Urdu - Chapter 51 - Adh-Dhariyat

قسم ہے ان ہواؤں کی جو اڑا کر بکھیرنے والیاں ہیں

پھر ان بادلوں کی جو (بارش کا) بوجھ اٹھانے والے ہیں

پھر کشتیوں کی جو آہستہ چلنے والیاں ہیں

پھر فرشتوں کی جو حکم (الہٰی) سے بانٹنے والے ہیں

بے شک جو وعدہ تم سے کیا گیا ہے وہ سچا ہے

اور یقیناً جزا و سزا کا دن ضرور آئے گا

قسم ہے آسمان کی جس میں راستے ہیں

بے شک تم مختلف (بے ربط) باتوں میں پڑے ہو

منہ پھیرے ہے اس (قرآن ) سے جس کا منہ ازل سے ہی پھیر دیا گیا ہے

ستیاناس ہو اٹکل پچو باتیں بنانے والے کا

جو غفلت (کے نشہ ) میں بےسدھ پڑے ہیں

وہ پوچھتے ہیں روز جزا کب آئے گا

یہ اس دن ہوگا جب وہ آگ پر تپائے جائیں گے

اپنی سزا کا مزہ چکھو یہی ہے وہ جس کے لیے تم جلدی مچا رہے تھے

البتہ اللہ سے ڈرنے والے (اس روز) باغات اور چشموں میں ہوں گے

(بصد شکر) لے رہے ہوں گے جو ان کا رب انہیں بخشے گا بےشک یہ لوگ اس سے پہلے بھی نیکو کار تھے

یہ لوگ رات کو بہت کم سویا کرتے تھے

اور سحری کے وقت (اپنی خطاؤں کی) بخشش طلب کرتے تھے

اور ان کے اموال میں حق تھا سائل کے لیے اور محروم کے لیے

اور زمین میں ہماری قدرت کی نشانیاں ہیں اہل یقین کے لیے

اور آسمان میں ہے تمہارا رزق اور ہر وہ چیز جس کا تم سے وعدہ کیا گیا ہے

پس قسم ہے آسمان اور زمین کے رب کی یہ حق ہے (بعینہ اسی طرح) جس طرح تم باتیں کررہے ہو

(اے حبیب!) کیا پہنچی ہے آپ کو خبر ابراہیم (علیہ السلام ) کے معزز مہمانوں کی

جب وہ ان کے پاس آئے تو انہوں نے سلام عرض کیا ۔ آپ نے فرمایا تم پر بھی سلام ہو (دل ہی دل میں سوچا) بالکل انجان لوگ ہیں

پس چپکے سے اپنے اہل خانہ کی طرف گئے اور ایک (بھنا ہوا) موٹا تازہ بچھڑا لے آئے

لا کر ان کے قریب رکھ دیا فرمایا کھاتے کیوں نہیں

پس د ل ہی دل میں ان سے خوف کرنے لگے ۔ وہ بولے ڈریے نہیں اور انہوں نے بشارت دی آپ کو ایک صاحب علم بیٹے کی

پس آئی آپ کی بیوی چیں بجیں ہو کر اور (فرط حیرت سے) طمانچہ دے مارا اپنے چہرہ پر اور بولی (میں ) بانجھ (کیا میرے ہاں بچہ ہو گا)

انہوں نے کہا ایسا ہی تیرے رب نے فرمایا ہے ۔ بےشک وہی بڑا دانا سب کچھ جاننے والا ہے

انہوں نے کہا ایسا ہی تیرے رب نے فرمایا ہے ۔ بےشک وہی بڑا دانا سب کچھ جاننے والا ہے

وہ بولے ہم بھیجے گئے ہیں ایک ایسی قوم کی طرف جو جرئم پیشہ ہے

تاکہ ہم برسائیں ان پر گارے کے بنے ہوئے پتھر (کھنگر)

