Back to Languages
Urdu - Chapter 37 - As-Saffat
Translation by Muhammad Taqi Usmani — Permalink
Verse 1 — Surah As-Saffat 37:1
قسم ان کی جو پرے باندھ کر صف بناتے ہیں،
Verse 2 — Surah As-Saffat 37:2
پھر ان کی جو روک ٹوک کرتے ہیں،
Verse 3 — Surah As-Saffat 37:3
پھر ان کی جو ذکر کی تلاوت کرتے ہیں۔
Verse 4 — Surah As-Saffat 37:4
تمہارا معبود ایک ہی ہے۔
Verse 5 — Surah As-Saffat 37:5
جو تمام آسمانوں اور زمین کا اور ان کے درمیان کی ہر چیز کا مالک ہے، اور ان تمام مقامات کا مالک جہاں سے ستارے طلوع ہوتے ہیں۔
Verse 6 — Surah As-Saffat 37:6
بیشک ہم نے نزدیک والے آسمان کو ستاروں کی شکل میں ایک سجاوٹ عطا کی ہے۔
Verse 7 — Surah As-Saffat 37:7
اور ہر شریر شیطان سے حفاظت کا ذریعہ بنایا ہے۔
Verse 8 — Surah As-Saffat 37:8
وہ اوپر کے جہان کی باتیں نہیں سن سکتے، اور ہر طرف سے ان پر مار پڑتی ہے۔
Verse 9 — Surah As-Saffat 37:9
انہیں دھکے دیے جاتے ہیں اور ان کو (آخرت میں) دائمی عذاب ہوگا۔
Verse 10 — Surah As-Saffat 37:10
البتہ جو کوئی کچھ اچک لے جائے تو ایک روشن شعلہ اس کا پیچھا کرتا ہے۔
Verse 11 — Surah As-Saffat 37:11
اب ذرا ان (کافروں) سے پوچھو کہ ان کی تخلیق زیادہ مشکل ہے یا ہماری پیدا کی ہوئی دوسری مخلوقات کی ؟ ان کو تو ہم نے لیس دار گارے سے پیدا کیا ہے۔
Verse 12 — Surah As-Saffat 37:12
(اے پیغمبر) حقیقت تو یہ ہے کہ تم (ان کی باتوں پر) تعجب کرتے ہو، اور یہ ہنسی اڑاتے ہیں۔
Verse 13 — Surah As-Saffat 37:13
اور جب انہیں نصیحت کی جاتی ہے تو نصیحت مانتے نہیں۔
Verse 14 — Surah As-Saffat 37:14
اور جب کوئی نشانی دیکھتے ہیں تو مذاق اڑاتے ہیں۔
Verse 15 — Surah As-Saffat 37:15
اور کہتے ہیں کہ : یہ ایک کھلے جادو کے سوا کچھ بھی نہیں ہے۔
Verse 16 — Surah As-Saffat 37:16
بھلا جب ہم مر کر مٹی اور ہڈیوں کی صورت اختیار کرلیں گے، تو کیا ہمیں دوبارہ زندہ کیا جائے گا ؟
Verse 17 — Surah As-Saffat 37:17
اور بھلا کیا ہمارے پچھلے باپ دادوں کو بھی ؟
Verse 18 — Surah As-Saffat 37:18
کہہ دو کہ : ہاں ! اور تم ذلیل بھی ہوگے۔
Verse 19 — Surah As-Saffat 37:19
بس وہ تو ایک ہی زور دار آواز ہوگی، جس کے بعد وہ اچانک (سارے ہولناک مناظر) دیکھنے لگیں گے۔
Verse 20 — Surah As-Saffat 37:20
اور کہیں گے کہ : ہائے ہماری شامت ! یہ تو حساب و کتاب کا دن ہے۔
Verse 21 — Surah As-Saffat 37:21
(جی ہاں) یہی وہ فیصلے کا دن ہے جسے تم جھٹلایا کرتے تھے۔
Verse 22 — Surah As-Saffat 37:22
