور اصلاح کی کوشش نہیں کرتے

جواب ملا (اے صالح!) تم تو ان لوگوں میں سے ہو جن پر جادو کر دیا گیا ہے

نہیں ہو تم مگر ایک انسان ہماری مانند ورنہ لاؤ کوئی معجزہ اگر تم راست بازوں میں سے ہو

فرمایا یہ ایک اونٹنی ہے۔ ایک دن اس کے پانی پینے کی باری ہے اور ایک مقرر دن تمھاری باری ہے

اور نہ پہنچانا اسے کوئی اذیّت ورنہ آ لے گا تمھیں بڑے دن کا عذاب

ان (بدبختوں) نے اس کی کونچیں کاٹ دالیں پھر ہو گئے ندامت (و افسوس) کرنیوالے

پس آ لیا انھیں عذاب نے بیشک اس واقعہ میں بھی (عبرت کی ) نشانی ہے اور نہیں تھے ان میں سے اکثرلوگ ایمان لانے والے

اور بےشک آپ کا رب ہی عزیز رحیم ہے

جھٹلایا قوم لوط نے اپنے رسولوں کو

جب کہا ان سے ان کے بھائی لوط نے ، کیا تم (قہر الہٰی) سے نہیں ڈرتے؟

بیشک میں تمھارے لیے رسول امین ہوں

پس ڈرو اللہ تعالیٰ سے اور میری اطاعت کرو

اور میں نہیں مانگتا تم سے اس (تبلیغ) پر کوئی معاوضہ۔ میرا معاوضہ تو اس کے ذمّہ ہے جو رب العالمین ہے

کیا تم بد فعلی کے لیے جاتے ہو مردوں کے پاس ساری مخلوق سے

اور چھوڑ دیتے ہو جو پیدا کی ہیں تمھارے لیے تمھارے رب نے تمھاری بیویاں ۔ بلکہ تم حد سے بڑھنے والے لوگ ہو

وہ (غصّہ سے) کہنے لگے ( خاموش!) اے لوط! اگر تم اس سے باز نہ آئے تو تمھیں ضرور ملک بدر کر دیا جائیگا

آپ نے فرمایا (سُن لو) میں تمھارے اس (گندے) فعل سے بیزار ہوں

میرے مالک! نجات دے مجھے اور میرے اہل و عیال کو اس (کی شامت) سے جو وہ کرتے ہیں

سو ہم نے نجات دی اسے اور اس کے سب اہل کو

سوائے ایک بڑھیا کہ جو پیچھے رہنے والوں میں تھی

پھر ہم نے نام و نشان مٹا دیا دوسروں کا

اور ہم نے برسائی ان پر (پتھروں کی) بارش پس بڑی تباہ کن تھی وہ بارش جو برسی ان پر جنھیں ڈرایا گیا (اور وہ باز نہ آئے)

بیشک اس میں بھی (عبرت کی) نشانی ہے اور نہیں تھے ان میں سے اکثرلوگ ایمان لانے والے

اور بلاشبہ (اے محبوب!) آپ کا پروردگار ہی عزیز رحیم ہے

جھٹلایا اہل ایکہ نے بھی (اپنے ) رسولوں کو

جب فرمایا انھیں شعیب (علیہ السلام) نے کیا تم (قہر الہٰی سے) نہیں ڈرتے

بیشک میں تمھارے لیے رسول امین ہوں

پس ڈرو اللہ تعالیٰ سے اور میری پیروی کرو

اور میں نہیں طلب کرتا تم سے اس پر کوئی اجر۔ میرا جر تواس کے ذمّہ ہے جو سارے جہانوں کا پالنے والاہے

پورا کیا کرو ناپ اور نہ ہو جاؤ کم ناپنے والوں سے

اور وزن کیا کرو صحیح ترازو سے

اور نہ کم دیا کرو لوگوں کو ان کی چیزیں ، اور نہ پھرا کرو زمین میں فساد ربرپا کرتے ہوئے

اور ڈرو اس سے جس نے پیدا فرمایا تمھیں اور (تم سے) پہلی مخلوق کو

انھوں نے (جھلّا کر) کہا تم تو ان لوگوں میں سے ہو جن پر جادو کر دیا گیا ہے

اور نہیں ہو تم مگر ایک بشر ہماری مانند اور ہم تو تمھارے متعلق یہ خیال کر رہے ہیں کہ تم جھوٹوں میں سے ہو (ہم تمھاری بات نہیں مانتے)

لو اب گرا دو ہم پر آسمان کا کوئی ٹکڑا اگر تم راست بازوں میں سے ہو

آپ نے فرمایا میرا رب خوب جانتاہے جو تم کر رہے ہو

سو انھوں نے جھٹلایا شعیب ( علیہ السلام) کو تو پکڑ لیا انھیں چھتری والے دن کے عذاب نے بےشک یہبڑے دن کا عذاب تھا

