Urdu - Chapter 75 - Al-Qiyamah

میں قسم کھتا ہوں روز قیامت کی

اور میں قسم کھاتا ہوں نفس لوامہ کی (کہ حشر ضرور ہوگا)

ایحسب الانسان الن نجمع عظامہ

کیوں نہیں ہم اس پر بھی قادر ہیں کہ ہم اس کی انگلیوں کی پور پور درست کردیں

بلکہ انسان کی خواہش تو یہ ہے کہ آئندہ بھی بدکاریاں کرتا رہے

(ازراہ تمسخر) وہ پوچھتا ہے قیامت کب آئے گی

پھر جب آنکھ خیرہ ہوجائے گی

اور چاند بےنور ہوجائے گا

اور (بے نوری میں) سورج اور چاند یکساں ہوجائیں گے

(اس روز) انسان کہے گا کہ بھاگنے کی جگہ کہاں ہے

ہر گز نہیں ، وہاں کوئی پناہ گاہ نہیں

صرف آپ کے رب کے پاس ہی اس روز ٹھکانا ہوگا

آگاہ کردیا جائے گا انسان کو اس روز جو عمل اس نے پہلے بھیجے اور جو (اثرات ) وہ پیچھے چھوڑ آیا

بلکہ انسان خود بھی اپنے نفس کے احوال پر نظر رکھتا ہے

خواہ وہ زبان سے ہزار بہانے بناتا رہے

(اے حبیب!) آپ حرکت نہ دیں اپنی زبان کو اس کے س اتھ تاکہ آپ جلدی یاد کرلیں اس کو

ہمارے ذمہ ہے اس کو (سینۂ مبارک میں) جمع کرنا اور اس کو پڑھانا

پس جب ہم اسے پڑھیں تو آپ اتباع کریں اسی پڑھنے کا

پھر ہمارے ذمہ ہے اس کو کھول کر بیان کردینا

اور چھوڑ رکھا ہے تم نے آخرت کو

کئی چہرے اس روز تروتازہ ہوں گے

اور اپنے رب کے (انوار جمال) کی طرف دیکھ رہے ہوں گے

اور کئی چہرے اس دن اداس ہوں گے

خیال کرتے ہوں گے کہ ان کے ساتھ کمر توڑ سلوک ہوگا

ہاں ہاں جب جان پہنچے گی ہنسلی تک

اور کہا جائے گا ہے کوئی ، جھاڑ پھونک کرنے والا

اور (مرنے والا) سمجھ لیتا ہے کہ جدائی کی گھڑی آپہنچی

اور لپٹ جاتی ہے ایک پنڈلی دوسری پنڈلی سے

اس دن آپ کے رب کی طرف کوچ ہوتا ہے

(اتنی فہمائش کے باوجود) نہ اس نے تصدیق کی اور نہ نماز پڑھی

بلکہ اس نے (حق کو) جھٹلایا اور اس سے منہ پھیر لیا

پھر گیا گھر کی طرف نخرے کرتا ہوا

تیرا خرابی آ لگی اب آ لگی

پھر تیری خرابی آ لگی اب آ لگی

کیا انسان یہ خیال کرتا ہے کہ اسے مہمل چھوڑ دیا جائے گا

کیا وہ (ابتدا میں) منی کا ایک قطرہ نہ تھا جو (رحم مادر میں) ٹپکایا جاتا ہے

پھر اس سے وہ لوتھڑا بنا پھر اللہ نے اسے بنایا اور اعضا درست کیے

پھر اس سے دو قسمیں بنائیں مرد اور عورت

کیا وہ (اتنی قدرت والا) اس پر قادر نہیں کہ مردوں کو پھر زندہ کردے؟