(فرشتوں سے کہا جائے گا کہ) گھیر لاؤ ان سب کو جنہوں نے ظلم کیا تھا، اور ان کے ساتھیوں کو بھی اور ان کو بھی
Verse 23 — Surah As-Saffat 37:23
جن کی یہ اللہ کو چھوڑ کر عبادت کیا کرتے تھے، پھر انہیں دوزخ کا راستہ دکھاؤ۔
Verse 24 — Surah As-Saffat 37:24
اور ذرا انہیں ٹھہراؤ، ان سے کچھ پوچھا جائے گا۔
Verse 25 — Surah As-Saffat 37:25
کیوں جی ؟ تمہیں کیا ہوا کہ تم ایک دوسرے کی مدد نہیں کر رہے ؟
Verse 26 — Surah As-Saffat 37:26
اس کے بجائے یہ تو آج سر جھکائے کھڑے ہیں۔
Verse 27 — Surah As-Saffat 37:27
اور وہ ایک دوسرے کی طرف رخ کر کے آپس میں سوال جواب کریں گے۔
Verse 28 — Surah As-Saffat 37:28
(ماتحت لوگ اپنے بڑوں سے) کہیں گے کہ تم تھے جو ہم پر بڑے زوروں سے چڑھ چڑھ کر آتے تھے۔
Verse 29 — Surah As-Saffat 37:29
وہ کہیں گے کہ : نہیں بلکہ تم خود ایمان لانے والے نہیں تھے۔
Verse 30 — Surah As-Saffat 37:30
اور تم پر ہمارا کوئی زور نہیں تھا، اصل بات یہ ہے کہ تم خود سرکش لوگ تھے۔
Verse 31 — Surah As-Saffat 37:31
اب تو ہمارے پروردگار کی یہ بات ہم پر ثابت ہوگئی ہے کہ ہم سب کو یہ مزہ چکھنا ہے۔
Verse 32 — Surah As-Saffat 37:32
کیونکہ ہم نے تمہیں بہکایا ہم خود بہکے ہوئے تھے۔
Verse 33 — Surah As-Saffat 37:33
غرض اس دن یہ سب عذاب میں ایک دوسرے کے ساتھ شریک ہوں گے۔
Verse 34 — Surah As-Saffat 37:34
ہم مجرموں کے ساتھ ایسا ہی کرتے ہیں۔
Verse 35 — Surah As-Saffat 37:35
ان کا حال یہ تھا کہ جب ان سے یہ کہا جاتا کہ اللہ کے سوا کوئی معبود نہیں تو یہ اکڑ دکھاتے تھے۔
Verse 36 — Surah As-Saffat 37:36
اور کہا کرتے تھے کہ : کیا ہم ایسے ہیں کہ ایک دیوانے شاعر کی وجہ سے اپنے معبودوں کو چھوڑ بیٹھیں ؟
Verse 37 — Surah As-Saffat 37:37
حالانکہ وہ (پیغمبر (صلی اللہ علیہ وآلہ وسلم) حق لے کر آئے تھے، اور انہوں نے دوسرے پیغمبروں کی تصدیق کی تھی۔
Verse 38 — Surah As-Saffat 37:38
چنانچہ (ان سے کہا جائے گا کہ) تم سب کو دردناک عذاب کا مزہ چکھنا ہوگا۔
Verse 39 — Surah As-Saffat 37:39
اور تمہیں کسی اور بات کا نہیں، خود تمہارے اعمال کا بدلہ دیا جائے گا۔
Verse 40 — Surah As-Saffat 37:40
البتہ جو اللہ کے برگزیدہ بندے ہیں۔
Verse 41 — Surah As-Saffat 37:41
ان کے لیے طے شدہ رزق ہے۔
Verse 42 — Surah As-Saffat 37:42
میوے ہیں، ان کی پوری پوری عزت ہوگی۔
Verse 43 — Surah As-Saffat 37:43
اور نعمت بھرے باغات میں
Verse 44 — Surah As-Saffat 37:44
وہ اونچی نشستوں پر آمنے سامنے بیٹھے ہوں گے۔
Verse 45 — Surah As-Saffat 37:45
ایسی لطیف شراب کے جام ان کے لیے گردش میں آئیں گے۔
