Back to Languages
Urdu - Chapter 69 - Al-Haqqah
Translation by Muhammad Taqi Usmani — Permalink
Verse 1 — Surah Al-Haqqah 69:1
وہ حقیقت ہو کر رہے گی۔
Verse 2 — Surah Al-Haqqah 69:2
کیا ہے وہ حقیقت جو ہو کر رہے گی ؟
Verse 3 — Surah Al-Haqqah 69:3
اور تمہیں کیا پتہ کہ وہ حقیقت کیا ہے جو ہو کر رہے گی ؟
Verse 4 — Surah Al-Haqqah 69:4
ثمود اور عاد کی قوموں نے اسی جھنجوڑ ڈالنے والی حقیقت کو جھٹلایا تھا۔
Verse 5 — Surah Al-Haqqah 69:5
نتیجہ یہ کہ جو ثمود کے لوگ تھے، وہ (چنگھاڑ کی) ایسی آفت سے ہلاک کیے گئے جو حد سے زیادہ (خوفناک) تھی۔
Verse 6 — Surah Al-Haqqah 69:6
اور جو عاد کے لوگ تھے، انہیں ایک ایسی بےقابو طوفانی ہوا سے ہلاک کیا گیا۔
Verse 7 — Surah Al-Haqqah 69:7
جسے اللہ نے ان پر سات رات اور آٹھ دن لگاتار مسلط رکھا۔ چنانچہ تم (اگر وہاں ہوتے تو) دیکھتے کہ وہ لوگ وہاں کھجور کے کھوکھلے تنوں کی طرح پچھاڑے ہوئے پڑے تھے۔
Verse 8 — Surah Al-Haqqah 69:8
اب کیا ان میں سے کوئی بچا ہوا نظر آتا ہے ؟
Verse 9 — Surah Al-Haqqah 69:9
اور فرعون اور اس سے پہلے کے لوگوں نے اور (لوط (علیہ السلام) کی) الٹی ہوئی بستیوں نے بھی اسی جرم کا ارتکاب کیا تھا۔
Verse 10 — Surah Al-Haqqah 69:10
کہ انہوں نے اپنے پروردگار کے پیغمبر کی نافرمانی کی تھی، اس لیے اللہ نے انہیں سخت پکڑ میں لے لیا۔
Verse 11 — Surah Al-Haqqah 69:11
جب پانی طغیانی پر آیا تو ہم نے تمہیں کشتی میں سوار کردیا۔
Verse 12 — Surah Al-Haqqah 69:12
تاکہ ہم اس واقعے کو تمہارے لیے سبق آموز بنادیں اور یاد رکھنے والے کان اسے (سن کر) یاد رکھیں۔
Verse 13 — Surah Al-Haqqah 69:13
پھر جب ایک ہی دفعہ صور میں پھونک مار دی جائے گی۔
Verse 14 — Surah Al-Haqqah 69:14
اور زمین اور پہاڑوں کو اٹھا کر ایک ہی ضرب میں ریزہ ریزہ کردیا جائے گا۔
Verse 15 — Surah Al-Haqqah 69:15
تو اس دن وہ واقعہ پیش آجائے گا جسے پیش آنا ہے۔
Verse 16 — Surah Al-Haqqah 69:16
اور آسمان پھٹ پھڑے گا اور وہ اس دن بالکل بودا پڑجائے گا۔
Verse 17 — Surah Al-Haqqah 69:17
اور فرشتے اس کے کناروں پر ہوں گے، اور تمہارے پروردگار کے عرش کو اس دن آٹھ فرشتے اپنے اوپر اٹھائے ہوئے ہوں گے۔
Verse 18 — Surah Al-Haqqah 69:18
اس دن تمہاری پیشی اسی طرح ہوگی کہ تمہاری کوئی چھپی ہوئی چیز چھپی نہیں رہے گی۔
Verse 19 — Surah Al-Haqqah 69:19
پھر جس کسی کو اس کا اعمال نامہ اس کے دائیں ہاتھ میں دیا جائے گا۔ وہ کہے گا کہ : لوگو ! لو یہ میرا اعمال نامہ پڑھو۔
Verse 20 — Surah Al-Haqqah 69:20
میں پہلے ہی سمجھتا تھا کہ مجھے اپنے حساب کا سامنا کرنا ہوگا۔
Verse 21 — Surah Al-Haqqah 69:21
چنانچہ وہ من پسند عیش میں ہوگا۔
Verse 22 — Surah Al-Haqqah 69:22
اس اونچی جنت میں
Verse 23 — Surah Al-Haqqah 69:23
جس کے پھل جھکے پڑ رہے ہوں گے۔
Verse 24 — Surah Al-Haqqah 69:24
