Urdu - Chapter 38 - Sad

ص قسم ہے قرآن ، سراپا نصیحت کی (دعوت محمدی حق ہے)

لیکن یہ کفّار تکبّر اور مخالفت میں (اندھے ہو گئے ) ہیں

بہت سی امتوں کو ہم نے ہلاک کر دیا اس سے پہلے ۔ پس وہ فریاد کرنے لگے اور نہیں تھا یہ وقت بچ نکلنے کا

اور وہ (اس پر) حیرا ن تھا کہ آیا ہے ان کے پاس ایک ڈرانے والا ان میں سے ، اور کفار کہنے لگے کہ یہ شخص ساحر ہے ، کذاب ہے

کیا بنا یا ہے اس نے بہت سے خداؤں کی جگہ ایک خدا بیشک یہ بڑی عجیب و غریب بات ہے

اور تیزی سے چل دیے قوم کے سردار (رسول کے پاس سے) اور (قوم سے کہا) یہاں سے نکلو اور جمے رہو اپنے بتوں پر ۔ بیشک اس میں اس کا کوئی (ذاتی ) مدعا ہے

ہم نے تو ایسی بات آخری ملت (نصرانیت ) میں بھی نہیں سنی۔ یہ بالکل من گھڑت مذہب ہے

کیا نازل کیا گیا ہے اس پر ’الذکر‘ (قرآن ) ہمارے درمیان میں سے بلکہ یہ کفار شک میں مبتلا ہیں میرے ذکر کے متعلق۔ بلکہ انہوں نے ابھی نہیں چکھا میرے عذاب کا مزہ

کیا ان کے قبضہ میں ہیں خزانے آپ کے رب کی رحمت کے ، جو عزت والا بےحساب عطا کرنے والا ہے

کیا ان کے لیے ہے سلطنت آسمانوں اور زمین کی جو کچھ ان کے درمیان ہے پس چاہیے کہ چڑھ جائیں (آسمان پر) اس کی راہوں سے

(در حقیقت) کفار کے لشکروں میں سے یہ ایک چھوٹا سا لشکر ہے جسے وہاں (بد ر میں) شکست دے دی جائے گی

جھٹلا یا تھا ان سے پہلے قوم نوح ، عاد اور میخوں والے فرعون نے

اور ثمود، قوم لوط اور اصحاب ایکہ نے یہی وہ گروہ ہیں (جنکا ذکر پہلے گزر چکا)

ان سب نے رسولوں کو جھٹلایا تو (ا ن پر ) لازم ہو گیا میرا عذاب

اور نہیں انتظار کر رہے ہیں یہ (کفار مکّہ) مگر ایک کڑک کی جس کے بعد کوئی مہلت نہیں ہو گی

اور (مذاقاً) کہتے ہیں اے ہمارے رب جلدی دے دے ہمارے حصہ (کا عذاب) یوم حساب سے پہلے

(اے حبیب!) ان کی (نا معقول ) باتوں پر اور یاد فرماؤ ہمارے بندے داؤد کو جو بڑا طاقتور تھا وہ (ہماری طرف) بہت رجوع کرنے والا تھا

ہم نے فرمانبردار بنا دیا تھا پہاڑوں کو وہ ان کے ساتھ تسبیح پڑھتے تھے عشاء اور اشراق کے وقت

اور پرندوں کو، وہ بھی تسبیح کے وقت جمع ہو جاتے سب ان کے فرمانبردار تھے

اور ہم نے مستحکم کر دیا ان کی حکومت کو اور ہم نے بخشی انہیں دانائی اور فیصلہ کُن بات کرنے کا ملکہ

اور کیا آئی ہے آپ کے پاس اطلاع قریقان مقدمہ کی جب انہوں نے دیوار پھاندی عبادت گاہ کی

اور جب اچانک داخل ہوئے داؤد پر پس آپ کچھ گھبرا گئے ان سے ۔ انہوں نے کہا ڈرئیے نہیں ہم تو مقدمہ کے دو فریق ہیں ، زیادتی کی ہے ہم میں سے ایک نے دوسرے پر آپ ہمارے درمیان انصاف سے فیصلہ فرمائیے اور بےانصافی نہ کیجیے اور دکھائیے ہمیں سیدھا راستہ

(صُورت نزاع یہ ہے کہ) یہ میرا بھائی ہے اور اس کی ننانوے دنبیاں ہیں اور میرے پاس صرف ایک دنبی ہے اب یہ کہتا ہے کہ وہ بھی میرے حوالے کر دے اور سختی کرتا ہے میرے ساتھ گفتگو میں

آپ نے فرمایا بےشک اس نے ظلم کیا ہے تم پر یہ مطالبہ کر کے تیری دنبی کو اپنی دنبی میں ملا دے اور اکثر حصہ دار زیادتی کرتے ہیں ایک دوسرے پر سوائے ان حصہ داروں کے جو ایمان لائے اور نیک کام کرتے رہے اور ایسے لوگ بہت تھوڑے ہیں ۔ اور فوراً خیال آگیا داؤد کو ہم نے اسے آزمایا ہے سو وہ معافی مانگنے لگ گئے اپنے رب سے اور گِر پڑے رکوع میں اور (دل وجان سے) اس کی طرف متوجہ ہو گئے

