Urdu - Chapter 80 - Abasa

(پیغمبر نے) منہ بنایا، اور رخ پھیرلیا۔

اس لیئے کہ ان کے پاس وہ نابینا آگیا تھا۔

اور (اے پیغمبر) تمہیں کیا خبر ؟ شاید وہ سدھر جاتا۔

یا وہ نصیحت قبول کرتا، اور نصیحت کرنا اسے فائدہ پہنچاتا۔

وہ شخص جو بےپروائی دکھا رہا تھا۔

اس کے تو تم پیچھے پڑتے ہو۔

حالانکہ اگر وہ نہ سدھرے تو تم پر کوئی ذمہ داری نہیں آتی۔

اور وہ جو محنت کر کے تمہارے پاس آیا ہے۔

اور وہ دل میں اللہ کا خوف رکھتا ہے۔

اس کی طرف سے تم بےپروائی برتتے ہو۔

ہرگزا یسا نہیں چاہیے۔ یہ قرآن تو ایک نصیحت ہے۔

اب جو چاہے، اسے یاد کرلے۔

وہ ایسے صحیفوں میں درج ہے جو بڑے مقدس ہیں۔

اونچے رتبے والے ہیں، پاکیزہ ہیں۔

ان لکھنے والوں کے ہاتھ میں رہتے ہیں۔

جو خود بڑی عزت والے، بہت نیک ہیں۔

خدا کی مار ہو ایسے انسان پر، وہ کتنا ناشکرا ہے۔

(وہ ذرا سوچے کہ) اللہ نے اسے کس چیز سے پیدا کیا ؟

نطفے کی ایک بوند سے، اسے پیدا بھی کیا، پھر اس کو ایک خاص انداز بھی دیا۔

پھر اس کے لیے راستہ بھی آسان بنادیا۔

پھر اسے موت دی، اور قبر میں پہنچا دیا۔

پھر جب چاہے گا اسے دوربارہ اٹھا کر کھڑا کردے گا۔

ہرگز نہیں ! جس بات کا اللہ نے اسے حکم دیا تھا، ابھی تک اس نے وہ پوری نہیں کی۔

پھر ذرا انسان اپنے کھانے ہی کو دیکھ لے۔

کہ ہم نے اوپر سے خوب پانی برسایا۔

پھر ہم نے زمین کو عجیب طرح پھاڑا۔

پھر ہم نے اس میں غلے اگائے۔

اور انگور اور ترکاریاں۔

اور زیتون اور کھجور۔

اور گھنے گھنے باغات۔

اور میوے اور چارہ۔

سب کچھ تمہارے اور تمہارے مویشیوں کے فائدے کی خاطر۔

آخر جب وہ کان پھاڑنے والی آواز آ ہی جائے گی۔ (اس وقت اس ناشکری کی حقیقت پتہ چل جائے گی)

اور اپنے ماں باپ سے بھی۔

اور اپنے بیوی بچوں سے بھی۔

(کیونکہ) ان میں سے ہر ایک کو اس دن اپنی ایسی فکر پڑی ہوگی کہ اسے دوسروں کا ہوش نہیں ہوگا۔

اس روز کتنے چہرے تو چمکتے دمکتے ہوں گے۔

ہنستے، خوشی مناتے ہوئے۔

اور کتنے چہرے اس دن ایسے ہوں گے کہ ان پر خاک پڑی ہوگی۔

سیاہی نے انہیں ڈھانپ رکھا ہوگا۔

یہ وہی لوگ ہوں گے جو کافر تھے، بدکار تھے۔