Verse 46 — Surah As-Saffat 37:46
جو سفید رنگ کی ہوگی، پینے والوں کے لیے سراپا لذت۔
Verse 47 — Surah As-Saffat 37:47
نہ اس سے سر میں خمار ہوگا اور نہ ان کی عقل بہکے گی۔
Verse 48 — Surah As-Saffat 37:48
اور ان کے پاس وہ بڑی بڑی آنکھوں والی خواتین ہونگی جن کی نگاہیں (اپنے شوہروں پر) مرکوز ہوں گی۔
Verse 49 — Surah As-Saffat 37:49
(ان کا بےداغ وجود) ایسا لگے گا جیسے وہ (گرد و غبار سے) چھپا کر رکھے ہوئے انڈے ہوں۔
Verse 50 — Surah As-Saffat 37:50
پھر جنتی لوگ ایک دوسرے کی طرف متوجہ ہو کر آپس میں سوالات کریں گے۔
Verse 51 — Surah As-Saffat 37:51
ان میں سے ایک کہنے والا کہے گا کہ میرا ایک ساتھی تھا۔
Verse 52 — Surah As-Saffat 37:52
جو (مجھ سے) کہا کرتا تھا کہ : کیا تم واقعی ان لوگوں میں سے ہو جو (آخرت کی زندگی کو) سچ مانتے ہیں ؟
Verse 53 — Surah As-Saffat 37:53
کیا جب ہم مٹی اور ہڈیوں میں تبدیل ہوجائیں گے تو کیا واقعی ہمیں (اپنے کاموں کا) بدلہ دیا جائے گا ؟
Verse 54 — Surah As-Saffat 37:54
وہ جنتی (دوسرے جنتیوں سے) کہے گا کہ : کیا تم (میرے اس ساتھی) کو جھانک کر دیکھنا چاہتے ہو ؟
Verse 55 — Surah As-Saffat 37:55
پھر وہ خود (دوزخ میں) جھانک کر دیکھے گا تو اسے دوزخ کے بیچوں بیچ نظر آئے گا۔
Verse 56 — Surah As-Saffat 37:56
وہ جنتی (اس سے) کہے گا کہ : اللہ کی قسم ! تم تو مجھے بالکل ہی برباد کرنے لگے تھے۔
Verse 57 — Surah As-Saffat 37:57
اور اگر میرے پروردگار کا فضل شامل حال نہ ہوتا تو اور لوگوں کے ساتھ بھی مجھے دھر لیا جاتا۔
Verse 58 — Surah As-Saffat 37:58
(پھر وہ خوشی کے عالم میں اپنے جنتی ساتھیوں سے کہے گا) اچھا تو کیا اب ہمیں موت نہیں آئے گی ؟
Verse 59 — Surah As-Saffat 37:59
سوائے اس موت کے جو ہمیں پہلے آچکی ؟ اور ہمیں عذاب بھی نہیں ہوگا ؟
Verse 60 — Surah As-Saffat 37:60
حقیقت یہ ہے کہ زبردست کامیابی یہی ہے۔
Verse 61 — Surah As-Saffat 37:61
اسی جیسی کامیابی کے لیے عمل کرنے والوں کو عمل کرنا چاہے۔
Verse 62 — Surah As-Saffat 37:62
بھلا یہ مہمانی اچھی ہے، یا زقوم کا درخت ؟
Verse 63 — Surah As-Saffat 37:63
ہم نے اس درخت کو ان ظالموں کے لیے ایک آزمائش بنادیا ہے۔
Verse 64 — Surah As-Saffat 37:64
دراصل وہ درخت ہی ایسا ہے جو درزخ کی تہہ سے نکلتا ہے۔
Verse 65 — Surah As-Saffat 37:65
اس کا خوشہ ایسا ہے جیسے شیطانوں کے سر۔
Verse 66 — Surah As-Saffat 37:66
چنانچہ دوزخی لوگ اسی میں سے خوراک حاصل کریں گے، اور اسی سے پیٹ بھریں گے۔
Verse 67 — Surah As-Saffat 37:67