پس ہم نے بخش دی ان کی یہ تقصیر ۔ اور بیشک ان کے لیے ہمارے ہاں بڑا قرب ہے اور خوبصورت انجام ہے

اے داود ہم نے مقرر کیا آپ کو (اپنا) نائب زمین میں پس فیصلہ کیا کرو لوگوں کے درمیان انصاف کے ساتھ اور نہ پیروی کیا کرو ہوائے نفس کی وہ بہکا دے گی تمہیں راہ خدا سے ۔ بیشک جو لوگ بھٹک جاتے ہیں راہ خدا سے ان کے لیے سخت عذاب ہے اس لیے کہ انہوں نے بھلا دیا تھا یوم حساب کو

اور نہیں پیدا کیا ہم نے آسمان اور زمین کو اور جو کچھ ان کے درمیان ہے بےفائدہ یہ تو کفار کا گمان ہے پس بربادی ہے کفّار کے لیے آگ (کے عذاب) سے

کیا ہم بنا دیں گے انہیں جو ایمان لائے اور نیک عمل کرتے رہے ، ان لوگوں کی مانند جو فساد برپا کرتے ہیں زمین میں ۔ یا ہم بنا دیں گے پرہیزگاروں کو فاجروں کی طرح

یہ کتاب ہے جو ہم نے اتاری ہے آپ کی طرف ، بڑی بابرکت ، تاکہ وہ تدبر کریں اس کی آیتوں میں اور تاکہ نصیحت پکڑیں عقلمند

اور ہم نے عطا فرمایا داؤد کو سلیمان (جیسا فرزند) بڑی خوبیوں والابندہ، بہت رجوع کرنے والا

جب پیش کیے گئے آپ پر سہ پہر کو تین پاؤں پر کھڑے ہونے والے تیز رفتار گھوڑے

تو آپ نے کہا مجھے ان گھوڑوں کی محبت پسند آئی ہے اپنے رب کی یاد کے لیے (پھر انہیں چلانے کا حکم دیا) یہاں تک کہ چھپ گئے پردہ کے پیچھے

(حکم دیا) واپس لاؤ انہیں میرے پاس تو ہاتھ پھیرنے لگے ان کی پنڈلیوں اور گردنوں پر

اور ہم نے فتنہ میں ڈالا سلیمان (علیہ السلام) کو اور ڈال دیا ان کے تحت پر ایک بےجان جسم

پھر وہ (ہماری طرف) متوجہ ہوئے عرض کی میرے رب! مجھے معاف فرما دے اور عطا فرما مجھے ایسی حکومت جو کسی کو میسر نہ ہو میرے بعد۔ بےشک تو ہی نے انداز عطا کرنے والا ہے

پس ہم نے ہوا کو آپ کا فرمانبردار بنا دیا ۔ چلتی تھی آپ کے حسب حکم آرام سے جِدھر آپ چاہتے

اور سب دیو بھی ماتحت کر دیے کوئی معمار اور کوئی غوطہ خور

اور ان کے علاوہ (جو سر کش تھے) باندھ دیے گئے زنجیروں میں

(اے سلیمان!) یہ ہماری عطا ہے چاہے (کسی کو بخش کر) احسان کر چاہے اپنے پاس رکھ

تم سے کوئی باز پرس نہ ہو گی ۔ اور بیشک انہیں ہمارے ہاں بڑا قرب حاصل ہے اور خوبصورت انجام

اور یاد فرمائیے ہمارے بندے ایوب کو جب انہوں نے پکارا اپنے رب کو (الہٰی) پہنچائی ہے مجھے شیطان نے بہت تکلیف اور دکھ

(حکم ہوا) اپنا پاؤں (زمین پر) مارو۔ یہ نہانے کے لیے ٹھنڈا پانی ہے اور پینے کے لیے

اور ہم نے عطا فرمایا انہیں ان کا اہل و عیال اور ان کی مانند اور ان کے ساتھ بطور رحمت اپنی جناب سے اور بطور نصیحت اہل عقل کے لیے

اور ( حکم ملا ) پکڑ لو اپنے ہاتھ سے تنکوں کا ایک مٹھا اور اس سے مارو اور قسم نہ توڑو بیشک ہم نے پایا انہیں صبر کرنے والا، بڑا خوبیوں والا بندہ، ہر وقت ہماری طرف متوجہ

اور یاد فرماؤ ہمارے (مقبول) بندوں ابراہیم ، اسحاق اور یعقوب کو بڑی قوتوں والے اور روشن دل تھے

ہم نے مختص کیا تھا انہیں ایک خاص چیز سے اور وہ دار آخر ت کی یاد تھی

اور یہ (حضرات) ہمارے نزدیک چنے ہوئے بہترین لوگ ہیں

اور یاد فرمائیے اسمعیل، یسع اور ذی الکفل کو یہ سب بہترین لوگوں میں سے ہیں

نہ نصیحت ہے اور بےشک پرہیزگاروں کے لیے بہت عمدہ ٹھکانا ہے

سدا بہار باغات، کُھلے ہوں گے ان کے لیے سب دروازے

تکیہ لگائے بیٹھے ہوں گے ان میں۔ طلب فرماتے ہوں گے وہاں طرح طرح کے پھل اور مشروبات

