Urdu - Chapter 43 - Az-Zukhruf

حا۔ میم

قسم ہے اس کتاب مبین کی

ہم نے اتارا ہے اسے قرآن عربی زبان میں تاکہ تم (اس کے مطالب کو) سمجھو

اور بےشک یہ قرآن ہمارے ہاں لوح محفوظ میں ثبت ہے اونچی شان والا ، حکمت سے لبریز

کیا ہم روک لیں گے تم سے اس ذکر کو ناراض ہو کر اس وجہ سے کہ تم لوگ حد سے بڑھنے والے ہو

اور ہم نے بکثرت بھیجے ہیں نبی پہلے لوگوں میں

اور نہیں ان کے پاس کوئی نبی مگر وہ (کفّار) اس کا مذاق اڑایا کرتے

پس ہم نے ان کو ہلاک کر ڈالا جو ان سے زیادہ طاقتور تھے اور گزر چکا ہے حال پہلے لوگوں کا

اور اگر آپ ان سے پوچھیں کہ کس نے پیدا کیا ہے آسمانوں اور زمین کو تو ضرور کہیں گے پیدا کیا ہے انہیں بڑے زبردست، سب کچھ جاننے والے نے

جس نے بنا دیا ہے تمہارے لیے زمین کو گہوارہ اور بنا دیے ہیں تمہارے لیے اس میں راستے تاکہ تم منزل مقصود تک پہنچ سکو

اور جس نے اتارا آسمان سے پانی اندازہ کے مطابق ۔ پس ہم نے زندہ کر دیا اس سے ایک مردہ شہر کو ۔ یونہی تمہیں بھی (قبروں سے ) نکالا جائے گا

اور جس نے ہر قسم کی مخلوق پیدا فرمائی اور بنا دیں تمہارے لیے کشتیاں اور مویشی جن پر تم سوار ہوتے ہو

تا کہ تم جم کر بیٹھو ان کی پیٹھوں پر پھر (دِلوں میں ) یاد کرو اپنے رب کی نعمت کو جب تم خوب جم کر بیٹھ جاو ان پر اور (زبان سے) یہ کہو پاک ہے وہ ذات جس نے فرمانبردار بنا دیا ہے اسے ہمارے لیے اور ہم اس پر قابو پانے کی قدرت نہ رکھتے تھے

اور یقیناً ہم اپنے رب کی طرف لوٹ کر جانے والے ہیں

اور بنا دی ہے (مشرکوں نے ) اس کے لیے اس کے بندوں سے اولاد بےشک انسان کھلا ہوا نا شکر گزار ہے

کیا اللہ تعالیٰ نے پسند کر لی ہیں (اپنے لیے) اپنی مخلوق سے بیٹیاں اور مخصوص کر دیا ہے تمہیں بیٹوں کے ساتھ

اور جب اطلاع دی جاتی ہے ان میں سے کسی کو اس کی جس کی نسبت اس نے رحمن کی طرف کی ہے تو اس کا چہرہ (فرط رنج سے) سیاہ ہو جاتا ہے اور اس کا دل غم سے بھر جاتا ہے

کیا وہ (ایسی اولاد جنے گا) جو پروان چڑھتی ہے زیوروں میں اور وہ مباحثہ کے وقت اپنا مدعا واضح نہیں کر سکتی

اور انہوں نے ٹھہرا لیا ہے فرشتوں کو جو (خداوند ) رحمن کے بندے ہیں ، عورتیں کیا یہ موجود تھے ان کی پیدائش کے وقت؟لکھ لی جائے گی ان کی گواہی اور ان سے باز پرس ہو گی

اور (کفار) کہتے ہیں اگر چاہتا (خداوندِ) رحمان تو ہم انہیں نہ پوجتے انہیں اس حقیقت کا کوئی علم نہیں ۔ وہ محض قیاس آرائیاں کر رہے ہیں

کیا ہم نے دی انہیں کوئی کتاب اس سے پہلے پس وہ اسے مضبوطی سے پکڑے ہوئے ہیں

بلکہ وہ خود کہتے ہیں کہ ہم نے پایا اپنے باپ دادا کو ایک طریقہ پر اور ہم ان کے نقوش پا پر چل رہے ہیں