پھر انہیں اس کے اوپر سے کھولتے ہوئے پانی کا آمیزہ ملے گا۔
Verse 68 — Surah As-Saffat 37:68
پھر وہ لوٹیں گے تو اسی دوزخ کی طرف لوٹیں گے۔
Verse 69 — Surah As-Saffat 37:69
انہوں نے اپنے باپ دادوں کو گمراہی کی حالت میں پایا تھا۔
Verse 70 — Surah As-Saffat 37:70
چنانچہ یہ انہی کے نقش قدم پر لپک لپک کر دوڑتے رہے۔
Verse 71 — Surah As-Saffat 37:71
اور ان سے پہلے جو لوگ گزر چکے ہیں، ان میں سے اکثر لوگ بھی گمراہ ہوئے۔
Verse 72 — Surah As-Saffat 37:72
اور حقیقت یہ ہے کہ ہم نے ان کے درمیان خبردار کرنے والے (پیغمبر) بھیجے تھے۔
Verse 73 — Surah As-Saffat 37:73
اب دیکھ لو کہ جن کو خبردار کیا گیا تھا، ان کا انجام کیسا ہوا ؟
Verse 74 — Surah As-Saffat 37:74
البتہ جو اللہ کے برگزیدہ بندے تھے (وہ محفوظ رہے)
Verse 75 — Surah As-Saffat 37:75
اور نوح نے ہمیں پکارا تھا تو (دیکھ لو کہ) ہم پکار کا کتنا اچھا جواب دینے والے ہیں۔
Verse 76 — Surah As-Saffat 37:76
اور ہم نے انہیں اور ان کے گھر والوں کو بڑے کرب سے نجات دی۔
Verse 77 — Surah As-Saffat 37:77
اور ہم نے ان کی نسل ہی کو باقی رکھا۔
Verse 78 — Surah As-Saffat 37:78
اور جو لوگ ان کے بعد آئے ان میں یہ روایت قائم کی۔
Verse 79 — Surah As-Saffat 37:79
(کہ وہ یہ کہا کریں کہ) سلام ہو نوح پر دنیا جہان کے لوگوں میں۔
Verse 80 — Surah As-Saffat 37:80
ہم نیک عمل کرنے والوں کو اسی طرح صلہ دیتے ہیں۔
Verse 81 — Surah As-Saffat 37:81
بیشک وہ ہمارے مومن بندوں میں سے تھے۔
Verse 82 — Surah As-Saffat 37:82
پھر ہم نے دوسرے لوگوں کو پانی میں غرق کردیا۔
Verse 83 — Surah As-Saffat 37:83
اور انہی کے طریقے پر چلنے والوں میں یقینا ابراہیم بھی تھے۔
Verse 84 — Surah As-Saffat 37:84
جب وہ اپنے پروردگار کے پاس صاف ستھرا دل لے کر آئے۔
Verse 85 — Surah As-Saffat 37:85
جب انہوں نے اپنے باپ اور اپنی قوم سے کہا کہ : تم کن چیزوں کی عبادت کرتے ہو ؟
Verse 86 — Surah As-Saffat 37:86
کیا اللہ کو چھوڑ کر جھوٹ موٹ کے خدا چاہتے ہو ؟
Verse 87 — Surah As-Saffat 37:87
تو پھر جو ذات سارے جہانوں کو پالنے والی ہے، اس کے بارے میں تمہارا کیا خیال ہے ؟
Verse 88 — Surah As-Saffat 37:88
اس کے (کچھ عرصے) بعد انہوں نے ستاروں کی طرف ایک نگاہ ڈال کر دیکھا۔
Verse 89 — Surah As-Saffat 37:89
اور کہا کہ : میری طبیعت خراب ہے۔
Verse 90 — Surah As-Saffat 37:90
چنانچہ وہ لوگ پیٹھ موڑ کر ان کے پاس سے چلے گئے۔
Verse 91 — Surah As-Saffat 37:91
اس کے بعد یہ ان کے بنائے ہوئے معبودوں (یعنی بتوں) میں جا گھسے (اور ان سے) کہا : کیا تم کھاتے نہیں ہو ؟