اور ان کے پاس نیچی نگاہوں والی (عمر، جمال و کمال ہیں) ہم مثل (حوُریں) ہوں گی ۔

یہ ہے جس کا تم سے وعدہ کیا جاتا تھا کہ روز حساب (تمہیں ملے گا)

بیشک یہ ہمارا (دیا ہوا) رزق ہے جو کبھی ختم نہ ہو گا

یہ (تو پرہیزگاروں کے لیے) اور بلاشبہ سر کشوں کے لیے برا ٹھکانا ہو گا

(یعنی ) جہنّم۔ وہ داخل ہوں گے اس میں۔ تو یہ کتنا تکلیف دہ بچھونا ہے

یہ کھولتا پانی اور پیپ ہے پس چاہیے کہ وہ اسے چکھیں

اور اس کے علاوہ اس کی مانند طرح طرح کا عذاب

یہ (لو) دوسری فوج گھُسنا چاہتی ہے تمہارے ساتھ کوئی خوش آمدید نہیں انہیں یہ ضرور آگ تانپے والے ہیں

وہ کہیں گے (ظالمو!) تمہیں کوئی خوش آمدید نہ ہو تم نے ہی آگے کیا اس عذاب کو ہمارے لیے سو بہت برا ٹھکانا ہے

کہیں گے اے ہمارے رب! جس (بدبخت ) نے آگے کیا ہے ہمارے لیے یہ عذاب پس بڑھا دے اس کا عذاب دوگُنا آگ میں

اور کہیں گے کیا وجہ ہے کہ ہمیں نظر نہیں آرہے (یہاں) وہ لوگ جنہیں ہم شمار کرتے تھے برے لوگوں میں

ہم جن کا تمسخر اڑایا کرتے تھے یا پھر گئی ہیں ان کی طرف سے ہماری آنکھیں

یقیناً یہ سچ ہے دوزخی آپس میں جھگڑیں گے

(اے حبیب!) آپ فرمائیے میں تو فقط ڈرانے والا ہوں اور نہیں ہے کوئی خدا مگر اللہ جو ایک ہے سب پر غالب ہے

مالک ہے آسمانوں اور زمین کا اور جو کچھ ان کے درمیان ہے عزت والا ، بہت بخشنے والا

فرمائیے یہ بڑی اہم اور عظیم خبر ہے

تم اس سے منہ موڑے ہوئے ہو

مجھے کوئی علم نہ تھا عالم بالا کے بارے میں جب وہ جھگڑ رہے تھے

نہیں وحی کی جاتی میری طرف مگر یہ کہ میں کھلا ڈرانے والا ہوں

پس جب میں اس کو سنوار دوں اور پھُونک دوں اس میں اپنی (طرف سے خاص ) روح تو تم گِر پڑنا اس کے آگے سجدہ کرتے ہوئے

پھر سجدہ کیا سب کے سب فرشتوں نے

سوائے ابلیس کے۔ اس نے گھمنڈ کیا اور ہو گیا کافروں سے

ارشاد ہوا اے ابلیس! کس چیز نے باز رکھا تمھیں اس کو سجدہ کرنے سے جسے میں نے پیدا کیا اپنے دونوں ہاتھوں سے کیا تو نے تکبر کیا یا تو اپنے آپ کو اس سے عالی مرتبہ خیال کرتا ہے

وہ (گستاخ) بولا میں بہتر ہوں اس سے تو نے پیدا کیا ہے مجھے آگ سے اور پیدا کیا ہے اسے کیچڑ سے

حکم ملا (اے بےحیا!) نکل جا جنت سے بیشک تو پھٹکارا گیا

اور بےشک تجھ پر میری لعنت برسے گی قیامت تک

ابلیس بولا (اگر یہی اٹل فیصلہ ہے) تو میرے رب! مجھے مہلت دیجیے روز حشر تک

جواب ملا بےشک تو مہلت دیے جانے والوں میں سے ہے

(یہ مہلت) مقررہ وقت کے دن تک ہے

کہنے لگا تیری عزت کی قسم ! میں ضرور گمراہ کر دوں گا ان سب کو

سوائے تیرے ان بندوں کے جنہیں ان میں سے تونے چُن لیا ہے

فرمایا تو میں حق ہوں اور میں سچ ہی کہتا ہوں

میں ضرور بھر دوں گا جہنم کو تجھ سے اور تیرے سب فرماں برداروں سے

آپ فرمائیے میں نہیں مانگتا تم پر اس سے کوئی اجر اور نہ میں بناوٹ کرنے والوں میں سے ہوں

نہیں ہے یہ (قرآن ) مگر نصیحت سب جہانوں کے لیے

اور (اے کفار!) تم ضرور جان لو گے اس کی خبر کچھ عرصہ بعد