Urdu - Chapter 101 - Al-Qariah

Translation by Muhammad Taqi Usmani — Permalink

(یاد کرو) وہ واقعہ جو دل دہلا کر رکھ دے گا۔

کیا ہے وہ دل دہلانے والا واقعہ ؟

اور تمہیں کیا معلوم وہ دل دہلانے والا واقعہ کیا ہے ؟

جس دن سارے لوگ پھیلے ہوئے پروانوں کی طرح ہوجائیں گے۔

اور پہاڑ دھنکی ہوئی رنگین اون کی طرح ہوجائیں گے۔

اب جس شخص کے پلڑے وزنی ہوں گے۔

تو وہ من پسند زندگی میں ہوگا۔

اور وہ جس کے پلڑے ہلکے ہوں گے۔

تو اس کا ٹھکانا ایک گہرا گڑھا ہوگا۔

اور تمہیں کیا معلوم کہ وہ گہرا گڑھا کیا چیز ہے ؟

ایک دہکتی ہوئی آگ