Verse 92 — Surah As-Saffat 37:92
تمہیں کیا ہوگیا کہ تم بولتے نہیں ؟
Verse 93 — Surah As-Saffat 37:93
پھر وہ پوری قوت سے مارتے ہوئے ان (بتوں) پر پل پڑے۔
Verse 94 — Surah As-Saffat 37:94
اس پر ان کی قوم کے لوگ ان کے پاس دوڑے ہوئے آئے۔
Verse 95 — Surah As-Saffat 37:95
ابراہیم نے کہا : کیا تم ان (بتوں) کو پوجتے ہو جنہیں خود تراشتے ہو ؟
Verse 96 — Surah As-Saffat 37:96
حالانکہ اللہ نے تمہیں بھی پیدا کیا ہے اور جو کچھ تم بناتے ہو اس کو بھی۔
Verse 97 — Surah As-Saffat 37:97
ان لوگوں نے کہا : ابراہیم کے لیے ایک عمارت بناؤ، اور اسے دہکتی ہوئی آگی میں پھینک دو ۔
Verse 98 — Surah As-Saffat 37:98
اس طرح انہوں نے ابراہیم کے خلاف ایک برا منصوبہ بنانا چاہا، لیکن ہم نے انہیں نیچا دکھا دیا۔
Verse 99 — Surah As-Saffat 37:99
اور ابراہیم نے کہا : میں اپنے رب کے پاس جارہا ہوں، وہی میری رہنمائی فرمائے گا۔
Verse 100 — Surah As-Saffat 37:100
میرے پروردگار ! مجھے ایک ایسا بیٹا دیدے جو نیک لوگوں میں سے ہو۔
Verse 101 — Surah As-Saffat 37:101
چنانچہ ہم نے انہیں ایک بردبار لڑکے کی خوشخبری دی۔
Verse 102 — Surah As-Saffat 37:102
پھر جب وہ لڑکا ابراہیم کے ساتھ چلنے پھرنے کے قابل ہوگیا تو انہوں نے کہا : بیٹے ! میں خواب میں دیکھتا ہوں کہ تمہیں ذبح کر رہا ہوں، اب سوچ کر بتاؤ، تمہاری کیا رائے ہے ؟ بیٹے نے کہا : ابا جان ! آپ وہی کیجیے جس کا آپ کو حکم دیا جارہا ہے۔ انشاء اللہ آپ مجھے صبر کرنے والوں میں سے پائیں گے۔
Verse 103 — Surah As-Saffat 37:103
چنانچہ (وہ عجیب منظر تھا) جب دونوں نے سر جھکا دیا، اور باپ نے بیٹے کو پیشانی کے بل گرایا۔
Verse 104 — Surah As-Saffat 37:104
اور ہم نے انہیں آواز دی کہ : اے ابراہیم
Verse 105 — Surah As-Saffat 37:105
تم نے خواب کو سچ کر دکھایا۔ یقینا ہم نیکی کرنے والوں کو اسی طرح صلہ دیتے ہیں۔
Verse 106 — Surah As-Saffat 37:106
یقینا یہ ایک کھلا ہوا امتحان تھا۔
Verse 107 — Surah As-Saffat 37:107
اور ہم نے ایک عظیم ذبیحہ کا فدیہ دے کر اس بچے کو بچا لیا۔
Verse 108 — Surah As-Saffat 37:108
اور جو لوگ ان کے بعد آئے ان میں یہ روایت قائم کی
Verse 109 — Surah As-Saffat 37:109
(کہ وہ یہ کہا کریں کہ) سلام ہو ابراہیم پر۔
Verse 110 — Surah As-Saffat 37:110
ہم نیکی کرنے والوں کو اسی طرح صلہ دیتے ہیں۔
Verse 111 — Surah As-Saffat 37:111
یقینا وہ ہمارے مومن بندوں میں سے تھے۔
Verse 112 — Surah As-Saffat 37:112
