Urdu - Chapter 96 - Al-Alaq

آپ پڑھیے اپنے رب کے نام کے ساتھ جس نے (سب کو ) پیدا فرمایا

پیدا کیا انسان کو جمے ہوئے خون سے

آپ کا رب بڑا کریم ہے

جس نے علم سکھایا قلم کے واسطہ سے

اسی نے سکھایا انسان کو جو وہ نہیں جانتا تھا

ہاں ہاں! بےشک انسان سرکشی کرنے لگتا ہے

اس بنا پر کہ وہ اپنے آپ کو مستغنی دیکھتا ہے

(اے غافل!) یقیناً تجھے اپنے رب کی طرف ہی پلٹنا ہے ۔

(اے حبیب!) آپ نے دیکھا اسے جو منع کرتا ہے

ایک بندے کو جب وہ نماز پڑھتا ہے

بھلا دیکھیے تو اگر وہ ہدایت پر ہوتا

یا پرہیزگاری کا حکم دیتا (تو اس کے لیے کتنا بہتر ہوتا)

آپ نے دیکھ لیا اگر اس نے جھٹلا یا اور روگردانی کی

کیا نہیں جانتا کہ اللہ تعالی (اسے) دیکھ رہا ہے

خبردار اگر وہ (اپنی روش سے ) باز نہ آیا تو ہم ضرور (اسے) گھسیٹیں گے اس کے پیشانی کے بالوں سے

وہ پیشانی جو جھوٹی (اور) خطا کار ہے

پس وہ بلالے اپنے ہم نشینوں کو (اپنی مدد کے لیے)

ہم بھی جہنم کے فرشتوں کو بلائیں گے۔

ہاں ہاں! اس کی ایک نہ سنیے ! (اے حبیب!) سجدہ کیجیے اور (ہم سے اور ) قریب ہوجائیے