Urdu - Chapter 86 - At-Tariq

قسم ہے آسمان کی اور رات کو آنے والے کی۔

اور تمہیں کیا معلوم کہ وہ رات کو آنے والا کیا ہے ؟

کہ کوئی جان ایسی نہیں ہے جس کی کوئی نگرانی کرنے والا موجود نہ ہو۔

اب انسان کو یہ دیکھنا چاہیے کہ اسے کس چیز سے پیدا کیا گیا ہے ؟

اسے ایک اچھلتے ہوئے پانی سے پیدا کیا گیا ہے۔

جو پیٹھ اور سینے کی ہڈیوں کے درمیان سے نکلتا ہے۔

بیشک وہ اسے دوبارہ پیدا کرنے پر پوری طرح قادر ہے۔

جس دن تمام پوشیدہ باتوں کی جانچ ہوگی۔

تو انسان کے پاس نہ اپنا کوئی زور ہوگا نہ کوئی مددگار۔

قسم ہے بارش بھرے آسمان کی۔

اور پھوٹ پڑنے والی زمین کی۔

کہ یہ (قرآن) ایک فیصلہ کن بات ہے۔

اور یہ کوئی مذاق نہیں ہے۔

بیشک یہ (کافر لوگ) چالیں چل رہے ہیں۔

اور میں بھی اپنی چال چل رہا ہوں۔

لہذا (اے پیغمبر) تم ان کافروں کو ڈھیل دو ، انہیں تھوڑے دنوں اپنے حال پر چھوڑ دو ۔