Back to Languages
Urdu - Chapter 56 - Al-Waqiah
Translation by Muhammad Taqi Usmani — Permalink
Verse 1 — Surah Al-Waqiah 56:1
جب وہ ہونے والا واقعہ پیش آجائے گا۔
Verse 2 — Surah Al-Waqiah 56:2
تو اس کے پیش آنے کو کوئی جھٹلانے والا نہیں ہوگا۔
Verse 3 — Surah Al-Waqiah 56:3
وہ ایک تہہ وبالا کرنے والی چیز ہوگی۔
Verse 4 — Surah Al-Waqiah 56:4
جب زمین ایک بھونچال سے جھنجوڑ دی جائے گی۔
Verse 5 — Surah Al-Waqiah 56:5
اور پہاڑوں کو پیس کر چورا کردیا جائے گا۔
Verse 6 — Surah Al-Waqiah 56:6
یہاں تک کہ وہ بکھرا ہوا غبار بن کر رہ جائیں گے۔
Verse 7 — Surah Al-Waqiah 56:7
اور (لوگو) تم تین قسموں میں بٹ جاؤ گے۔
Verse 8 — Surah Al-Waqiah 56:8
چنانچہ جو دائیں ہاتھ والے ہیں، کیا کہنا ان دائیں ہاتھ والوں کا۔
Verse 9 — Surah Al-Waqiah 56:9
اور جو بائیں ہاتھ والے ہیں، کیا بتائیں وہ بائیں ہاتھ والے کیا ہیں ؟
Verse 10 — Surah Al-Waqiah 56:10
اور جو سبقت لے جانے والے ہیں، وہ تو ہیں ہی سبقت لے جانے والے
Verse 11 — Surah Al-Waqiah 56:11
وہی ہیں جو اللہ کے خاص مقرب بندے ہیں۔
Verse 12 — Surah Al-Waqiah 56:12
وہ نعمتوں کے باغات میں ہوں گے۔
Verse 13 — Surah Al-Waqiah 56:13
شروع کے لوگوں میں سے بہت سے۔
Verse 14 — Surah Al-Waqiah 56:14
اور بعد کے لوگوں میں سے تھوڑے۔
Verse 15 — Surah Al-Waqiah 56:15
سونے کے تاروں سے بنی ہوئی اونچی نشستوں پر۔
Verse 16 — Surah Al-Waqiah 56:16
ایک دوسرے کے سامنے ان پر تکیہ لگائے ہوئے۔
Verse 17 — Surah Al-Waqiah 56:17
سدا رہنے والے لڑکے ان کے سامنے گردش میں ہوں گے۔
Verse 18 — Surah Al-Waqiah 56:18
ایسی شراب کے پیالے، جگ اور جام لے کر۔
Verse 19 — Surah Al-Waqiah 56:19
جس سے نہ ان کے سر میں درد ہوگا، اور نہ ان کے ہوش اڑیں گے۔
Verse 20 — Surah Al-Waqiah 56:20
اور وہ پھل لے کر جو وہ پسند کریں۔
Verse 21 — Surah Al-Waqiah 56:21
اور پرندوں کا وہ گوشت لے کر جس کو ان کا دل چاہے۔
Verse 22 — Surah Al-Waqiah 56:22
اور وہ بڑی بڑی آنکھوں والی حوریں۔
Verse 23 — Surah Al-Waqiah 56:23
ایسی جیسے چھپا کر رکھے ہوئے موتی۔
Verse 24 — Surah Al-Waqiah 56:24
یہ سب بدلہ ہوگا ان کاموں کا جو وہ کیا کرتے تھے۔
Verse 25 — Surah Al-Waqiah 56:25
وہ اس جنت میں نہ کوئی بےہودہ بات سنیں گے۔ اور نہ کوئی گناہ کی بات۔
Verse 26 — Surah Al-Waqiah 56:26
ہاں جو بات ہوگی، سلامتی ہی سلامتی کی ہوگی۔
Verse 27 — Surah Al-Waqiah 56:27
اور وہ جو دائیں ہاتھ والے ہوں گے، کیا کہنا ان دائیں ہاتھ والوں کا۔
Verse 28 — Surah Al-Waqiah 56:28
(وہ عیش کریں گے) کانٹوں سے پاک بیریوں میں۔
Verse 29 — Surah Al-Waqiah 56:29
اور اوپر تلے لدے ہوئے کیلے کے درختوں میں۔
Verse 30 — Surah Al-Waqiah 56:30
اور دور تک پھیلے ہوئے سائے میں۔
Verse 31 — Surah Al-Waqiah 56:31
اور بہتے ہوئے پانی میں۔
Verse 32 — Surah Al-Waqiah 56:32
اور ڈھیر سارے پھلوں میں۔
Verse 33 — Surah Al-Waqiah 56:33
جو نہ کبھی ختم ہوں گے اور نہ ان پر کوئی روک ٹوک ہوگی۔
Verse 34 — Surah Al-Waqiah 56:34
اور اونچے رکھے ہوئے فرشوں میں۔