بے شک اس میں بھی (عبرت) کی نشانی ہے اور نہیں تھے ان میں سے اکثرلوگ ایمان لانے والے

اور یقیناً آپکا رب ہی سب پر غالب ہمیشہ رحم فرمانے والاہے

اور بلاشبہ یہ کتاب رب العالمین کی اتاری ہوئی ہے

اترا ہے اسے لے کر روح الامین (یعنی جبرائیل ( علیہ السلام)

آپکے قلب (منیر) پر تاکہ بن جائیں آپ (لوگوں کو) ڈرانے والوں سے

یہ ایسی عربی زبان میں ہے جو بالکل واضح ہے

اور اس کا (ذکر خیر) پہلے لوگوں کی کتابوں میں بھی ہے

کیا نہیں تھی ان (مشرکین مکہ) کے لیے آپ کی سچائی کی یہ دلیل کہ جانتے ہیں آپ کو بنی اسرائیل کے علماء

اور اگر ہم اتارتے قرآن کو کسی غیر عربی پر

پھر وہ ان کو پڑھ کر سناتا تب بھی وہ ایمان لانے والے نہیں تھے

یونہی ہم نے داخل کر دی ہے انکار کی عادت مجرموں کے دلوں میں

وہ ایمان نہیں لائیں گے اس پر جب تک دیکھ نہ لیں درد ناک عذاب کو

سو وہ آئے گا ان پر اچانک اور انہیں اس (کی آمد) کا احساس ہی نہ ہو گا

تب (بصد حسرت) کہیں گے کیا ہمیں مزید مہلت ملے گی

کیا وہ اب ہمارے عذاب کے لیے جلدی مچا رہے ہیں

کیا تم نے کچھ غور کیا اگر ہم لطف اندوز ہونے دیں چند سال

پھر (یہ عرصہ گزرنے کے بعد) آئے ان پر وہ عذاب جس سے انھیں ڈرایا جاتا تھا

تو کیا نفع دینگے انھیں (اس وقت) وہ (سازو سامان) جن سے وہ لطف اندوز ہوتے رہتے تھے

اور نہیں ہلاک کیا ہم نے کسی بستی کو مگر اس کے لیے ڈرانے والے (بھیجے گئے) تھے

یاد دہانی کے لیے۔ اور ہم ظالم نہیں تھے

اور نہیں اترے اس قرآن کو لے کر شیاطین

اور نہ یہ ان کے لیے مناسب ہے اور نہ ہی وہ اس کی طاقت رکھتے ہیں

انھیں (شیطانوں کو) تو اس کے سننے سے بھی محروم کر دیا گیا ہے

پس نہ پکارا کر اللہ تعالیٰ کے ساتھ کسی اور خدا کو ورنہ تو ہو جائیگا ان لوگوں میں سے جنھیں عذاب دیا گیا ہے

اور آپ ڈرایا کریں اپنے قریبی رشتہ داروں کو

اور آپ نیچے کیا کیجیے اپنے پروں کو ان لوگوں کے لیے جو آپ کی پیروی کرتے ہیں اہل ایمان سے

پھر اگر وہ آپ کی نافرمانی کریں تو آپ فرما دیں میں بری الذمہ ہوں ان کاموں سے جو تم کیا کرتے ہو

اور بھروسہ کیجیے سب سے غالب ہمیشہ رحم کرنے والے پر جو

آپ کو دیکھتا رہتا ہے جب آپ کھڑے ہوتے ہیں

اور (دیکھتا رہتا ہے جب) آپ چکّر لگاتے ہیں سجدہ کرنیوالوں (کے گھروں) کا

بیشک وہی سب کچھ سننے والا جاننے والا ہے

کیا میں بتاؤں تمھیں کہ شیاطین کس پر اترتے ہیں

وہ اترتے ہیں ہر جھوٹ گھڑنے والے بدکار پر

یہ اپنے کان (شیطانوں کی طرف) لگائے رکھتے ہیں اور ان میں سے اکثر نرے جھوٹے ہیں

اور جو شعراء ہیں تو انکی پیروی حق سے بہکے ہوئے لوگ ہی کرتے ہیں

کیا تم نہیں دیکھتے کہ شعراء ہر وادی میں سر گرداں پھرتے رہتے ہیں

اور وہ کیا کرتے ہیں ایسی باتیں جن پر وہ خود عمل نہیں کرتے

بجز ان شعراء کے جو ایمان لے آئے اور انھوں نے نیک عمل کیے اور کثرت سے اللہ تعالیٰ کو یاد کرتے ہیں اور انتقام لیتے ہیں اس کے بعد کہ ان پر ظلم کیا گیا ۔ اور عنقریب جان لیں گے جنھوں نے ظلم و ستم کیے کہ وہ کس (بھیانک ) جگہ لوٹ کر آرہے ہیں