اور ہم نے انہیں اسحاق کی خوشخبری دی، کہ وہ صالحین میں سے ایک نبی ہوں گے۔
Verse 113 — Surah As-Saffat 37:113
اور ہم نے ان پر بھی برکتیں نازل کیں۔ اور اسحاق پر بھی، اور ان کی اولاد میں سے کچھ لوگ نیک عمل کرنے والے ہیں، اور کچھ اپنی جان پر کھلا ظلم کرنے والے۔
Verse 114 — Surah As-Saffat 37:114
اور بیشک ہم نے موسیٰ اور ہارون پر بھی احسان کیا۔
Verse 115 — Surah As-Saffat 37:115
اور ہم نے انہیں اور ان کی قوم کو ایک بڑے کرب سے نجات دی
Verse 116 — Surah As-Saffat 37:116
اور ہم نے ان کی مدد کی جس کے نتیجے میں وہی غالب رہے۔
Verse 117 — Surah As-Saffat 37:117
اور ہم نے ان دونوں کو ایسی کتاب عطا کی جو بالکل واضح تھی۔
Verse 118 — Surah As-Saffat 37:118
اور ان دونوں کو سیدھے راستے کی ہدایت دی۔
Verse 119 — Surah As-Saffat 37:119
اور جو لوگ ان کے بعد آئے، ان میں یہ روایت قائم کی۔
Verse 120 — Surah As-Saffat 37:120
(کہ وہ یہ کہا کریں کہ) سلام ہو موسیٰ اور ہارون پر
Verse 121 — Surah As-Saffat 37:121
یقینا ہم نیکی کرنے والوں کو اسی طرح صلہ دیتے ہیں۔
Verse 122 — Surah As-Saffat 37:122
بیشک وہ دونوں ہمارے مومن بندوں میں سے تھے۔
Verse 123 — Surah As-Saffat 37:123
اور الیاس بھی یقینا پیغمبروں میں سے تھے۔
Verse 124 — Surah As-Saffat 37:124
جب انہوں نے اپنی قوم سے کہا تھا کہ : کیا تم لوگ اللہ سے ڈرتے نہیں ہو ؟
Verse 125 — Surah As-Saffat 37:125
کیا تم بعل (نامی بت) کو پوجتے ہو، اور اس کو چھوڑ دیتے ہو جو سب سے بہتر تخلیق کرنے والا ہے ؟
Verse 126 — Surah As-Saffat 37:126
اس اللہ کو جو تمہارا بھی پروردگار ہے، اور تمہارے باپ دادوں کا بھی جو پہلے گزر چکے ہیں ؟
Verse 127 — Surah As-Saffat 37:127
پھر ہوا یہ کہ انہوں نے الیاس کو جھٹلایا، اس لیے وہ ضرور (عذاب میں) دھر لیے جائیں گے۔
Verse 128 — Surah As-Saffat 37:128
البتہ اللہ کے برگزیدہ بندے (محفوظ رہیں گے)
Verse 129 — Surah As-Saffat 37:129
اور جو لوگ ان کے بعد آئے ان میں ہم نے یہ روایت قائم کی۔
Verse 130 — Surah As-Saffat 37:130
(کہ وہ یہ کہا کریں کہ) سلام ہو الیاسین پر
Verse 131 — Surah As-Saffat 37:131
یقینا ہم نیکی کرنے والوں کو اسی طرح صلہ دیتے ہیں۔
Verse 132 — Surah As-Saffat 37:132
بیشک وہ ہمارے مومن بندوں میں سے تھے۔
Verse 133 — Surah As-Saffat 37:133
اور یقینا لوط بھی پیغمبروں میں سے تھے۔
Verse 134 — Surah As-Saffat 37:134
جب ہم نے ان کو اور ان کے سارے گھر والوں کو (عذاب سے) نجات دی تھی۔
Verse 135 — Surah As-Saffat 37:135
سوائے ایک بڑھیا کے جو پیچھے رہ جانے والوں میں شامل رہی۔