جن پر نشان لگے ہیں آپ کے رب کی طر ف سے حد سے بڑھنے والوں کے لیے

(نزول عذاب سے پہلے) ہم نے نکال لیا وہاں کے تمام ایمانداروں کو ٣١

پ نہ پایا ہم نے اس (ساری) بستی میں بجز ایک مسلم گھر کے

اور ہم نے باقی رہنے دی وہاں ایک نشانی ان لوگوں (کی عبرت پذیری) کے لیے جو دردناک عذاب سے ڈرتے ہیں ٣٢

اور (داستان) موسیٰ میں بھی نشانی ہے جب ہم نے انہیں بھیجا فرعون کی طرف ایک روشن دلیل دے کر ٣٣

پس اس نے روگردانی کی اپنی قوت کے بل پوتے پر اور کہنے لگا یہ شخص جادوگر ہے یا دیوانہ ٣٤

تو ہم نے اس کو اس کے لشکر سمیت پکڑا اور انہیں سمندر میں پھینک دیا اور وہ قابل ملامت بن گیا۔ ٣٥

اور (قصہ) عاد میں بھی نشان عبرت ہے جب ہم نے ان پر آندھی بھیجی جو خیر و برکت سے خالی تھی ٣٦

نہیں چھوڑتی تھی کسی چیز کو جس پر گزرتی مگر اس کو ریزہ ریزہ کر دیتی

اور (واقعہ) ثمود میں بھی نشانی ہے جب انہیں کہہ دیا گیا کہ لطف اٹھالو ایک وقت تک ٣٧

پس انہوں نے سرکشی کی اپنے رب کے حکم سے تو پکڑ لیا انہیں ایک خوفناک کڑک نے دراں حال کہ وہ دیکھ رہے تھے

پھر ان میں نہ اٹھنے کی طاقت رہی ٣٨ ف اور نہ وہ (ہم سے) انتقام لے سکے ٣٩

اور قوم نوح کا اس سے پہلے (یہی حشر ہوا) بےشک وہ لوگ بھی (پرلے درجے کے) نافرمان تھے ٤٠

اور ہم نے آسمان کو (قدرت کے) ہاتھوں سے بنایا ٤١ ف اور ہم نے ہی اس کو وسیع کر دیا ٤٢

اور زمین کا ہم نے فرش بچھا دیا پس ہم کتنے اچھے (فرش) بچھانے والے ہیں ٤٣

اور ہم نے ہر چیز کے جوڑے بنائے ٤٤ ف تاکہ تم غور و فکر کرو

پر دوڑو اللہ کی طرف (اور اس کی پناہ لے لو) ٤٥ ف بےشک میں تمہیں اس (کے غضب ) سے کھلا ڈرانے والا ہوں ٤٦

اور نہ بناؤ اللہ کے ساتھ کوئی اور معبود ٤٧ ف بےشک میں تمہیں اس (کے غضب) سے کھلا ڈرانے والا ہوں

اسی طرح نہیں آیا ان سے پہلے لوگوں کے پاس کوئی رسول مگر انہوں نے یہی کہا کہ یہ ساحر ہے یا دیوانہ ٤٨

کیا پہلوں نے پچھلوں کو یہی وصیت کی تھی (نہیں) ٤٩ ف بلکہ یہ لوگ سرکش ہیں ٥٠ ف

پس آپ ان سے رخ انور پھیر لیجئے آپ پر کوئی الزام نہیں

اور آپ سمجھاتے رہیے یقیناً سمجھانا اہل ایمان کے لیے فائدہ بخش ہے ٥١

اور نہیں پیدا فرمایا میں نے جن و انس کو مگر اس لیے کہ وہ میری عبادت کریں

نہ طلب کرتا ہوں میں ان سے رزق اور نہ یہ طلب کرتا ہوں کہ وہ مجھے کھلائیں

بلاشبہ اللہ تعالی ہی (سب کو) روزی دینے والا قوت والا (اور) زور والا ہے

پس ان ظالموں کے لیے عذاب کا ویسا ہی حصہ ہے جیسا ان کے ہم مشربوں کو حصہ ملا تھا پس یہ جلد بازی نہ کریں

پس تباہی ہے ان کے لیے جنہوں نے کفر کیا اس دن سے جس کا (ان سے) وعدہ کیا گیا ہے ٥٦