اور اسی طرح جب بھی ہم نے بھیجا آ پ سے پہلے کسی بستی میں کوئی ڈرانے والا تو کہا وہاں کے عیش پرستوں نے کہ ہم نے پایا اپنے باپ دادا کو ایک طریقہ پر اور ہم ان کے نشانات قدم کی پیروی کرنے والے ہیں

اس نبی نے فرمایا اگر میں لے آؤں تمہارے پاس زیادہ درست چیز اس سے جس پر پایا ہے تم نے اپنے باپ دادا کو (تب بھی؟) انہوں نے جواب دیا ہم جو دے کر تمہیں بھیجا گیا ہے اس کو نہیں مانتے

پس ہم نے ان سے انتقام لیاذرا دیکھو کیسا (المناک) انجام ہوا جھٹلانے والوں کا

اور (یاد کیجیے ) جب کہا ابراہیم (علیہ السلام) نے اپنے باپ سے اور اپنی قوم سے کہ میں بیزار ہوں ان سے جن کی تم عبادت کرتے ہو

بجز اس کے جس نے مجھے پیدا فرمایا بےشک وہی میری رہنمائی کرے گا

اور آپ نے بنا دیا کلمہ توحید کو باقی رہنے والی بات اپنی اولا د میں تاکہ وہ (اس کی طرف) رجوع کریں

بلکہ میں نے لطف اندوز ہونے دیا انہیں اور ان کے آباؤاجداد کو یہاں تک کہ آگیا ان کے پاس حق اور کھول کر بیان کرنے والا رسول

اور جب آگیا ان کے پاس حق تو وہ کہنے لگے یہ تو جادو ہے اور ہم اس کے منکر ہیں

اور کہنے لگے کیوں نہ اتارا گیا یہ قرآن کسی ایسے آدمی پر جو ان دو شہروں میں بڑا ہے

کیا وہ بانٹا کرتا ہیں آپ کے رب کی رحمت کو ؟ہم نے خود تقسیم کیا ہے ان کے درمیان سامان زیست کو اس دنیوی زندگی میں اور ہم نے ہی بلند کیا ہے بعض کو بعض پر مراتب میں تاکہ وہ ایک دوسرے سے کام لے سکیں اور آپ کے رب کی رحمتِ (خاص) بہت بہتر ہے اس سے جو وہ جمع کرتے ہیں

اور ان کے گھروں کے دروازے بھی چاندی کے اور وہ تخت جن پر وہ تکیہ لگاتے ہیں

(وہ بھی چاندی اور سونے کے اور یہ سب سنہری رو پہلی) چیزیں دنیوی زندگی کا سامان ہے اور آخرت (کی عزت و کامیابی) آ پ کے رب کے نزدیک پرہیزگاروں کے لیے ہے

اور جو شخص (دانستہ) اندھا بنتا ہے رحمان کے ذکر سے تو ہم مقرر کر دیتے ہیں اس کے لیے ایک شیطان ۔ پس وہ ہر وقت اس کا رفیق رہتا ہے

اور شیاطین روکتے ہیں ان (اندھوں ) کو راہ ہدایت سے اور یہ لوگ خیال کرتے ہیں کہ وہ ہدایت یافتہ ہیں

یہاں تک کہ جب وہ (اندھا) ہمارے پاس آئے گا تو (آنکھیں کھل جائیں گی) کہے گا کاش! میرے درمیان اور (اے شیطان!) تیرے درمیان مشرق و مغرب کی دوری ہوتی۔ تو تو بہت برا ساتھی ہے

اور یہ (شورو فغاں) تمہیں کچھ فائدہ نہیں پہنچا سکتا آج جب تک کہ تم (دنیا میں ) ظلم کرتے رہو تم (سب) اس عذاب میں حصہ دار ہو

کیا آپ سنانا چاہتے ہیں بہروں کو یا راہ دکھا نا چاہتے ہیں اندھوں کو اور انہیں جو کھلی گمراہی میں ہے

پس اگر ہم لے جائیں آپ کو (اس دار فانی سے) تو پھر بھی ہم ان سے بدلہ لیں گے

یا ہم آ پ کو دکھا دیں گے وہ عذاب جس کا ہم نے ان سے وعدہ کیا ہے پس ہم ان پر پوری طرح قادر ہیں

پس مضبوطی سے پکڑے رہیے اس (قرآن) کو جو آپ کی طرف وحی کیا گیا ہے بےشک آپ سیدھی راہ پر ہیں

