Back to Languages
Urdu - Chapter 83 - Al-Mutaffifin
Translation by Muhammad Taqi Usmani — Permalink
Verse 1 — Surah Al-Mutaffifin 83:1
بڑی خرابی ہے ناپ تول میں کمی کرنے والوں کی۔
Verse 2 — Surah Al-Mutaffifin 83:2
جن کا حال یہ ہے کہ جب وہ لوگوں سے خود کوئی چیز ناپ کرلیتے ہیں تو پوری پوری لیتے ہیں۔
Verse 3 — Surah Al-Mutaffifin 83:3
اور جب وہ کسی کو ناپ کر یا تول کردیتے ہیں تو گھٹا کردیتے ہیں۔
Verse 4 — Surah Al-Mutaffifin 83:4
کیا یہ لوگ یہ نہیں سوچتے کہ انہیں زندہ کر کے اٹھایا جائے گا ؟
Verse 5 — Surah Al-Mutaffifin 83:5
ایک بڑے زبردست دن میں
Verse 6 — Surah Al-Mutaffifin 83:6
جس دن سب لوگ رب العالمین کے سامنے کھڑے ہوں گے۔
Verse 7 — Surah Al-Mutaffifin 83:7
ہرگز ایسا نہیں چاہیے ! یقین جانو کہ بدکار لوگوں کا اعمال نامہ سجین میں ہے۔
Verse 8 — Surah Al-Mutaffifin 83:8
اور تمہیں کیا معلوم کہ سجین (میں رکھا ہوا اعمال نامہ) کیا چیز ہے ؟
Verse 9 — Surah Al-Mutaffifin 83:9
وہ ایک لکھی ہوئی کتاب ہے۔
Verse 10 — Surah Al-Mutaffifin 83:10
اس دن بڑی خرابی ہوگی حق کو جھٹلانے والوں کی۔
Verse 11 — Surah Al-Mutaffifin 83:11
جو جزاء و سزا کے دن کو جھٹلاتے ہیں۔
Verse 12 — Surah Al-Mutaffifin 83:12
اور اس دن کو وہی جھٹلاتا ہے جو حد سے گزرا ہوا گنہگار ہو۔
Verse 13 — Surah Al-Mutaffifin 83:13
اسے جب ہماری آیتیں پڑھ کر سنائی جاتی ہوں تو وہ کہتا ہو کہ : یہ تو پچھلے لوگوں کے افسانے ہیں۔
Verse 14 — Surah Al-Mutaffifin 83:14
ہرگز نہیں ! بلکہ جو عمل یہ کرتے رہے ہیں اس نے ان کے دلوں پر زنگ چڑھا دیا ہے۔
Verse 15 — Surah Al-Mutaffifin 83:15
ہرگز نہیں ! حقیقت یہ ہے کہ یہ لوگ اس دن اپنے پروردگار کے دیدار سے محروم ہوں گے۔
Verse 16 — Surah Al-Mutaffifin 83:16
پھر ان کو دوزخ میں داخل ہونا پڑے گا۔
Verse 17 — Surah Al-Mutaffifin 83:17
پھر کہا جائے گا کہ : یہ ہے وہ چیز جس کو تم جھٹلایا کرتے تھے۔
Verse 18 — Surah Al-Mutaffifin 83:18
خبردار ! نیک لوگوں کا اعمال نامہ علیین میں ہے۔
Verse 19 — Surah Al-Mutaffifin 83:19
اور تمہیں کیا معلوم کہ علیین (میں رکھا ہوا اعمال نامہ) کیا چیز ہے ؟
Verse 20 — Surah Al-Mutaffifin 83:20
وہ ایک لکھی ہوئی کتاب ہے۔
Verse 21 — Surah Al-Mutaffifin 83:21
جسے مقرب فرشتے دیکھتے ہیں۔
Verse 22 — Surah Al-Mutaffifin 83:22
یقین جانو کہ نیک لوگ بڑی نعمتوں میں ہوں گے۔
Verse 23 — Surah Al-Mutaffifin 83:23
آرام دہ نشستوں پر بیٹھے نظارہ کر رہے ہوں گے۔
Verse 24 — Surah Al-Mutaffifin 83:24
ان کے چہروں پر نعمتوں میں رہنے سے جو رونق آئے گی، تم اسے صاف پہچان لوگے۔
Verse 25 — Surah Al-Mutaffifin 83:25
انہیں ایسی خالص شراب پلائی جائے گی جس پر مہر لگی ہوگی۔
Verse 26 — Surah Al-Mutaffifin 83:26
اس کی مہر بھی مشک ہی مشک ہوگی۔ اور یہی وہ چیز ہے جس پر للچانے والوں کو بڑھ چڑھ کر للچانا چاہیے۔
Verse 27 — Surah Al-Mutaffifin 83:27
اور اس شراب میں تسنیم کا پانی ملا ہوا ہوگا۔
Verse 28 — Surah Al-Mutaffifin 83:28
جو ایک ایسا چشمہ ہے کہ جس سے اللہ کے مقرب بندے پانی پئیں گے۔
Verse 29 — Surah Al-Mutaffifin 83:29
جو لوگ مجرم تھے، وہ ایمان والوں پر ہنسا کرتے تھے۔
Verse 30 — Surah Al-Mutaffifin 83:30
اور جب ان کے پاس سے گزرتے تھے تو ایک دوسرے کو آنکھوں ہی آنکھوں میں اشارے کرتے تھے۔
Verse 31 — Surah Al-Mutaffifin 83:31
اور جب اپنے گھر والوں کے پاس لوٹ کر جاتے تھے، تو دل لگی کرتے ہوئے جاتے تھے۔
Verse 32 — Surah Al-Mutaffifin 83:32
اور جب ان (مومنوں) کو دیکھتے تو کہتے کہ یہ لوگ یقینا گمراہ ہیں۔
Verse 33 — Surah Al-Mutaffifin 83:33
حالانکہ ان کو ان مسلمانوں پر نگران بنا کر نہیں بھیجا گیا تھا۔
Verse 34 — Surah Al-Mutaffifin 83:34
آخر ہوگا یہ کہ آج ایمان لانے والے کافروں پر ہنس رہے ہوں گے۔
Verse 35 — Surah Al-Mutaffifin 83:35
آرام دہ نشستوں پر بیٹھے ہوئے دیکھ رہے ہوں گے۔
Verse 36 — Surah Al-Mutaffifin 83:36
کہ کافر لوگوں کو واقعی ان کاموں کا بدلہ مل گیا جو وہ کیا کرتے تھے۔