Urdu - Chapter 71 - Nuh

بے شک ہم نے بھیجا نوح کو ان کی قوم کی طرف (اور فرمایا اے نوح!) بروقت خبردار کرو اپنی قوم کو اس سے پہلے کہ نازل ہوجائے ان پر عذاب الیم

آپ نے فرمایا اے میری قوم! میں تمہیں صریح طور پر ڈرانے والا ہوں

کہ عبادت کرو اللہ تعالیٰ کی اور اس سے ڈرو اور میری پیروی کرو

وہ بخش دے گا تمہارے لیے تمہارے گناہ اور مہلت دے گا تمہیں ایک مقررہ میعاد تک بلاشبہ اللہ کا مقررہ وقت جب آجاتا ہے تو اسے مؤخر نہیں کیا جاسکتا کاش! تم (حقیقت کو) جان لیتے

نوح نے عرض کی اے میرے رب! میں نے دعوت اپنی قوم کو رات کے وقت اور دن کے وقت

لیکن میری دعوت کے باعث ان کے فرار (ونفرت) میں ہی اضافہ ہوا

اور جب بھی میں نے انہیں بلایا تاکہ تو ان کو بخش دے (تو ہر بار) انہوں نے اپنی انگلیاں اپنے کانوں میں ٹھونس لیں اور اپنے اوپر لپیٹ لیے اپنے کپڑے اور اڑ گئے (کفر پر ) اور پرلے درجہ کے متکبر بن گئے

پھر (بھی) میں نے ان کو بلند آواز سے دعوت دی

پھر انہیں کھلے بندوں بھی سمجھایا اور چپکے چپکے انہیں (تلقین) کی

پس میں نے کہا (ابھی وقت ہے) معافی مانگ لو اپنے رب سے بےشک وہ بہت بخشنے والا ہے

وہ برسائے گا آسمان سے تم پر موسلا دھار بارش ،

تمہیں کیا ہوگیا ہے کہ تم پروا نہیں کرتے اللہ کی عظمت وجلال کی

حالانکہ اس نے تمہیں کئی مرحلوں سے گزار کر پیدا کیا ہے

کیا تم نے نہیں دیکھا کہ اللہ نے کیسے پیدا کیا ہے سات آسمانوں کو تہ بہ تہ

اور بنایا ہے چاند کو ان میں روشنی اور بنایا ہے سورج کو (درخشاں) چراغ

اور اللہ نے تم کو زمین سے عجب طرح ا گیا ہے

پھر لوٹا دے گا تمہیں اس میں اور (اسی سے) تمہیں دوبارہ نکالے گا

اور اللہ نے ہی زمین کو تمہارے لیے فرش کی طرح بچھا دیا ہے

تاکہ تم اس کے کھلے راستوں میں چلو

نوح نے عرض کی اے میرے پروردگار ! نہوں نے میری نافرمانی کی اور اس کی پیروی کرتے رہے جس کو نہ بڑھایا اس کے مال اور اولاد نے بجز خسارہ کے

اور انہوں نے بڑے بڑے مکروفریب کیے

اور رئیسوں نے کہا (اے لوگو! نوح کے کہنے پر ) ہر گز نہ چھوڑنا اپنے خداؤں کو اور (خاص طور پر ) ود اور سواع کو مت چھوڑنا اور نہ یغوث ، یعوق اور نسر کو ۔

اور انہوں نے گمراہ کردیا بہت سے لوگوں کو ۔ (الہی!) تو بھی ان کی گمراہی میں اضافہ کردے

اپنی خطاؤں کے باعث انہیں غرق کردیا گیا پھر انہیں آگ میں ڈال دیا گیا پھر انہوں نے نہ پایا اپنے لیے کے سوا کوئی مددگا

اور نوح نے عرض کی اے میرے رب! نہ چھوڑ روئے زمین پر کافروں میں سے کسی کو بستا ہوا

اگر تونے ان میں سے کسی کو چھوڑ دیا تو وہ گمراہ کردیں گے تیرے بندوں کو اور نہ جنیں گے مگر ایسی اولاد بدکار، سخت ناشکر گزار ہوگی

میرے رب! بخش دے مجھے اور میرے والدین کو اور اسے بھی جو میرے گھر میں ایمان کے ساتھ داخل ہوا اور بخش دے سب مومن مردوں اور عورتوں کو اور کفار کی کسی چیز میں اضافہ نہ کر بجز ہلاکت وبربادی کے