Verse 35 — Surah Al-Waqiah 56:35
یقین جانو، ہم نے ان عورتوں کو نئی اٹھان دی ہے۔
Verse 36 — Surah Al-Waqiah 56:36
چنانچہ انہیں کنواریاں بنایا ہے۔
Verse 37 — Surah Al-Waqiah 56:37
(شوہروں کے لیے) محبت سے بھری ہوئی، عمر میں برابر
Verse 38 — Surah Al-Waqiah 56:38
سب کچھ دائیں ہاتھ والوں کے لیے۔
Verse 39 — Surah Al-Waqiah 56:39
(جن میں سے) بہت سے شروع کے لوگوں میں سے ہوں گے۔
Verse 40 — Surah Al-Waqiah 56:40
اور بہت سے بعد والوں میں سے۔
Verse 41 — Surah Al-Waqiah 56:41
اور جو بائیں ہاتھ والے ہیں، کیا بتائیں بائیں ہاتھ والے کیا ہیں ؟
Verse 42 — Surah Al-Waqiah 56:42
وہ ہوں گے تپتی ہوئی لو میں، اور کھولتے ہوئے پانی میں۔
Verse 43 — Surah Al-Waqiah 56:43
اور سیاہ دھویں کے سائے میں
Verse 44 — Surah Al-Waqiah 56:44
جو نہ ٹھنڈا ہوگا، نہ کوئی فائدہ پہنچانے والا۔
Verse 45 — Surah Al-Waqiah 56:45
یہ لوگ اس سے پہلے بڑے عیش میں تھے۔
Verse 46 — Surah Al-Waqiah 56:46
اور بڑے بھاری گناہ پر اڑے رہتے تھے۔
Verse 47 — Surah Al-Waqiah 56:47
اور کہا کرتے تھے کہ : کیا جب ہم مرجائیں گے اور مٹی اور ہڈیاں بن کر رہ جائیں گے، تو کیا ہمیں دوبارہ زندہ کیا جائے گا ؟
Verse 48 — Surah Al-Waqiah 56:48
اور کیا ہمارے پہلے گزرے ہوئے باپ دادوں کو بھی ؟
Verse 49 — Surah Al-Waqiah 56:49
کہہ دو کہ : یقینا سب اگلے اور پچھلے۔
Verse 50 — Surah Al-Waqiah 56:50
ایک متعین دن کے طے شدہ وقت پر ضرور اکٹھے کیے جائیں گے۔
Verse 51 — Surah Al-Waqiah 56:51
پھر اے جھٹلانے والے گمراہو، تم لوگوں کو
Verse 52 — Surah Al-Waqiah 56:52
ایک ایسے درخت میں سے کھانا پڑے گا جس کا نام زقوم ہے۔
Verse 53 — Surah Al-Waqiah 56:53
پھر اسی سے پیٹ بھرنے ہوں گے۔
Verse 54 — Surah Al-Waqiah 56:54
پھر اس کے اوپر سے کھولتا ہوا پانی پینا پڑے گا۔
Verse 55 — Surah Al-Waqiah 56:55
اور پینا بھی اس طرح جیسے پیاس کی بیماری والے اونٹ پیتے ہیں۔
Verse 56 — Surah Al-Waqiah 56:56
یہ ہوگی جزاء و سزا کے دن ان لوگوں کی مہمانی۔
Verse 57 — Surah Al-Waqiah 56:57
ہم نے تمہیں پیدا کیا ہے، پھر تم تصدیق کیوں نہیں کرتے ؟
Verse 58 — Surah Al-Waqiah 56:58
ذرا یہ بتلاؤ کہ جو نطفہ تم ٹپکاتے ہو۔
Verse 59 — Surah Al-Waqiah 56:59
کیا اسے تم پیدا کرتے ہو یا پیدا کرنے والے ہم ہیں ؟
Verse 60 — Surah Al-Waqiah 56:60
ہم نے ہی تمہارے درمیان موت کے فیصلے کر رکھے ہیں اور کوئی نہیں ہے جو ہمیں اس بات سے عاجز کرسکے۔
Verse 61 — Surah Al-Waqiah 56:61
کہ ہم تمہاری جگہ تم جیسے اور لوگ لے آئیں، اور تمہیں پھر سے کسی ایسی حالت میں پیدا کردیں جسے تم نہیں جانتے۔
Verse 62 — Surah Al-Waqiah 56:62
اور تمہیں اپنی پہلی پیدائش کا پورا پتہ ہے، پھر کیوں سبق نہیں لیتے ؟
Verse 63 — Surah Al-Waqiah 56:63
اچھا یہ بتاؤ کہ جو کچھ تم زمین میں بوتے ہو،
Verse 64 — Surah Al-Waqiah 56:64
کیا اسے تم اگاتے ہو یا اگانے والے ہم ہیں ؟
Verse 65 — Surah Al-Waqiah 56:65
اگر ہم چاہیں تو اسے چورا چورا کر ڈالیں، جس پر تم بھونچکے رہ جاؤ۔
Verse 66 — Surah Al-Waqiah 56:66
