Urdu - Chapter 85 - Al-Buruj

قسم ہے آسمان کی جو برجوں والا ہے

اور اس دن کی جس کا وعدہ کیا گیا ہے

مارے گئے کھائی کھودنے والے

(جس میں) آگ تھی بڑے ایندھن والی

جب وہ اس (کے کنارہ) پر بیٹھے تھے

اور وہ جو کچھ اہل ایمان کے ساتھ سلوک کر رہے تھے اسے دیکھ رہے تھے

اور نہیں ناپسند کیا تھا انہوں نے مسلمانوں سے بجز اس کے کہ وہ ایمان لائے تھے اللہ پر جو سب پر غالب، سب خوبیوں سراہا ہے

جس کے قبضہ میں آسمانوں اور زمین کی بادشاہی ہے اور اللہ تعالیٰ ہر چیز کو دیکھنے والا ہے

بے شک جن لوگوں نے ایذا دی مومن مردوں اور مومن عورتوں کو پھر توبہ بھی نہ کی تو ان کے لیے جہنم کا عذاب ہے اور ان کے لیے جلائے جانے کی سزا ہے

جو لوگ ایمان لے آئے اور نیک عمل کرتے رہے ان کے لیے باغات ہیں جن کے نیچے نہریں جاری ہیں۔ یہی بڑی کامیابی ہے

بے شک آپ کے رب کی پکڑ بہت سخت ہے

بے شک وہی پہلی مرتبہ پیدا کرتا ہے اور وہی دوبارہ پیدا کرے گا

اور وہی بہت بخشنے والا، بہت محبت کرنے والا ہے

عرش کا مالک ہے ، بڑی شان والا

کرتا ہے جو کچھ چاہتا ہے

کیا پہنچی ہے آپ کے پاس لشکروں کی خبر

(یعنی) فرعون اور ثمود (کے لشکروں) کی

بلکہ یہ کفار جھٹلانے میں مصروف ہیں

حالانکہ اللہ تعالیٰ ان کو ہر طرف سے گھیرے ہوئے ہے

بلکہ وہ کمال شرف ولا قرآن ہے

ایسی لوح میں لکھا ہے جو محفوظ ہے