اور بےشک یہ بڑا شرف ہے آپ کے لیے اور آپ کی قوم کے لیے اور (اے فرزندان اسلام!) تم سے جواب طلبی ہو گی

اور آپ پوچھیے ان سے جنہیں بھیجا ہم نے آپ سے پہلے اپنے رسولوں سے کیا ہم نے بنائے ہیں خداوند رحمن کے علاوہ اور خدا تاکہ ان کی پوجا کی جائے

اور ہم نے بھیجا موسیٰ (علیہ السلام) کو اپنی نشانیاں دے کر فرعون اور اس کے سرداروں کی طرف پس آپ نے (انہیں ) کہا بیشک میں رب العالمین کا فرستادہ ہوں

پس جب آپ آئے ان کے پاس ہماری نشانیاں لے کر تو اس وقت وہ ان سے ہنسنے لگے

اور ہم نہیں دکھاتے تھے انہیں کوئی نشانی مگر وہ بڑی ہوتی پہلے سے۔ اور ہم نے مبتلا کر دیا انہیں عذاب میں تاکہ وہ باز آجائیں

اور وہ بولے اے جادو گر ! دعا مانگیے ہمارے لیے اپنے رب سے بسبب اس عہد کے جو اس نے تمہارے ساتھ کیا ہے ہم ضرور ہدایت قبول کریں گے

پس جب ہم نے دور کر دیا ان سے عذاب کو تو فوراََوہ عہد شکنی کرنے لگے

اور پکارا فرعون اپنی قوم میں (اور) کہنے لگااے میری قوم! کیا میں مصر کا فرمانروا نہیں؟ اور یہ نہریں جو میرے نیچے بہہ رہی ہیں کیا تم (انہیں) دیکھ نہیں رہے؟

کیا میں بہتر نہیں ہوں اس شخص سے جو ذلیل ہے اور بات بھی صاف نہیں کر سکتا

(اگر یہ سچا نبی ہے) تو کیوں نہ اتارے گئے اس پر سونے کے کنگن یا کیوں نہ آئے اس کے ساتھ فرشتے قطار در قطار

یوں اس نے احمق بنا دیا اپنی قوم کو سو وہ اس کی پیروی کرنے لگے۔ در حقیقت یہ نافرمان لوگ تھے

پس جب انہوں نے ہمیں ناراض کر دیا تو ہم نے ان سے انتقام لیا پھر ہم نے ان سب کو غرق کر دیا

اور بنا دیا انہیں پیش رو اور کہاوت پچھلوں کے لیے

اور جب بیان کیا جاتا ہے مریم کے فرزند (عیسیٰ ( علیہ السلام) ) کا حال تو آپ کی قوم اس سے شورو غل مچا دیتی ہے

اور کہتے ہیں کیا ہمارے معبود بہتر ہیں یا وہ ۔ وہ نہیں بیان کرتے یہ مثال آپ سے مگر کج بحثی کے لیے۔ در حقیقت یہ لوگ بڑے جھگڑالو ہیں

نہیں ہے عیسیٰ مگر ایک بندہ ہم نے انعام فرمایا ہے ان پر اور ہم نے بنا دیا ہے انہیں ایک نمونہ بنی اسرائیل کے لیے

اور اگر ہم چاہتے تو ہم بسا دیتے تمہارے بدلے فرشتے زمین میں جو تمہارے جانشین ہوتے

اور بےشک وہ ایک نشانی ہے قیامت کے لیے پس ہر گز نہ کرو اس میں اور میری پیروی کیا کرو یہ سیدھا راستہ ہے

کہیں روک نہ دے تمہیں شیطان (اس راہ سے) بےشک وہ تمہارا کھلا دشمن ہے

اور جب آئے عیسیٰ (علیہ السلام) روشن نشانیاں لے کر تو فرمایا میں آیا ہوں تمہارے پاس حکمت لے کر اور میں بیان کروں گا تم سے کچھ وہ بات جس میں تم اختلا ف کرتے ہو۔ پس ڈرتے رہا کرو اللہ سے اور میری فرمانبرداری کیا کرو

یقیناً اللہ تعالیٰ وہی میرا بھی رب ہے تمہارا بھی رب ہے ۔ پس اس کی عبادت کیا کرو ۔ یہی سیدھا راستہ ہے

پھر اختلاف کرنے لگ گئے (ان کے) گروہ آپس میں پس ہلاکت ہے ظالموں کے لیے دردناک عذاب کے دن سے

