Urdu - Chapter 68 - Al-Qalam

ن، قسم ہے قلم کی اور جو کچھ وہ لکھتے ہیں

آپ اپنے رب کے فضل سے مجنون نہیں ہیں

اور یقیناً آپ کے لیے ایسا اجر ہے جو کبھی ختم نہ ہوگا

اور بےشک آپ عظیم الشان خلق کے مالک ہیں

عنقریب آپ بھی دیکھیں گے اور وہ بھی دیکھ لیں گے

کہ تم میں سے (واقعی) مجنون کون ہے

بے شک آپ کا رب خوب جانتا ہے ان کو جو اس کی راہ سے بہک گئے ہیں اور انہیں بھی خوب جانتا ہے جو ہدایت یافتہ ہیں

پس آپ بات نہ مانیں (ان) جھٹلانے والوں کی

وہ تو تمنا کرتے ہیں کہ کہیں آپ نرمی اختیار کریں تو وہ بھی نرم پڑجائیں

اور نہ بات مانیے کسی (جھوٹی) قسمیں کھانے والے ذلیل شخص کی

جو بہت نکتہ چین، چغلیاں کھاتا پھرتا ہے

سخت منع کرنے والا بھلائی سے، حد سے بڑھا ہوا، بڑا بدکار ہے

اکھڑ مزاج ہے، اس کے علاوہ بد اصل ہے

(یہ غرور وسرکشی) اس لیے کہ وہ مالدار اور صاحب اولاد ہے

جب پڑھی جاتی ہیں اس کے سامنے ہماری آیتیں تو کہتا ہے کہ یہ تو پہلے لوگوں کے افسانے ہیں

ہم بہت جلد اس کی سونڈ پر داغ لگائیں گے

ہم نے ان (مکہ والوں کو بھی آزمایا جیسے ہم نے آزمایا تھا باغ والوں کو جب انہوں نے قسم اٹھائی کہ وہ ضرور توڑ لیں گے اس کا پھل صبح سویرے)

اور انہوں نے انشاء اللہ بھی نہ کہا

پس چکر لگا گیا اس باغ پر ایک چکر لگانے والا آپ کے رب کی طرف سے دراں حالیکہ وہ سوئے ہوئے تھے؎

چنانچہ (لہلہاتا) باغ کٹے ہوئے کھیت کی مانند ہوگیا

پھر انہوں نے ایک دوسرے کو ندا دی صبح سویرے

کہ سویرے سویرے اپنے کھیت کی طرف چلو اگر تم پھل توڑنا چاہتے ہو

سو وہ چل پڑے اور ایک دوسرے کو چپکے چپکے کہتے جاتے

کہ (خبردار ) اس باغ میں ہر گز داخل نہ ہو آج تم پر کوئی مسکین

اور تڑکے چلے (یہ سمجھتے ہوئے ) کہ وہ اس ارادہ پر قادر ہیں

پھر جب باغ کو دیکھا تو کہنے لگے (غالبا) ہم راستہ بھول گئے

نہیں نہیں ہماری تو قسمت پھوٹ گئی

ان میں جو زیرک تھا بول اٹھا کہ کیا میں تمہیں کہتا نہ تھا کہ تم ( اس کی ) تسبیح کیوں نہیں کرتے

کہنے لگے پاک ہے ہمارا رب، بےشک ہم ہی ظالم تھے

پھر ایک دوسرے کی طرف منہ کر کے ایک دوسرے کو ملامت کرنے لگے

کہنے لگے تف ہے ہم پر ہم ہی سرکش تھے

امید ہے کہ ہمارا رب ہمیں ( اس کا ) بدلہ دے گا جو بہتر ہوگا اس سے ہم (اب اپنے رب کی طرف رجوع کرنے والے ہیں)

(دیکھ لیا) ایسا ہوتا ہے عذاب اور آخرت کا عذاب تو بہت بڑا ہے کاش! یہ لوگ (اس حقیقت کو) جانتے

بے شک پرہیزگاروں کے لیے اپنے رب کے پاس نعمتوں بھری جنتیں ہیں

کیا ہم فرمانبرداروں کا حال مجرموں کا سا کردیں گے

تمہیں کیا ہوگیا تم کیسے فیصلے کرتے ہو

کیا تمہارے پاس کوئی کتاب ہے جس میں تم یہ پڑھتے ہو

کہ تمہارے لیے اس میں ایسی چیزیں ہیں جن کو تم پسند کرتے ہو

کیا تمہارے لیے قسمیں ہم پر ( لازم ) ہیں جو باقی رہنے والی ہیں قیامت تک کہ تمہیں وہی ملے گا جو تم حکم کرو گے

ان سے پوچھیے ان میں سے کون ان ( بےسروپا) باتوں کا ضامن ہے

کیا ان کے پاس کوئی گواہ ہیں اگر ہیں تو پھر پیش کریں اپنے گواہوں کو اگر وہ سچے ہیں

جس روز پر دہ اٹھایا جائے گا ایک ساق سے تو ان (نابکاروں) کو سجدہ کی دعوت دی جائے گی تو اس وقت وہ سجدہ نہ کرسکیں گے

ندامت سے جھکی ہوں گی ان کی آنکھیں ان پر ذلت چھا رہی ہوگی حالانکہ انہیں (دنیا میں) بلایا جاتا تھا سجدہ کی طرف جبکہ وہ صحیح سلامت تھے

پس ( اے حبیب! ) آپ چھوڑ دیجیے مجھے اور اسے جو اس کتاب کو جھٹلاتا ہے ہم انہیں بتدریج تباہی کی طرف لے جائیں گے اس طرح کہ انہیں علم تک نہ ہوگا

اور میں نے (سر دست) انہیں مہلت دے رکھی میری (خفیہ ) تدبیر بڑی پختہ ہے

کیا ان کے پاس غیب کی خبر آتی ہے اور وہ اس کو لکھ لیتے ہیں

پس انتظار فرمائیے اپنے رب کے حکم کا اور نہ ہوجائیے مچھلی والے کی مانند جب اس نے پکارا اور وہ غم واندوہ سے بھرا ہوا تھا

اگر اس کی چارہ سازی نہ کرتا اس کے رب کا لطف تو ڈال دیا جاتا اسے چٹیل میدان میں دراں حال کہ اس کی مذمت کی جاتی

پھر چن لیا اس کو اس کے رب نے اور بنا دیا اس کو اپنے نیک بندوں سے

اور یوں معلوم ہوتا ہے کہ کفار پھسلا دیں گے آپ کو اپنی ( بد) نظروں سے جب وہ سنتے ہیں قرآن اور وہ کہتے ہیں کہ یہ تو مجنون ہے

حالانکہ وہ نہیں مگر سارے جہانوں کے لیے وجہ عز وشرف