Verse 136 — Surah As-Saffat 37:136
پھر ہم نے دوسرے لوگوں کو مل یا میٹ کردیا۔
Verse 137 — Surah As-Saffat 37:137
اور (اے مکہ والو !) تم ان (کی بستیوں) پر سے گزرا کرتے ہو، (کبھی) صبح ہوتے۔
Verse 138 — Surah As-Saffat 37:138
اور (کبھی) رات کے وقت کیا پھر بھی تمہیں عقل نہیں آتی ؟
Verse 139 — Surah As-Saffat 37:139
اور یقینا یونس بھی پیغمبروں میں سے تھے۔
Verse 140 — Surah As-Saffat 37:140
جب وہ بھاگ کر بھری ہوئی کشتی میں پہنچے۔
Verse 141 — Surah As-Saffat 37:141
پھر وہ قرعہ اندازی میں شریک ہوئے، اور قرعے میں مغلوب ہوئے۔
Verse 142 — Surah As-Saffat 37:142
پھر مچھلی نے انہیں نگل لیا، جبکہ وہ اپنے آپ کو ملامت کر رہے تھے۔
Verse 143 — Surah As-Saffat 37:143
چنانچہ اگر وہ تسبیح کرنے والوں میں سے نہ ہوتے۔
Verse 144 — Surah As-Saffat 37:144
تو وہ اس دن تک اسی مچھلی کے پیٹ میں رہتے جس دن مردوں کو زندہ کیا جائے گا۔
Verse 145 — Surah As-Saffat 37:145
پھر ہم نے انہیں ایسی حالت میں ایک کھلے میدان میں لاکر ڈال دیا کہ وہ بیمار تھے۔
Verse 146 — Surah As-Saffat 37:146
اور ان کے اوپر ایک بیل دار درخت اگا دیا۔
Verse 147 — Surah As-Saffat 37:147
اور ہم نے انہیں ایک لاکھ، بلکہ اس سے بھی زیادہ لوگوں کے پاس پیغمبر بنا کر بھیجا تھا۔
Verse 148 — Surah As-Saffat 37:148
پھر وہ ایمان لے آئے تھے اس لیے ہم نے انہیں ایک زمانے تک زندگی سے فائدہ اٹھانے کا موقع دیا۔
Verse 149 — Surah As-Saffat 37:149
اب ان (مکہ کے مشرکوں) سے پوچھو کہ : کیا (اے پیغمبر) تمہارے رب کے حصے میں تو بیٹیاں آئی ہیں اور خود ان کے حصے میں بیٹے ؟
Verse 150 — Surah As-Saffat 37:150
یا پھر جب ہم نے فرشتوں کو عورت بنایا تھا تو کیا یہ دیکھ رہے تھے ؟
Verse 151 — Surah As-Saffat 37:151
یاد رکھو ! یہ اپنی من گھڑت بات کی وجہ سے کہتے ہیں۔
Verse 152 — Surah As-Saffat 37:152
کہ اللہ کے کوئی اولاد ہے، اور یہ لوگ یقینی طور پر جھوٹے ہیں۔
Verse 153 — Surah As-Saffat 37:153
کیا اللہ نے بیٹوں کے بجائے بیٹیاں پسند کی ہیں ؟
Verse 154 — Surah As-Saffat 37:154
تمہیں کیا ہوگیا ہے ؟ تم کیسا انصاف کرتے ہو ؟
Verse 155 — Surah As-Saffat 37:155
بھلا کیا تم اتنا بھی دھیان نہیں دیتے ؟
Verse 156 — Surah As-Saffat 37:156
یا اگر تمہارے پاس کوئی واضح دلیل ہے۔
Verse 157 — Surah As-Saffat 37:157
تو لاؤ اپنی وہ کتاب اگر تم سچے ہو۔
Verse 158 — Surah As-Saffat 37:158
اور انہوں نے اللہ اور جنات کے درمیان بھی نسبی رشتہ داری بنا رکھی ہے۔ حالانکہ خود جنات کو یہ بات معلوم ہے کہ یہ لوگ مجرم بن کر پیش ہوں گے۔