کیا یہ لوگ قیامت برپا ہونے کے منتظر ہیں کہ آجائے ان پر اچانک اور انہیں خبر تک نہ ہو

گہرے دوست اس روز ایک دوسرے کے دشمن ہوں گے بجز ان کے جو متقی (اور پرہیزگار) ہیں

اے میرے (پیارے ) بندو! آج تم پر کوئی خوف نہیں اور نہ تم (آج) غمزدہ ہو گے

(یعنی ) وہ بندے جو ایمان لے آئے تھے ہماری آیتوں پر اور فرمانبردار تھے

(حکم ہو گا) داخل ہو جاؤ جنت میں تم اور تمہاری بیویاں خوشی خوشی

گردش میں ہوں گے ان پر سونے کے تھال اور جام اور وہاں ہر چیز موجود ہو گی جسے دل پسند کریں اور آنکھوں کو لذت ملے۔ (مزید برآں) تم وہاں ہمیشہ رہو گے

اور یہی وہ جنت ہے جس کے تم وارث بنادیے گئے ہوان اعمال کے باعث جو تم کیا کرتے تھے

تمہارے لیے یہاں بکثرت پھل ہیں ان میں سے کھاؤ گے جو جی چاہے

بے شک مجرم عذاب جہنم میں ہمیشہ رہیں گے

نہ ہلکا کیا جائے گا ان سے (یہ عذاب ) اور وہ اس میں آس توڑ بیٹھیں گے

اور ہم نے ان پر کوئی ظلم نہیں کیا لیکن وہ (اپنی جانوں پر) ظلم ڈھانے والے تھے

اور وہ پکاریں گے اے مالک ! بہتر ہے کہ تمہارا رب خاتمہ ہی کر ڈالے ۔ وہ جواب دے گا کہ تمہیں تو یہاں ہمیشہ (جلتے ) رہنا ہے

بے شک ہم لے آئے تمہارے پاس (دین ) حق لیکن تم میں سے اکثر حق سے نفرت کرنے والے تھے

ہاں اگر انہوں نے کوئی قطعی فیصلہ کر لیا ہے تو ہم بھی اپنا قطعی فیصلہ کرنے والے ہیں

کیا وہ گمان کرتے ہیں کہ ہم نہیں سنتے ان کے رازوں اور سر گوشی کو ۔ ہاں ہم سنتے ہیں اور ہمارے فرشتے ان کے پاس بیٹھے لکھتے بھی رہتے ہیں

آپ فرمائیے (بفرض محال) اگر رحمن کا کوئی بچہ ہوتا تو میں سب سے پہلے اس کا پجاری ہوتا

پاک ہے آسمانوں اور زمین کا پروردگار (اور) عرش کا رب ہر اس عیب سے جو یہ بیان کرتے ہیں

پس (اے حبیب!) آپ رہنے دیں انہیں کہ بیہودہ باتیں بناتے رہیں اور کھیل (تماشا) کرتے رہیں حتیٰ کہ ملاقات ہو جائے ان کی اپنے اس دن سے جس کا ان سے وعدہ کیا گیا ہے

اور وہی ایک آسمان میں خدا ہے اور زمین میں بھی خدا ہے ۔ اور وہی بہت دانا سب کچھ جاننے والا ہے

اور بڑی برکت والا ہے وہ جس کی سلطنت ہے آسمانوں اور زمین میں اور جو کچھ ان کے درمیان ہے ۔ اور اسی کے پاس ہے قیامت کا علم اور اسی کی طرف تم لوٹائے جاؤ گے

اور نہیں اختیا ررکھتے جنہیں یہ اللہ کے سوا پوجتے ہیں شفاعت کرنے کا ہاں شفاعت کا حق انہیں ہے جو حق کی گواہی دیں اور وہ (اس کو ) جانتے بھی ہیں

اور اگر آپ ان سے پوچھیں کہ انہیں کس نے پیدا کیا تو یقیناً کہیں گے اللہ نے پھر کدھر یہ الٹے پھر رہے ہیں

اور قسم ہے میرے رسول کے اس قول کی کہ اے میرے رب! یہ وہ لوگ ہیں جو ایمان نہیں لاتے

پس (اے حبیب!) رخ انور پھیر لیجیے ان سے اور فرمائیے تم سلامت رہو۔ وہ (اس کا انجام) ضرور جان لیں گے