(کہا جائے گا کہ) اپنے ان اعمال کے صلے میں مزے سے کھاؤ پیو، جو تم نے گزرے ہوئے دنوں میں کیے تھے۔
Verse 25 — Surah Al-Haqqah 69:25
رہا وہ شخص جس کا اعمال نامہ اس کے بائیں ہاتھ میں دیا جائے گا تو وہ کہے گا کہ : اے کاش ! مجھے میرا اعمال دیا ہی نہ جاتا۔
Verse 26 — Surah Al-Haqqah 69:26
اور مجھے خبر بھی نہ ہوتی کہ میرا حساب کیا ہے ؟
Verse 27 — Surah Al-Haqqah 69:27
اے کاش ! کہ میری موت ہی پر میرا کام تمام ہوجاتا۔
Verse 28 — Surah Al-Haqqah 69:28
میرا مال میرے کچھ کام نہ آیا۔
Verse 29 — Surah Al-Haqqah 69:29
میرا سارا زور مجھ سے جاتا رہا۔
Verse 30 — Surah Al-Haqqah 69:30
(ایسے شخص کے بارے میں حکم ہوگا) پکڑو اسے، اور اس کے گلے میں طوق ڈال دو ۔
Verse 31 — Surah Al-Haqqah 69:31
پھر اسے دوزخ میں جھونک دو ۔
Verse 32 — Surah Al-Haqqah 69:32
پھر اسے ایسی زنجیر میں پرو دو جس کی پیمائش ستر ہاتھ کے برابر ہو۔
Verse 33 — Surah Al-Haqqah 69:33
یہ نہ تو خدائے بزرگ و برتر پر ایمان لاتا تھا۔
Verse 34 — Surah Al-Haqqah 69:34
اور نہ غریب کو کھانا کھلانے کی ترغیب دیتا تھا۔
Verse 35 — Surah Al-Haqqah 69:35
لہذا آج یہاں نہ اس کا کوئی یارو مددگار ہے۔
Verse 36 — Surah Al-Haqqah 69:36
اور نہ اس کو کوئی کھانے کی چیز میسر ہے۔ سوائے غسلین کے۔
Verse 37 — Surah Al-Haqqah 69:37
جسے گنہگاروں کے سوا کوئی نہیں کھائے گا۔
Verse 38 — Surah Al-Haqqah 69:38
اب میں قسم کھاتا ہوں اس کی بھی جسے تم دیکھتے ہو۔
Verse 39 — Surah Al-Haqqah 69:39
اور اس کی بھی جسے تم نہیں دیکھتے۔
Verse 40 — Surah Al-Haqqah 69:40
کہ یہ (قرآن) ایک معزز پیغام لانے والے کا کلام ہے۔
Verse 41 — Surah Al-Haqqah 69:41
اور یہ کسی شاعر کا کلام نہیں ہے۔ (مگر) تم ایمان تھوڑا ہی لاتے ہو۔
Verse 42 — Surah Al-Haqqah 69:42
اور نہ یہ کسی کاہن کا کلام ہے۔ (مگر) تم سبق تھوڑا ہی لیتے ہو۔
Verse 43 — Surah Al-Haqqah 69:43
یہ کلام تمام جہانوں کے پروردگار کی طرف سے اتارا جارہا ہے۔
Verse 44 — Surah Al-Haqqah 69:44
اور اگر (بالفرض) یہ پیغمبر کچھ (جھوٹی) باتیں بنا کر ہماری طرف منسوب کردیتے۔
Verse 45 — Surah Al-Haqqah 69:45
تو ہم ان کا داہنا ہاتھ پکڑ تے۔
Verse 46 — Surah Al-Haqqah 69:46
پھر ہم ان کی شہ رگ کاٹ دیتے۔
Verse 47 — Surah Al-Haqqah 69:47
پھر تم میں سے کوئی نہ ہوتا جو ان کے بچاؤ کے لیے آڑے آسکتا۔
Verse 48 — Surah Al-Haqqah 69:48
اور یقین جانو کہ یہ پرہیزگاروں کے لیے ایک نصیحت ہے۔
Verse 49 — Surah Al-Haqqah 69:49
اور ہمیں خوب معلوم ہے کہ تم میں کچھ لوگ جھٹلانے والے بھی ہیں۔
Verse 50 — Surah Al-Haqqah 69:50
اور یہ (قرآن) ایسے کافروں کے لیے حسرت کا سبب ہے۔
Verse 51 — Surah Al-Haqqah 69:51
اور یہی وہ یقینی بات ہے جو سراسر حق ہے۔
Verse 52 — Surah Al-Haqqah 69:52
لہذا تم اپنے پروردگار کے عظمت والے نام کی تسبیح کرتے رہو۔