کہ ہم پر تو تاوان پڑگیا۔
Verse 67 — Surah Al-Waqiah 56:67
بلکہ ہم ہیں ہی بدنصیب۔
Verse 68 — Surah Al-Waqiah 56:68
اچھا یہ بتاؤ کہ یہ پانی جو تم پیتے ہو۔
Verse 69 — Surah Al-Waqiah 56:69
کیا اسے بادلوں سے تم نے اتارا ہے، یا اتارنے والے ہم ہیں ؟
Verse 70 — Surah Al-Waqiah 56:70
اگر ہم چاہیں تو اسے کڑوا بنا کر رکھ دیں، پھر تم کیوں شکر ادا نہیں کرتے ؟
Verse 71 — Surah Al-Waqiah 56:71
اچھا یہ بتاؤ کہ یہ آگ جو تم سلگاتے ہو۔
Verse 72 — Surah Al-Waqiah 56:72
کیا اس کا درخت تم نے پیدا کیا ہے، یا پیدا کرنے والے ہم ہیں ؟
Verse 73 — Surah Al-Waqiah 56:73
ہم نے ہی اس کو نصیحت کا سامان اور صحرائی مسافروں کے لیے فائدے کی چیز بنایا ہے۔
Verse 74 — Surah Al-Waqiah 56:74
لہذا (اے پیغمبر) تم اپنے عظیم پروردگار کا نام لے کر اس کی تسبیح کرو۔
Verse 75 — Surah Al-Waqiah 56:75
اب میں ان جگہوں کی قسم کھا کر کہتا ہوں جہاں ستارے گرتے ہیں۔
Verse 76 — Surah Al-Waqiah 56:76
اور اگر تم سمجھو تو یہ بڑی زبردست قسم ہے۔
Verse 77 — Surah Al-Waqiah 56:77
کہ یہ بڑا باوقار قرآن ہے ؟
Verse 78 — Surah Al-Waqiah 56:78
جو ایک محفوظ کتاب میں (پہلے سے) درج ہے۔
Verse 79 — Surah Al-Waqiah 56:79
اس کو وہی لوگ چھوتے ہیں جو خوب پاک ہیں۔
Verse 80 — Surah Al-Waqiah 56:80
یہ تمام جہانوں کے پروردگار کی طرف سے تھوڑا تھوڑا کر کے اتارا جارہا ہے۔
Verse 81 — Surah Al-Waqiah 56:81
کیا پھر بھی تم اس کلام سے بےپروائی برتتے ہو ؟
Verse 82 — Surah Al-Waqiah 56:82
اور تم نے اسی کو اپنا روزگار بنا لیا ہے کہ (اس کو) جھٹلاتے رہو ؟
Verse 83 — Surah Al-Waqiah 56:83
پھر ایسا کیوں نہیں ہوتا ہے کہ جب (کسی کی) جان گلے تک پہنچ جاتی ہے۔
Verse 84 — Surah Al-Waqiah 56:84
اور اس وقت تم (حسرت سے اس کو) دیکھ رہے ہوتے ہو۔
Verse 85 — Surah Al-Waqiah 56:85
اور تم سے زیادہ ہم اس کے قریب ہوتے ہیں، مگر تمہیں نظر نہیں آتا۔
Verse 86 — Surah Al-Waqiah 56:86
اگر تمہارا حساب کتاب ہونے والا نہیں ہے تو ایسا کیوں نہیں ہوتا۔
Verse 87 — Surah Al-Waqiah 56:87
کہ تم اس جان کو واپس لے آؤ، اگر تم سچے ہو ؟
Verse 88 — Surah Al-Waqiah 56:88
پھر اگر وہ (مرنے والا) اللہ کے مقرب بندوں میں سے ہو۔
Verse 89 — Surah Al-Waqiah 56:89
تو (اس کے لیے) آرام ہی آرام ہے، خوشبو ہی خوشبو ہے، اور نعمتوں سے بھرا باغ ہے۔
Verse 90 — Surah Al-Waqiah 56:90
اور اگر وہ دائیں ہاتھ والوں میں سے ہو۔
Verse 91 — Surah Al-Waqiah 56:91
تو (اس سے کہا جائے گا کہ) تمہارے لیے سلامتی ہی سلامتی ہے کہ تم دائیں ہاتھ والوں میں سے ہو۔
Verse 92 — Surah Al-Waqiah 56:92
اور اگر وہ ان گمراہوں میں سے ہو جو حق کو جھٹلانے والے تھے۔
Verse 93 — Surah Al-Waqiah 56:93
تو (اس کے لیے) کھولتے ہوئے پانی کی مہمانی ہے۔
Verse 94 — Surah Al-Waqiah 56:94
اور دوزخ کا داخلہ ہے۔
Verse 95 — Surah Al-Waqiah 56:95
اس میں کوئی شک نہیں کہ بالکل صحیح معنی میں یہی یقینی بات ہے۔
Verse 96 — Surah Al-Waqiah 56:96
لہذا (اے پیغمبر) تم اپنے عظیم پروردگار کا نام لے کر اس کی تسبیح کرو۔