Verse 159 — Surah As-Saffat 37:159
(کیونکہ) جو باتیں یہ بناتے ہیں، اللہ ان سب سے پاک ہے۔
Verse 160 — Surah As-Saffat 37:160
البتہ اللہ کے برگزیدہ بندے (محفوظ رہیں گے)
Verse 161 — Surah As-Saffat 37:161
کیونکہ تم اور جن جن کی تم عبات کرتے ہو۔
Verse 162 — Surah As-Saffat 37:162
وہ کسی کو اللہ کے بارے میں گمراہ نہیں کرسکتے۔
Verse 163 — Surah As-Saffat 37:163
سوائے ایسے شخص کے جو دوزخ میں جلنے والا ہو۔
Verse 164 — Surah As-Saffat 37:164
اور (فرشتے تو یہ کہتے ہیں کہ) ہم میں سے ہر ایک کا ایک معین مقام ہے۔
Verse 165 — Surah As-Saffat 37:165
اور ہم تو (اللہ تعالیٰ کی اطاعت میں) صف باندھے رہتے ہیں۔
Verse 166 — Surah As-Saffat 37:166
اور ہم تو اللہ کی پاکی بیان کرتے رہتے ہیں۔
Verse 167 — Surah As-Saffat 37:167
اور یہ (کافر) لوگ پہلے تو یہ کہا کرتے تھے۔
Verse 168 — Surah As-Saffat 37:168
کہ اگر ہمارے پاس پچھلے لوگوں کی طرح کوئی نصیحت کی کتاب ہوتی۔
Verse 169 — Surah As-Saffat 37:169
تو ہم بھی ضرور اللہ کے برگزیدہ بندوں میں شامل ہوتے۔
Verse 170 — Surah As-Saffat 37:170
پھر بھی انہوں نے کفر کی روش اپنائی ہے۔ اس لیے انہیں سب پتہ چلا جائے گا۔
Verse 171 — Surah As-Saffat 37:171
اور ہم پہلے ہی اپنے پیغمبر بندوں کے بارے میں یہ بات طے کرچکے ہیں۔
Verse 172 — Surah As-Saffat 37:172
کہ یقینی طور پر ان کی مدد کی جائے گی۔
Verse 173 — Surah As-Saffat 37:173
اور حقیقت یہ ہے کہ ہمارے لشکر کے لوگ ہی غالب رہتے ہیں۔
Verse 174 — Surah As-Saffat 37:174
لہذا (اے پیغمبر) تم کچھ وقت تک ان لوگوں سے بےپرواہ ہوجاؤ۔
Verse 175 — Surah As-Saffat 37:175
اور انہیں دیکھتے رہو، عنقریب یہ خود بھی دیکھ لیں گے۔
Verse 176 — Surah As-Saffat 37:176
بھلا کیا یہ ہمارے عذاب کے لیے جلدی مچا رہے ہیں ؟
Verse 177 — Surah As-Saffat 37:177
سو جب وہ ان کے صحن میں آ اترے گا تو جن لوگوں کو خبردار کیا جاچکا تھا، ان کی وہ صبح بہت بری صبح ہوگی۔
Verse 178 — Surah As-Saffat 37:178
اور تم کچھ وقت تک ان لوگوں سے بےپرواہ ہوجاؤ۔
Verse 179 — Surah As-Saffat 37:179
اور دیکھتے رہو عنقریب یہ خود بھی دیکھ لیں گے۔
Verse 180 — Surah As-Saffat 37:180
تمہارا پروردگار عزت کا مالک، ان سب باتوں سے پاک ہے جو یہ لوگ بناتے ہیں۔
Verse 181 — Surah As-Saffat 37:181
اور سلام ہو پیغمبروں پر۔
Verse 182 — Surah As-Saffat 37:182
اور تمام تر تعریف اللہ کی ہے جو سارے جہانوں کا پروردگار ہے۔