Urdu - Chapter 100 - Al-Adiyat

Translation by Muhammad Taqi Usmani — Permalink

قسم ہے ان گھوڑوں کی جو ہانپ ہانپ کر دوڑتے ہیں۔

پھر جو (اپنی ٹاپوں سے) چنگاریاں اڑاتے ہیں۔

پھر صبح کے وقت یلغار کرتے ہیں۔

پھر اس موقع پر غبار اڑاتے ہیں۔

پھر اسی وقت کسی جمگھٹے کے بیچوں بیچ جاگھستے ہیں۔

کہ انسان اپنے پروردگار کا بڑا ناشکرا ہے۔

اور وہ خود اس بات کا گواہ ہے۔

اور حقیقت یہ ہے کہ وہ مال کی محبت میں بہت پکا ہے۔

بھلا کیا وہ وقت اسے معلوم نہیں ہے جب قبروں میں جو کچھ ہے اسے باہر بکھیر دیا جائے گا۔

اور سینوں میں جو کچھ ہے اسے ظاہر کردیا جائے گا۔

یقینا ان کا پروردگار اس دن ان (کی جو حالت ہوگی اس) سے پوری طرح باخبر ہے۔